ពិតជាមានចិត្តក្លាហានណាស់ ខណៈទើបតែលេចមុខក្នុងសិល្បៈមួយរយៈ ក្រោយពេលឡើងប្រឡងបវរកញ្ញា ស្រាប់តែស្រីស្អាត វ៉ា ម៉ាលីណា មានចិត្តក្លាហានមិនចាញ់គេនោះទេ ដោយកញ្ញារាងល្វតល្វន់រូបនេះ បានបង្ហាញនូវ
រាជធានីភ្នំពេញ ៖ ពិតជាមានចិត្តក្លាហានណាស់ ខណៈទើបតែលេចមុខក្នុងសិល្បៈមួយរយៈ ក្រោយពេលឡើងប្រឡងបវរកញ្ញា ស្រាប់តែស្រីស្អាត វ៉ា ម៉ាលីណា មានចិត្តក្លាហានមិនចាញ់គេនោះទេ ដោយកញ្ញារាងល្វតល្វន់រូបនេះ បានបង្ហាញនូវរូបភាពមួយចំនួនជាមួយនឹងឈុតហែលទឹក លម្អនៅតាមតំបន់មាត់សមុទ្រ។
ក្រោយពេលបានឃើញនូវរូបរាង សាច់ស.រលោងរបស់ស្រីស្អាត ម៉ាលីណា បានធ្វើឱ្យប្រុសៗមួយចំនួនសម្លឹងមើលឡើងភ្លឹក ស្ទើរមិនដាក់ភ្នែកតែម្តង។ ហើយស្រីស្អាត វ៉ា ម៉ាលីណា បានឈានចូលដល់ វគ្គ Top 10 Miss Grand Cambodia 2021 ដែលធ្វើអោយមហាជនតាមដានអំឡុងពេលឡើងប្រកួត។
កញ្ញាដ្បិតតែមិនបានឱកាសចូលដណ្តើមមកុដ តែនាងក៏ដណ្តើមបានតំណែងជានារីដ៏ស្រស់ផូរផង់ផ្នែកទម្រង់មុខដាច់គេ។ ហើយស្រីស្អាត វ៉ា ម៉ាលីណា ក៏ធ្លាប់ប្រកួតកញ្ញាឯកសង្គ្រាន្ត ដែលឆ្លងដល់វគ្គសំខាន់ដឺរ ផងដែរ។ បើទោះជាប្រឡងជាប់បែបណា គោលដៅរបស់នាងនៅមិនទាន់ដល់ចំណុចដែលនាងចង់បានឡើយ។ នាងក៏បង្កើតឱកាសខ្លួនឯង ហើយក៏ចូលទៅប្រឡងវគ្គផ្សេងៗទៀត ដូចជា នៅក្នុងកម្មវិធី Miss Grand Cambodia ដែលនាងសម្លឹងឃើញ។
ទោះយ៉ាងណា នាងបានត្រឹមឆក់ឱកាសបាន១០នាក់ចុងក្រោយ តែនាងនៅមិនទាន់អស់ចិត្តនោះទេ ប្រសិនបើមានឱកាសល្អ នាងនឹងព្យាយាមបង្ហាញខ្លួនលើឆាកប្រកួតអោយកាន់តែផុសផុលបន្តទៀត ដើម្បីដណ្តើមបានម្ចាស់មកុដ។
វ៉ា ម៉ាលីណា នាងមិនខ្លាចឈុតលេចលើក្រោមនោះទេ នាពេលឡើងបង្ហាញលើឆាក ។ ហើយពីមុននាងហាក់អៀនប្រៀនច្រើន តែគិតថា ប្រសិនបើនៅតែអៀននោះ មិនអាចធ្វើអ្វីបានឡើយ។ ហើយកន្លងមក ការគ្រងឈុតប៊ីគីនីរបស់នាង ហាក់មិនសប្បាយចិត្តសោះឡើយពីឪពុកម្តាយរបស់នាង។ ប៉ុន្តែក្រោយពីបានស្វែងយល់ច្រើនថា នោះគ្រាន់តែឈុតប្រកួតលើឆាក និងជាវិញ្ញាសារមួយ ទើបអ្នកមានគុណរបស់នាងមិនដាក់ការហាមដូចមុនដំបូងទៀតនោះទេ។
ម៉ាលីណា បានបញ្ជាក់ថា នាងចង់បន្តឱកាសប្រកួតលក្ខណៈបវរកញ្ញាមួយកម្មវិធីផ្សេងទៀតដើម្បីដណ្តើមមកុដ ធ្វើជាតួឯកអោយបាន។ ម្ល៉ោះហើយរាល់ថ្ងៃ ទំនេរតាមដានការប្រឡងបែបបវរកញ្ញាផ្សេងៗ ដើម្បីជាទុន។ កញ្ញាញញឹមស្រស់រូបនេះបន្តទៀតថា ពីមុនឪពុកម្តាយមិនចង់អោយប្រឡងទេ ព្រោះគ្រាន់តែឃើញនាងគ្រងឈុតប៊ីគីនីឡើងឆាកពួកគាត់ប្រកែក។ ប៉ុន្តែដោយយល់ថា នោះគ្រាន់តែជាវិញ្ញាសាប្រកួត ក៏បានរំសាយអារម្មណ៍ហាមឃាត់មកវិញ។
បើនិយាយពីសិល្បៈវិញ នាងស្រឡាញ់តាំងពីក្មេងៗមកម្ល៉េះ ហើយចង់ក្លាយជាមនុស្សមហាជន និងគិតថា ខាងមុខបន្តទៀត នាងនឹងដើរដល់គោលដៅ។ វិស័យសិល្បៈ ក្រៅពីចង់ក្លាយជាតារាបង្ហាញម៉ូដ នាងក៏ចង់ក្លាយជាតារាសម្តែង និងពិធីការិនីលេចធ្លោផងដែរ នេះជាក្តីប្រាថ្នាតាំងពីដើមទីមករបស់នាង។
ចែករំលែកព័តមាននេះ