រាជធានីភ្នំពេញ ៖ ខ្សែក្រវាត់ គឺជាគ្រឿងលម្អ ដែលវាតែងតែជាផ្នែកនៃសម្លៀកបំពាក់របស់បុរសគ្រប់រូប ប៉ុន្តែច្រើនទសវត្សរ៍មក នេះ ខ្សែក្រវាត់ក៏ត្រូវបានចាប់អារម្មណ៍ពីស្ត្រីផងដែរ ដូចនេះហើយខ្សែក្រវាត់ត្រូវបានបុរស និងស្រ្តីប្រើប្រាស់យ៉ាងទូលំទូលាយ ។ ហើយប្រសិនបើអ្នកកំពុងស្វែងរកខ្សែក្រវាត់ដែលល្អ ស័ក្តិសមនឹងអ្នក អ្នកអាចគិតគូខ្សែក្រវាត់ Gucci Stuart Hughes នេះបាន ។
បើទោះបីជាតម្លៃរបស់វាមិនទាន់ដល់លំដាប់រាប់លានដុល្លារក៏ពិតមែន ! ប៉ុន្តែតម្លៃខ្សែក្រវាត់មួយ មានតម្លៃរាប់សែនដុល្លារអាមេរិក ក៏អាចចាត់ទុកថា ជាតម្លៃមួយដែលខ្ពស់បំផុតក្នុងលោកផងដែរ ។
តោះ! មកមើលតម្លៃ និងសម្រស់ខ្សែក្រវាត់ ដែលថ្លៃបំផុតក្នុងលោកទាំងអស់គ្នា ៖
Gucci Stuart Hughes Belt by Gucci ឬខ្សែក្រវាត់ Gucci Stuart Hughes ៖ មានតម្លៃ 250,000 ដុល្លារអាមេរិក ក្រោមការវាយតម្លៃខ្សែក្រវាត់ Gucci Stuart Hughes គឺជាខ្សែក្រវាត់ថ្លៃបំផុតក្នុងលោក ដែលបានផលិតដោយក្រុមហ៊ុនម៉ាក Gucci តែម្តង ដែលជាម៉ាកយីហោម៉ូដអ៊ីតាលីដ៏ល្បីល្បាញមួយ សូម្បីតែក្នុងព្រះរាជាណាចក្រកម្ពុជា ក៏មានមនុស្សជាច្រើនបានស្គាល់ និងប្រើប្រាស់សម្ភារនានាពីម៉ាកនេះដែរ ។
ជាមួយនឹងការរួមបញ្ចូលគ្នានៃអ្នករចនាម៉ូដរបស់ជនជាតិអង់គ្លេស លោក Stuart Hughes បានបង្កើតខ្សែក្រវាត់នេះឡើងត្រឹមតែពីរ ឬបី ប៉ុណ្ណោះ ។ Gucci Stuart Hughes Belt បានដាំពេជ្រ 30 ការ៉ាត់ និងមាស 30 ការ៉ាត់ ដែលនេះបានធ្វើអោយខ្សែក្រវាត់មួយនេះមានតម្លៃថ្លៃបំផុតក្នុងលោក និងភាពប្រណីតរបស់វាក៏មានតែមួយផងដែរក្នុងពិភពលោក ៕ ប្រភព៖ expensive-world
ចែករំលែកព័តមាននេះ