ខេត្តកំពត ៖ ជនសង្ស័យម្នាក់ត្រូវកម្លាំងនគរបាលស្រុកឈូកចាប់ខ្លួន បន្ទាប់ពីធ្វើសកម្មភាពដ៏ឃោរឃៅ ក្នុងករណីរំលោភ និងប្លន់ រួចហើយបានគេចខ្លួន ។ លុះនៅថ្ងៃទី០៨ មិថុនា ២០១៦ ត្រូវកម្លាំងចាប់ខ្លួនបាន ខណៈលួចចូលភូមិវិញ ស្ថិតក្នុងភូមិបោះខ្ទម ឃុំដំបូកខ្ពស់ ស្រុកអង្គជ័យ ខេត្តកំពត ។
ជនសង្ស័យខាងលើឈ្មោះដេង យ៉ុក អាយុ២៧ឆ្នាំ មានទីលំនៅភូមិកើតហេតុខាងលើ ។ បើយោងតាមនគរបាលយុត្តិធម៌ខេត្ត ឱ្យដឹងថា ជនសង្ស័យឈ្មោះដេង យ៉ុក ជាមុខសញ្ញាមួយគឺរំលោភ និងប្លន់យ៉ាងសហាវ ដែលបានប្រព្រឹត្ត កាលពីយប់ថ្ងៃទី២០ វិច្ឆិកា ២០០៦ កន្លងមក ស្ថិតក្នុងភូមិខាងលើ ។
បន្ទាប់ពីធ្វើសកម្មភាពហើយ ជននេះបានគេចខ្លួន លុះត្រឡប់មកភូមិវិញក៏មានដីការបស់ចៅក្រម អឿង សៀង ចៅក្រមស៊ើបសួរ បង្គាប់ឱ្យនាំខ្លួនតែម្តង ។
ចែករំលែកព័តមាននេះ