គ្រូបង្វឹកក្រុមជម្រើសជាតិអង់គ្លេសRoyHodgson បានប្រាប់ Jamie Vardy ខ្សែប្រយុទ្ធអាយុ៣៩ឆ្នាំថា កុំខ្វល់ពីការផ្លាស់ទៅលេងក្លិប Arsenal តែត្រូវផ្តោតសំខាន់លើការជួយក្រុមជម្រើសជាតិឱ្យទទួលបានជ័យជម្នះEuro
គ្រូបង្វឹកក្រុមជម្រើសជាតិអង់គ្លេសRoyHodgson បានប្រាប់ Jamie Vardy ខ្សែប្រយុទ្ធអាយុ៣៩ឆ្នាំថា កុំខ្វល់ពីការផ្លាស់ទៅលេងក្លិប Arsenal តែត្រូវផ្តោតសំខាន់លើការជួយក្រុមជម្រើសជាតិឱ្យទទួលបានជ័យជម្នះEuro ២០១៦ ខាងមុខនេះ ។
ការលើកឡើងរបស់គ្រូបង្វឹកវ័យ៦៨ឆ្នាំរូបនេះ ធ្វើឡើងបន្ទាប់ពីក្លិបកាំភ្លើងធំ Arsenal នៅតែទទូចចង់ឱ្យ Vardy ចុះកិច្ចសន្យារយៈពេល៤ឆ្នាំជាមួយខ្លួនមុនថ្ងៃប្រកួត Euro ចាប់ផ្តើម ដោយបានផ្តល់តម្លៃខ្លួនរហូតដល់១៧ម៉ឺនដុល្លារ ក្នុងមួយសប្តាហ៍ ខណៈក្លិប Leicester ហ៊ានចំណាយត្រឹមតែ១៣ម៉ឺនដុល្លារប៉ុណ្ណោះ ។
Vardy កំពុងរារែកចិត្តក្នុងការផ្លាស់ទៅក្លិប Arsenal ឬក៏បន្តនៅលេងឱ្យ Leicester ខណៈក្លិបម្ចាស់ជើងឯកប្រឺមីញេលីកថ្មីនេះ ផ្តល់ឱកាសឱ្យរូបលោកលេងនៅលំដាប់កំពូលក្នុងក្លិប ។
ទោះជាយ៉ាងណាក្តី គ្រូបង្វឹកក្រុមជម្រើសជាតិអង់គ្លេស Hodgson បានបញ្ជាក់យ៉ាងច្បាស់ថា មិនត្រូវមានអ្វីរំខានចំពោះកីឡាករ Vardyឡើយ មុនការប្រកួតបើកឆាកក្នុងពូលដំបូងប៉ះជាមួយរុស្ស៊ីនៅថ្ងៃសៅរ៍ខាងមុខ ។ ម្យ៉ាងវិញទៀត លោក Hodgson ក៏បានដាក់បម្រាមមិនឱ្យភ្នាក់ងារ និងតំណាងក្លិបនានាទាក់ទងកីឡាកររូបនេះឡើយ ៕
ចែករំលែកព័តមាននេះ