មេម៉ាយខ្មៅអីុនធើរណេត
សំបកក្រៅមើលទៅដូចស្ដ្រីចំណាស់ម្នាក់ស្លូតបូត ត្រឹមត្រូវ ប៉ុន្ដែតាមពិត Melissa Ann Shepard ល្បីល្បាញជាមួយរហស្សនាម «មេម៉ាយខ្មៅអីុនធើរណេត» ដ៏គួរឱ្យខ្លាច។ កាលពីថ្ងៃទី៨ ខែមីនា ឆ្នាំ២០១៦ Shepard
សំបកក្រៅមើលទៅដូចស្ដ្រីចំណាស់ម្នាក់ស្លូតបូត ត្រឹមត្រូវ ប៉ុន្ដែតាមពិត Melissa Ann Shepard ល្បីល្បាញជាមួយរហស្សនាម «មេម៉ាយខ្មៅអីុនធើរណេត» ដ៏គួរឱ្យខ្លាច។ កាលពីថ្ងៃទី៨ ខែមីនា ឆ្នាំ២០១៦ Shepard
សំបកក្រៅមើលទៅដូចស្ដ្រីចំណាស់ម្នាក់ស្លូតបូត ត្រឹមត្រូវ ប៉ុន្ដែតាមពិត Melissa Ann Shepard ល្បីល្បាញជាមួយរហស្សនាម «មេម៉ាយខ្មៅអីុនធើរណេត» ដ៏គួរឱ្យខ្លាច។ កាលពីថ្ងៃទី៨ ខែមីនា ឆ្នាំ២០១៦ Shepard ត្រូវបានដោះលែងពីពន្ធនាគារក្រោយជាប់ឃុំ៣ឆ្នាំ ពីបទបំពុលប្ដីចុងក្រោយដោយថ្នាំធ្វើឱ្យស្ងប់អារម្មណ៍ បណ្ដាលឱ្យជនរងគ្រោះធ្លាក់ខ្លួនពិការត្រូវអង្គុយលើរទេះរុញ ។
Melissa Ann Shepard កើតនៅទីប្រជុំជនរុស្សែល ប្រទេសកាណាដា ។ ពាក់កណ្ដាលឆ្នាំ១៩៧៧ និងឆ្នាំ១៩៩០ Shepard ជាប់ពាក់ព័ន្ធការបោកប្រាស់ជាង៣០ករណី ប៉ុន្ដែរហូតដល់ឆ្នាំ១៩៩២ ទើបត្រូវអ្នកផងផ្ដល់រហស្សនាមជា «មេម៉ាយខ្មៅអីុនធើរណែត» ព្រោះពូកែខាងប្រើអីុនធើរណេតអន្ទង ប្រុសៗអាយុច្រើនមុនពេលផ្ដាច់ជីវិតពួកគេចោលឥតប្រណី។ ពិនិត្យតាមឯកសារគេឃើញប្ដីដំបូងរបស់ស្ដ្រីរូបនេះ ជាប្រុសមានសំណាងជាងគេព្រោះលែងលះគ្នា មុនពេលស្ដ្រីរូបនេះសម្លាប់។ ឯប្ដីបន្ដបន្ទាប់ក្រោយមកទៀតគ្មានសំណាងដូច្នេះឡើយ ។ ប្ដីទី២របស់ស្ដ្រីរូបនេះឈ្មោះ Jordon Stewart ត្រូវស្ដ្រីរូបនេះបើកឡានបុកពីរដង តែគេចទាន់រហូត ដល់មកស្លាប់គឺស្លាប់នឹងថ្នាំបំពុលរបស់ស្ដ្រីរូបនេះ។ នៅចំពោះមុខតុលាការ ស្ដ្រីរូបនេះធ្វើពុតជាយំយែកនិយាយថា មកពីខ្លួនឈឺចាប់ពេកព្រោះប្ដីធ្វើបាបដូចសត្វធាតុ ។ តុលាការកាត់ទោសដាក់ពន្ធនាគារស្ដ្រីរូបនេះ៦ឆ្នាំ តែពុំដឹងដោយសារវេទមន្ដអីស្ដ្រីកំណាចជាប់គុកបានតែ២ឆ្នាំ ក៏បានទទួលការដោះលែងយ៉ាងរំភើយ ។
ដើម្បីរាំងស្កាត់ Shepard ប្រព្រឹត្ដកំហុសដដែលទៀត ប៉ូលិសកាណាដាបង្ខំឱ្យ Shepard ធ្វើរបាយការណ៍ប្រាប់ប៉ូលិសប្រសិនបើទាក់ទងជាមួយប្រុសថ្មីណាម្នាក់ និងត្រូវឱ្យប៉ូលិសថតរូបប្រសិនបើចង់កែមុខមាត់ ជាមួយគ្នានោះត្រូវយល់ព្រមឱ្យប៉ូលិសប្រាប់ពីអតីតកាលរបស់ខ្លួនដល់ប្រុសដែលចង់ទាក់ទងស្នេហាជាមួយខ្លួន ។
