រូបថតជាច្រើនសន្លឹករបស់គូស្នេហ៍ចិនមួយគូមានការចាប់អារម្មណ៍ខ្លាំងតាមហ្វេសប៊ុក ដោយបង្ហាញឱ្យឃើញពួកគេរៀបការក្នុងផ្ទះដែលលិចដោយទឹកជំនន់ ។ គូស្វាមីភរិយាថ្មីដែលគេមិនបង្ហើបឱ្យដឹងឈ្មោះនោះ
រូបថតជាច្រើនសន្លឹករបស់គូស្នេហ៍ចិនមួយគូមានការចាប់អារម្មណ៍ខ្លាំងតាមហ្វេសប៊ុក ដោយបង្ហាញឱ្យឃើញពួកគេរៀបការក្នុងផ្ទះដែលលិចដោយទឹកជំនន់ ។ គូស្វាមីភរិយាថ្មីដែលគេមិនបង្ហើបឱ្យដឹងឈ្មោះនោះបានរៀបការកាលពីថ្ងៃទី២ ខែមិថុនា ២០១៦ នៅផ្ទះរបស់ពួកគេក្នុងក្រុង Wuhan ខេត្តHu bei ប្រទេសចិន ខណៈតំបន់ពួកគេរស់នៅកំពុងជួបគ្រោះទឹកជំនន់ ។
ដូចបង្ហាញក្នុងរូបផ្ទះដែលរៀបចំពិធីមង្គលការនោះត្រូវទឹកជំនន់ហ៊ុមព័ទ្ធ តែកូនកំលោះ និងកូនក្រមុំនៅតែញញឹមស្រស់ស្រាយ ។ ទឹកជំនន់ហាក់បីដូចជាផ្តល់ភាពត្រជាក់ត្រជុំ និងជួយអបអរសាទរពួកគេទៅវិញ ។
អ្នកលេងហ្វេសប៊ុកជាច្រើននាក់សរសើរ និងជូនពរគូស្វាមី-ភរិយាថ្មីនោះ ខណៈមួយចំនួនទៀតបង្ហាញការអាណិតពួកគេដែលជួបបញ្ហា នៅថ្ងៃមង្គលសិរីសួស្តី ៕
ចែករំលែកព័តមាននេះ