ខេត្តកំពង់ស្ពឺ ៖ ក្រុមហ៊ុន ខេមហ្វូន ដែលជាក្រុមហ៊ុនទូរស័ព្ទដៃឈានមុខគេបានចុះចែកអំណោយដល់សិស្សក្រីក្រនៅសាលាបឋមសិក្សាវត្តភ្នំ ស្ថិតនៅឃុំធម្មតាអរ ស្រុកសំរោងទង ខេត្តកំពង់ស្ពឺ កាលពីព្រឹកថ្ងៃទី៥ មិថុនា ២០១៦
ខេត្តកំពង់ស្ពឺ ៖ ក្រុមហ៊ុន ខេមហ្វូន ដែលជាក្រុមហ៊ុនទូរស័ព្ទដៃឈានមុខគេបានចុះចែកអំណោយដល់សិស្សក្រីក្រនៅសាលាបឋមសិក្សាវត្តភ្នំ ស្ថិតនៅឃុំធម្មតាអរ ស្រុកសំរោងទង ខេត្តកំពង់ស្ពឺ កាលពីព្រឹកថ្ងៃទី៥ មិថុនា ២០១៦ ដែលមានការចូលរូមពីលោកគ្រូ អ្នកគ្រូ សិស្សានុសិស្ស និងដៃគូរសហការ ព្រមទាំងបុគ្គលិករបស់ក្រុមហ៊ុនខេមហ្វូនច្រើនផងដែរ ។
លោក ហេង ផេង អ្នកគ្រប់គ្រងទូទៅរបស់ក្រុមហ៊ុនខេមហ្វូន បានមានប្រសាសន៍ថា នេះជាសកម្មភាព សប្បុរសធម៌របស់ក្រុមហ៊ុនជួយដល់សង្គមខ្មែរ ជាពិសេសសិស្សានុសិស្សដែលជាទំពាំងស្នងឬស្សី ។ សិស្សានុសិស្សដែលចូលរួមម្នាក់ៗទទួលបានអំណោយជាសម្ភារសិក្សា ដូចជាសៀវភៅ៥ក្បាល ប៉ិច១ដើម ខ្មៅដៃ១ដើម កាតាបមួយ បន្ទាត់មួយ ព្រមទាំងថវិកាមួយចំនួន ។
លោកបានបន្ថែមទៀតថា ការធ្វើអាជីវកម្មសព្វថ្ងៃនេះ របស់ក្រុមហ៊ុនខេមហ្វូន មិនមែនសំដៅទៅលើប្រាក់ចំណញតែមួយមុខទេ គឺតែងតែយកប្រាក់ដែលទទួលបានទៅជួយសង្គមផងដែរ។ ជាងនេះទៅទៀត ក្រុមហ៊ុន ខេមហ្វូន បាននាំចូលផ្តាច់មុខជាផ្លូវការនូវទូរស័ព្ទដៃស្មាតហ្វូនម៉ាក Meizu អស់រយៈពេលជិត១ឆ្នាំមកហើយ ដោយបានដាក់សម្ពោធនៅផ្សារ Aeon Mall កាលពីថ្ងៃទី២០ វិច្ឆិកា ២០១៥ ដែលមានការគាំទ្រយ៉ាងច្រើនពីអ្នកប្រើប្រាស់ រហូតមកដល់ពេលបច្ចុប្បន្ននេះ ក៏ដូចជាបណ្តាលអាជីវករនៅទូទាំងប្រទេស ដោយផ្អែកលើកត្តាបួន គឺ គុណភាព, តម្លៃ, សេវាកម្ម និង ច្រកបែងចែក ។
ក្រុមហ៊ុនខេមហ្វូន និង Meizu នឹងខិតខំស្វែងរកបទពិសោធថ្មីៗជាមួយទូរស័ព្ទដៃ ដើម្បីបំពេញតម្រូវការរបស់អតិថិជន ហើយអតិថិជនអាចរកទិញបានទូទាំងព្រះរាជាណាចក្រកម្ពុជា ៕
ចែករំលែកព័តមាននេះ