ទំនុកចិត្តបែកខ្ចាយនៅក្នុងសង្គមកម្ពុជា
អ្នកជំងឺខ្លាចគ្រូពេទ្យ ។ ប្រជាជនមិនហ៊ានពឹងពាក់តុលាការ ។ ប្រជាជនមិនទុកចិត្តមន្ត្រី ។ មានរឿងរ៉ាវជាច្រើនទៀតបានកើតមាននៅក្នុងសង្គមខ្មែរដោយសារតែការបាត់បង់ទំនុកចិត្ត។
អ្នកជំងឺខ្លាចគ្រូពេទ្យ ។ ប្រជាជនមិនហ៊ានពឹងពាក់តុលាការ ។ ប្រជាជនមិនទុកចិត្តមន្ត្រី ។ មានរឿងរ៉ាវជាច្រើនទៀតបានកើតមាននៅក្នុងសង្គមខ្មែរដោយសារតែការបាត់បង់ទំនុកចិត្ត។
អ្នកជំងឺខ្លាចគ្រូពេទ្យ ។ ប្រជាជនមិនហ៊ានពឹងពាក់តុលាការ ។ ប្រជាជនមិនទុកចិត្តមន្ត្រី ។ មានរឿងរ៉ាវជាច្រើនទៀតបានកើតមាននៅក្នុងសង្គមខ្មែរដោយសារតែការបាត់បង់ទំនុកចិត្ត។
ការបាត់បង់ជំនឿទំនុកចិត្តរវាងមនុស្សនិងមនុស្ស រវាងប្រជាជននិងមន្ត្រី រវាងអ្នកនយោបាយនិងអ្នកនយោបាយកំពុងតែញាំញឺសង្គមកម្ពុជាដោយធ្វើអោយមានការពិបាកនៅក្នុងការរស់នៅនិងការបំពេញការងារ។ បើសិនជាការទុកចិត្តគ្នាត្រូវបានបំផ្លាញនៅក្នុងសង្គមមួយ អ្វីៗនឹងលែងដំណើរការបានល្អ។ តុលាការមិនត្រូវបានចាត់ទុកជាទីកន្លែងដែលប្រជាជននាំគ្នាទៅស្វែងរកយុត្តិជាមួយនឹងការទុកចិត្តមួយរយភាគរយ។
អ្នកនយោបាយមិនទុកចិត្តគ្នាទៅវិញទៅមកដោយការភ័យខ្លាចនៃការធ្វើបាបគាបសង្កត់និងការសងសឹក។ ដូច្នេះ ពួកគេក៏មិនអាចមានការគោរពគ្នាទៅវិញទៅមកនិងរួមគ្នាដើម្បីបម្រើប្រទេសជាតិអោយកាន់តែលូតលាស់។អ្នកធ្វើដំណើរខ្លះមិនទុកចិត្តដល់ប៉ូលិសចរាចរណ៍ដែលបំពេញការងារតាមដងផ្លូវ។ អ្នកជំងឺនាំគ្នារត់ទៅពិនិត្យនិងព្យាបាលជំងឺនៅក្រៅប្រទេស ដោយសារតែមិនទុកចិត្តទៅលើសេវាកម្មសុខភាពនៅក្នុងប្រទេស។ការមិនទុកចិត្តគ្នានេះកើតមានស្ទើរគ្រប់ទីកន្លែង។
វាចាំបាច់ណាស់ដែលមនុស្សគ្រប់គ្នាត្រូវកសាងទំនុកចិត្តគ្នាទៅវិញទៅមកតាមរយ:ការប្រតិបត្តិការងាររៀងៗខ្លួនដើម្បីបម្រើប្រជាជនកម្ពុជា។ អ្នកនយោបាយមិនត្រូវមានគំនិតគុំគួនហើយប្រកួតប្រជែងគ្នាដោយយុត្តិធម៌។ ចំណែកគ្រូពេទ្យត្រូវប្រកាន់ខ្ពាប់គោលការណ៍សង្គ្រោះជីវិតមនុស្សជាធំ។ តុលាការត្រូវផ្តល់យុត្តិធម៌ដល់មនុស្សគ្រប់គ្នា។
ការបំពេញតួនាទីនិងការប្រតិបត្តិខ្លួនរបស់មនុស្សម្នាក់ៗតាមការទទួលខុសត្រូវនិងប្រកបដោយសីលធម៌នឹងអាចជួយដល់ការលើកកម្ពស់ការទុកចិត្តគ្នានៅក្នុងសង្គមកម្ពុជា។ បើសិនជាមនុស្សគ្រប់គ្នាបំពេញការងារតាមការទទួលខុសត្រូវនិងប្រកបដោយសីលធម៌ក្នុងគោលដៅរួមដើម្បីកម្ពុជាមួយដែប្រសើរជាងនេះ ពេលនោះមនុស្សនឹងមានការទុកចិត្តគ្នានៅក្នុងសង្គមកាន់តែខ្លាំង។
នៅពេលដែលសង្គមមួយមានការទុកចិត្តគ្នាខ្ពស់ មនុស្សម្នានឹងអាចរស់នៅជាមួយគ្នាកាន់តែសុខដុម្យនិងកាន់តែចេះជួយគ្នាទៅវិញទៅមកដើម្បីសុភមង្គលទាំងអស់គ្នា។
ចែករំលែកព័តមាននេះ