ចំណូលពន្ធឆ្នាំ ២០២១ អាចបាន ៤,៥ ពាន់លានដុល្លារ
- ភ្នំពេញ
រាជធានីភ្នំពេញ ៖ ចំណូលពន្ធដារ និងពន្ធគយក្នុងឆ្នាំ ២០២១ នេះ អាចនឹងទទួលបាន ៤,៥ ពាន់លានដុល្លារអាមេរិក ។…
រាជធានីភ្នំពេញ ៖ ចំណូលពន្ធដារ និងពន្ធគយក្នុងឆ្នាំ ២០២១ នេះ អាចនឹងទទួលបាន ៤,៥ ពាន់លានដុល្លារអាមេរិក ។…
រាជធានីភ្នំពេញ ៖ ចំណូលពន្ធដារ និងពន្ធគយក្នុងឆ្នាំ ២០២១ នេះ អាចនឹងទទួលបាន ៤,៥ ពាន់លានដុល្លារអាមេរិក ។ ប្រាក់ចំ ណូលឆ្នាំនេះ អគ្គនាយកដ្ឋានគយអាចបានដល់ទៅ ២,២ ពាន់លានដុល្លារអាមេរិក ខណៈពន្ធដារបានសម្រេចរួចហើយគឺ ២.២៤៣លានដុល្លារអាមេរិក ស្មើនឹង ១១៤,១៣ ភាគរយ ។ ដូច្នេះគិតទាំងចំណូលពន្ធដារ និងពន្ធគយ កម្ពុជារំពឹងទទួលបានចំណូល ៤,៥លានដុល្លារអាមេរិក ។
នេះជាការអះអាងរបស់សម្តេចនាយករដ្ឋមន្ត្រីនៅក្នុងឱកាសសម្ពោធអគារររដ្ឋបាលគយ កាលពីថ្ងៃទី ២៣ ធ្នូ ។ សម្ដេចបន្ថែមថាចំណូលសម្រាប់ឆ្នាំ ២០២១ នេះបើប្រៀបធៀបនឹងចំណូលដែលធ្លាប់ទទួលបានកាលមុនកូវីដ ១៩ គឺនៅតិចនៅឡើយ តែយ៉ាងណាក្ដីក៏កម្ពុជានៅតែមានលទ្ធភាពក្នុងការចំណាយរបស់ខ្លួនដដែលក្នុងវិបត្តិកូវីដ ១៩ ក្នុងឆ្នាំ ២០២១ នេះ ។
ក្នុងឆ្នាំ ២០២២ ខាងមុខនេះ អគ្គនាយកដ្ឋានពន្ធដារបានត្រៀមខ្លួនរួចហើយក្នុងការប្រមូលចំណូលពន្ធថ្មីៗដែលរដ្ឋាភិបាលបានអនុគ្រោះកន្លងមកដូចជាពន្ធលើចំណេញមូលធនអចលនទ្រព្យ ដែលពន្ធនេះ បានអនុគ្រោះអស់រយៈពេលជិត ១០ ឆ្នាំមកហើយ នឹងបានគ្រោងប្រមូលតាំងពីក្នុងឆ្នាំ ២០២១ ម្ល៉េះ តែដោយសារតែបញ្ហាកូវីដ ១៩ ពន្ធនេះ បានពន្យារដល់ឆ្នាំ ២០២២ ទើបអនុវត្តន៍ ។ តាមរយៈការអនុវត្តន៍ពន្ធនេះដែរ ជាចំណែកមួយក្នុងចំណូលពន្ធក្នុងស្រុកខណៈវិស័យអចលនទ្រព្យកម្ពុជានៅតែមានសកម្ម ភាពក្នុងវិបត្តិកូវីដ ១៩ ។
នៅក្នុងឆ្នាំ ២០២២ ខាងមុខនេះ កិច្ចព្រមព្រៀងពាណិជ្ជកម្មសេរីចំនួន ៣ នឹងចូលជាធរមាន ក្នុងនោះមានកិច្ចព្រមព្រៀងពាណិ ជ្ជកម្មកម្ពុជា ចិន កិច្ចព្រមព្រៀងពាណិជ្ជកម្មកម្ពុជា កូរ៉េ និងកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ RCEP ។ ការចូលជាធរមាននូវកិច្ចព្រមព្រៀងពាណិជ្ជកម្មសេរីនឹងធ្វើឱ្យកម្ពុជា នាំចេញទំនិញទៅក្រៅប្រទេសដោយរួចពន្ធហើយទំនិញពីប្រទេសជាដៃគូកិច្ចព្រមព្រៀងដែលនាំចូលមកកម្ពុជាក៏នឹងរួចពន្ធដូចគ្នា ។ តាមរយៈកិច្ចព្រមព្រៀងនេះ កម្ពុជាអាចនឹងបាត់ បង់ចំណូលពន្ធគយមួយចំណែកពីប្រទេសដៃគូរកិច្ចព្រមព្រៀង ប៉ុន្តែកម្ពុជាអាចបង្កើនលទ្ធភាព ទំនិញសក្ដានុពលរបស់ខ្លួនដើម្បីនាំចេញទៅកាន់ប្រទេសដៃគូមិនគិតពន្ធដូចគ្នា ។
លោក គី សេរីវឌ្ឍន៍ អ្នកវិភាគសេដ្ឋកិច្ចកម្ពុជា មួយរូបបានថ្លែងថា នៅពេលកិច្ចព្រមព្រៀងពាណិជ្ជកម្មសេរីចូលជាធរមានចំ ណូលពន្ធគយមួយចំណែកនឹងត្រូវបាត់បង់តាមរយៈការចរចាកន្លងមក យើងនាំទៅគេអត់អស់ពន្ធ ហើយគេនាំមកវិញក៏អត់អស់ពន្ធដែរ ដូច្នេះអ្វីដែលយើងអាចធ្វើបានគឺនាំចេញទំនិញសក្ដានុពលទៅកាន់ប្រទេសដៃគូកិច្ចព្រមព្រៀងឱ្យាកាន់តែច្រើន ៕
ចែករំលែកព័តមាននេះ