យោងតាមទីភ្នាក់ងារព័ត៌មានបែលហ្ស៊ិក BELGA ថា មនុស្សយ៉ាងតិច៣នាក់ស្លាប់ដោយសារការបុកគ្នាកាលពីយប់ថ្ងៃទី៥ មិថុនា វេលាម៉ោង២៣ម៉ោងក្នុងស្រុករវាងរថភ្លើងដឹកអ្នកដំណើរមួយខ្សែ និងរថភ្លើងដឹកទំនិញមួយខ្សែតាមផ្លូវដែកពីទីក្រុង NAMUR ទៅកាន់ទីក្រុង LIEGE ភាគខាងកើតបែលហ្ស៊ិក ។
តាមតុល្យការដំបូងថា គ្រោះថ្នាក់នេះបណ្តាលឱ្យមនុស្សស្លាប់៣នាក់ និងរបួស៤០នាក់ រថភ្លើងដឹកអ្នកដំណើរបានបុកពីក្រោយរថភ្លើងដឹកទំនិញនៅកន្លែងឈប់តាមផ្លូវដែកជាមួយ ព្រោះតែបើកលឿនពេក ។ ក្រៅពីអ្នកស្លាប់ មនុស្សប្រមាណជា៤០នាក់ក្នុងរថភ្លើងនេះរងរបួស ។ ការបុកគ្នានេះញ៉ាំងឱ្យទូរថភ្លើង២ក្នុងចំណោមទូទាំង៦នៃរថភ្លើងដឹកអ្នកដំណើរធ្លាក់ពីផ្លូវដែកហើយក្រឡាប់ ៕
ចែករំលែកព័តមាននេះ