លោក Gerry Taggart អតីតខ្សែការពារក្លិបLeicester City បង្ហាញការយល់ឃើញថា ក្លិបLeicester Cityអាចប្រឈមនឹងការខាតបង់យ៉ាងធំ ប្រសិនបើកីឡាករJamie Vardy ខ្សែប្រយុទ្ធអាយុ២៩ឆ្នាំផ្លាស់ទៅលេងនៅក្លិបArsenal ។
Vardy ទោះបីជាទើបបន្តកុងត្រាថ្មីទទួលប្រាក់ឈ្នួល៦០.០០០ផោនក្នុង១សប្ដាហ៍កាលពីខែកុម្ភៈ កន្លងមកក៏ដោយ ប៉ុន្តែគេអាចផ្លាស់ក្លិបបាន ប្រសិនបើមានក្លិបណាមួយបានទៅលេងនៅយូហ្វាឆេមពានលីកដាក់សំណើ២០លានផោន ។
កន្លងមក ក្លិបArsenal បានដាក់សំណើក្នុងទឹកប្រាក់ខាងលើ រួមទាំងដាក់ប្រាក់ឈ្នួល១២០.០០០ផោនក្នុង១សប្ដាហ៍ ចំណែកក្លិបLeicester City ក៏មិននៅស្ងៀមដែរដោយគ្រោងដំឡើងប្រាក់ឈ្នួលដើម្បីរារាំងរូបគេបន្តទៀត ៕
ចែករំលែកព័តមាននេះ