ច្បាប់ហាម…ហាមតែច្បាប់ !
នៅស្រុកយើងអ្វីដែលច្បាប់បានហាម…ហាមលែងបានទៅហើយ ។ អ្វីដែលមានច្បាប់រក្សាការពារ…លែងរក្សាការពារបានទៅហើយ ។ មិនដឹងថា ច្បាប់នៅតែលើក្រដាស…ច្បាប់ខ្សោយ
នៅស្រុកយើងអ្វីដែលច្បាប់បានហាម…ហាមលែងបានទៅហើយ ។ អ្វីដែលមានច្បាប់រក្សាការពារ…លែងរក្សាការពារបានទៅហើយ ។ មិនដឹងថា ច្បាប់នៅតែលើក្រដាស…ច្បាប់ខ្សោយ
នៅស្រុកយើងអ្វីដែលច្បាប់បានហាម…ហាមលែងបានទៅហើយ ។ អ្វីដែលមានច្បាប់រក្សាការពារ…លែងរក្សាការពារបានទៅហើយ ។
មិនដឹងថា ច្បាប់នៅតែលើក្រដាស…ច្បាប់ខ្សោយ ឬមនុស្សខ្សោយខាងការពារ ក៏ពិបាកថា ពិបាកនិយាយឱ្យចំដែរ…ពិបាកណាស់ !
ច្បាប់ហាមចាប់ត្រីក្នុងរដូវពងកូន…ប៉ុន្តែនៅលើទីផ្សារគ្រប់ច្រកល្ហក…សម្បូរទៅដោយពងត្រី…
ច្បាប់ហាមកាប់ព្រៃលិចទឹក ទុកសម្រាប់ត្រីពងបន្តពូជ…ប៉ុន្តែព្រៃលិចទឹកត្រូវអ្នកមានប្រាក់ឈូសឆាយក្លាយជាវាលរហោឋាន…អត់ឃើញមានទោស…។
ច្បាប់ហាមកាប់ឈើក្នុងព្រៃការពារ…ព្រៃអភិរក្ស…ប៉ុន្តែកាប់យកម៉ដ្ឋដូចអាចម៍ទីទុយ…អ្នកកាប់ឈើ…អត់មានទោស…។
ច្បាប់ហាមដឹកឈើទៅក្រៅប្រទេស…ប៉ុន្តែឈើប្រណីតខ្មែរត្រូវចោរតូច ចោរធំដឹកយ៉ាងរញ្ជួយដីទៅលក់ឱ្យស្រុកយួនទាំងយប់ទាំងថ្ងៃ…ព្រៃឈើក៏អស់…អ្នករកសីុខុសច្បាប់…អត់ឃើញមានទោសទេ…មានទោសតែលោកតាប្រាក់…។
ក្រឡេកមើលចុះ ចាប់បានឈើពីចោរជាង៦៧ម៉ឺនម៉ែត្រគូប…ជាភ័ស្តុតាងបញ្ជាក់…មិនអាចការពារព្រៃឈើបាន…។
ច្បាប់ហាមជួញដូរ…ប្រើប្រាស់គ្រឿងញៀន…ទោះផ្សព្វផ្សាយស្ទើរបែកអាកាស…គ្រឿងញៀនវាយលុកពេញនគរ…ខ្លះជាប់គុកហើយនៅបញ្ជាជួញដូរចេញពីក្នុងគុកទៀត…ខ្លះមានថ្នាំញៀនប្រើប្រាស់ក្នុងគុកបានទៀត…ទំនងស្រួលប្រើជាងកាលមិនទាន់ជាប់គុក ។
ប្រមុខដឹកនាំប្រទេសដាក់គោលនយោបាយឱ្យស្តារបឹង ស្តារស្រះដែលគោករាក់ ដើម្បីស្តុកទឹក…កុំឱ្យដល់ពេលរាំងស្ងួតអត់ទឹកប្រើ ។ គោលនយោបាយល្អនេះក្លាយជាកន្ទេលធំបន្លំដេក…ក្លាយជាអាជីវកម្មរបស់មន្ត្រីឈ្មួញស្ទើរគ្រប់កន្លែង…។
ចៅហ្វាយស្រុកនិងមេឃុំខ្លះគិតតែពីជីកយកអាចម៍ដីលក់…ជីកដឹកចេញទាំងយប់ទាំងថ្ងៃដោយគ្រឿងចក្ររបស់ឈ្មួញ…មិនបាច់ចំណាយប្រាក់ទិញដីសម្រាប់ជីកទេ គឺជីកបឹង ជីកប្រឡាយតាមចិត្ត…ជីកប៉ាតណាប៉ាតណី…អត់មានបច្ចេកទេស…អត់មានអ្នកជំនាញពិនិត្យ…អនាគតទៅ ស្ទឹង ព្រែក ដែលមានប្រវែងរាប់រយគីឡូម៉ែត្រកាន់តែរីងស្ងួត…ព្រោះទឹកវានៅតែមួយប្រឡង់ ដែលឈ្មួញមន្ត្រីជីកយកអាចម៍ដីលក់…
ច្បាប់បានហាម…មែនទែនទៅហាមតែច្បាប់ !
អាឡេវ
ចែករំលែកព័តមាននេះ