ឆ្នាំ២០០១ ពេលអាយុ៦៥ឆ្នាំ Shepard រៀបការជាមួួយប្ដីទី៣ ឈ្មោះ Robert Frierich អាយុ៨៣ឆ្នាំ បន្ទាប់ពីស្គាល់គ្នាក្នុងឱកាសបុណ្យណូអែល ។ ក្រោយរៀបការរួច Shepard នាំប្ដីថ្មីរូបនេះទៅរស់នៅរដ្ឋផ្ល័ររីដា សហរដ្ឋអាមេរិក។ នៅទីនោះបាន១៤ខែ ប្ដីទី៣របស់ Shepard សុខៗស្រាប់តែស្លាប់យ៉ាងសោះកក្រោះ ។ កូនចៅរបស់លោកតា Frierich ដោយស្គាល់ប្រវត្ដិពូកែសម្លាប់ ប្រុសៗរបស់ Shapard បានប្ដឹងទារជំងឺចិត្ដ តែពុំដឹងដោយសារហេតុអី Shepard អត់ត្រូវតុលាការចោទប្រកាន់ពីបទអ្វីសោះ ។
ក្រោយការស្លាប់របស់ប្ដីទី៣ Shepard ទាក់ទងស្គាល់គ្នាជាមួយតាចាស់ម្នាក់ទៀតអាយុ៧៣ឆ្នាំឈ្មោះ Alex Strategos គឺស្គាល់តាមរយៈអុីនធើរណេត ។ អ្នកទាំងពីរស់នៅជាមួយគ្នាបាន១ខែ លោកតាប្ដីទី៤ ស្រាប់តែ ងាកៗចូលពេទ្យ ។ ពួកវេជ្ជបណ្ឌិតឆ្ងល់ពេក ត្រួតពិនិត្យឃើញមានជាតិថ្នាំ Benzodia Zepine ក្នុងឈាមអ្នកជំងឺក៏រាយការណ៍ប្រាប់ប៉ូលិសមូលដ្ឋាន ។ ចំណែកអ្នកជំងឺពេលឮថា នៅក្នុងឈាមរបស់ខ្លួនមានជាតិថ្នាំធ្វើឱ្យស្ងប់អារម្មណ៍ គាត់នឹកឃើញភ្លាមថាថ្នាំនោះពិតជានៅក្នុងការ៉េមដែលប្រពន្ធខ្លួនទិញឱ្យខ្លួនហូបរាល់ថ្ងៃ ។ ទោះគ្រូពេទ្យរាយការណ៍ថាដូច្នេះក្ដី តែប៉ូលិសបែរជាត្រួតពិនិត្យរួចថាខ្លួនរកមិនឃើញមានថ្នាំធ្វើឱ្យស្ងប់អារម្មណ៍ក្នុងខ្លួនអ្នកជំងឺទេ តែឃើញក្នុងគណនីធនាគាររបស់អ្នកជំងឺបែរជាបាត់ប្រាក់១៨.០០០ដុល្លារទៅវិញ ។ ហេតុនេះចុងក្រោយស្ដ្រីឈ្មោះ Shepard ត្រូវមានទោសជាប់គុក៥ឆ្នាំពីបទក្លែងឯកសារនិងលួចលុយ ។
ឆ្នាំ២០១៣ Shepard ត្រូវបណ្ដេញចេញពីសហរដ្ឋអាមេរិក ហើយទៅរស់នៅខេត្ដ Nova Scotia ភាគខាងកើតប្រទេសកាណាដាវិញ ។ នៅកន្លែងថ្មី Shepard ទាក់ទងលោកតាពោះម៉ាយនៅជិតខាងឈ្មោះ Fred Weeks អាយុ៧១ឆ្នាំ ។ លោកតានោះដោយនៅពោះម៉ាយជាយូរហើយ លុះជួបស្ដ្រីប្រសប់និយាយស្ដីរូបនេះគាត់មិនគិតមុខគិតក្រោយច្រើនឡើយ យល់ព្រមស្នេហាភ្លាម ហើយក៏នាំគ្នាក្រេបចន្ទទឹកឃ្មុំនៅកោះ Newfoundland ក្នុងសមុទ្រអាត្លង់ទិក ។ ត្រឡប់ពីក្រេបចន្ទទឹកឃ្មុំវិញ Shepard ប្រើថ្នាំឱ្យស្ងប់អារម្មណ៍បំពុលប្ដីជាបន្ដបន្ទាប់ ធ្វើឱ្យលោកតាទន់ខ្លួនត្រូវអង្គុយលើរទេះរុញ ។ រហូតដល់ពួកវេជ្ជបណ្ឌិតរកឃើញជាតិថ្នាំធ្វើឱ្យស្ងប់អារម្មណ៍នៅក្នុងឈាមយ៉ាងច្រើន ទើបប៉ូលិសប្រញាប់ប្រញាល់ស៊ើបអង្កេត ។ ប៉ុន្ដែទោះយ៉ាងណាក្ដី Shepard ជាប់គុកតែ២ឆ្នាំ៩ខែ១០ថ្ងៃប៉ុណ្ណោះ ។ ពេល Shepard ចេញពីពន្ធនាគារ លោកតា Alex Startegos ជាប្ដីទី៤និយាយដោយហួសចិត្ដជាមួយទូរទស្សន៍ BBC ថា «ខ្ញុំមិននឹកស្មានទាល់តែសោះថា Shepard មានថ្ងៃបានចេញពីពន្ធនាគារវិញ ។មិនដឹងថា លោករដ្ឋអាជ្ញាគិតអ្វីក្នុងខួរក្បាលគាត់ ព្រោះស្ដ្រីរូបនេះនៅតែជាអ្នកមេម៉ាយខ្មៅអស់មួយជីវិត» ៕
ចែករំលែកព័តមាននេះ