យប់មិញ ! បា.ញ់ប្លន់កក្រើកខេត្តរតនគិរី
ខេត្តរតនគិរី ៖ ក្រុមចោរប្រដាប់អាវុធមួយក្រុមបានសម្រុកចូលទៅបា.ញ់ម្ចាស់ផ្ទះរងរបួសធ្ងន់ប្លន់យកលុយ និងទ្រព្យសម្បត្តិមានតម្លៃ រួចរត់គេចខ្លួនបាត់ដោយសុវត្ថិភាព
ខេត្តរតនគិរី ៖ ក្រុមចោរប្រដាប់អាវុធមួយក្រុមបានសម្រុកចូលទៅបា.ញ់ម្ចាស់ផ្ទះរងរបួសធ្ងន់ប្លន់យកលុយ និងទ្រព្យសម្បត្តិមានតម្លៃ រួចរត់គេចខ្លួនបាត់ដោយសុវត្ថិភាព
ខេត្តរតនគិរី ៖ ក្រុមចោរប្រដាប់អាវុធមួយក្រុមបានសម្រុកចូលទៅបាញ់ម្ចាស់ផ្ទះរងរបួសធ្ងន់ប្លន់យកលុយ និងទ្រព្យសម្បត្តិមានតម្លៃ រួចរត់គេចខ្លួនបាត់ដោយសុវត្ថិភាព ។ ហេតុការណ៍នេះកើតឡើងកាលពីវេលាម៉ោង៩ និង៥០នាទីយប់ ថ្ងៃទី៧ ខែមិថុនា ឆ្នាំ២០១៦ នៅចំណុចភូមិអូរទទឹង ឃុំឡាបាំង១ ស្រុកលំផាត ខេត្តរតនគិរី ។
ប្រភពព័ត៌មានជំហ៊ានដំបូងកន្លែងកើតហេតុបានឲ្យដឹងថា ក្រុមចោរមួយក្រុមមានគ្នា៤នាក់ ប្រដាប់ដោយកាំភ្លើងវែងនិងខ្លីបានចូលមកបាញ់ម្ចាស់ផ្ទះឲ្យរបួសធ្ងន់ប្លន់យកលុយអស់ជាង២ពាន់ដុល្លារ និងទ្រព្យសម្បតិមួយចំនួនទៀត រួចរត់គេចខ្លួនបាត់ ។
ប្រភពបន្តទៀតថា ជនរងគ្រោះជាម្ចាស់ផ្ទះឈ្មោះ បូរិន អាយុ២៧ឆ្នាំ ត្រូវក្រុមចោរបាញ់១គ្រាប់ ធ្លាយឆ្អឹងជំនីពីម្ខាងទៅម្ខាងរងរបួសធ្ងន់ ត្រូវបានសាច់ញាតិបញ្ជូនទៅសង្គ្រោះនៅប្រទេសវៀតណាមទាំងយប់ ។
ក្រោយពីកើតហេតុ សមត្តកិច្ចគ្រប់ស្ថាប័នបានចុះទៅដល់កន្លែងកើតហេតុទាំងយប់ដើម្បីធ្វើកំណត់ហេតុ និងតាមចាប់ក្រុមចោរទាំងនេះយកមកផ្តន្ទាទោសតាមច្បាប់ ប៉ុន្តែសមត្តកិច្ចមិនទាន់បញ្ជាក់ពីមុខសញ្ញាក្រុមចោរប្លន់នេះនៅឡើយទេ ហើយទ្រព្យសម្បត្តិដែលត្រូវក្រុមចោរប្លន់យកទៅបាត់នោះក៏មិនទាន់ដឹងចំនួនពិតប្រាកដថាប៉ុន្មាននៅឡើយដែរ ។
សូមបញ្ជាក់ថា ភូមិទទឹងនេះនៅតាមបណ្ដោយផ្លូវជាតិលេខ៧៦ ពីទីរួមខេត្តទៅស្រុកលំផាត់ គឺជាភូមិដាច់ស្រយាលពីស្រុកលំផាត់ ទើបជាឱកាសល្អរបស់ក្រុមចោរទាំងនោះធ្វើសកម្មភាព ៕
ចែករំលែកព័តមាននេះ