ប្រទេសថៃ ៖ ឧស្សាហកម្មអចលនទ្រព្យរបស់ថៃនឹងមានកំណើនចាប់ពី៥% ទៅ១០%នៅឆ្នាំនេះ បើទោះបីជាបានរងនូវព្យុះបក់បោកពីកត្តាខាងក្រៅ និងខាងក្នុងក្តី ។ នេះបើតាមសមាគមអាជីវកម្មលំនៅឋានបានឱ្យដឹង ។
ប្រទេសថៃ ៖ ឧស្សាហកម្មអចលនទ្រព្យរបស់ថៃនឹងមានកំណើនចាប់ពី៥% ទៅ១០%នៅឆ្នាំនេះ បើទោះបីជាបានរងនូវព្យុះបក់បោកពីកត្តាខាងក្រៅ និងខាងក្នុងក្តី ។ នេះបើតាមសមាគមអាជីវកម្មលំនៅឋានបានឱ្យដឹង ។
ប្រធានសមាគម លោក Athip Peechanon បានមានប្រសាសន៍ថា ៖ « ពួកយើងរំពឹងថា ទីផ្សារអគារខុនដូអាចនឹងធ្លាក់ចុះបន្តិចនៅក្នុងឆ្នាំនេះ ចំណែកកំណើននៃវិស័យអចលនទ្រព្យនឹងត្រូវបានជំរុញដោយសារអចលនទ្រព្យលំនៅឋាន » ។
លោក Athip Peechanon បានថ្លែងក្នុងវេទិកាវិនិយោគលើវិស័យអចលនទ្រព្យថា ៖ « ពួកយើងនឹងឃើញពីគម្រោងអចលនទ្រព្យថ្មីៗនៅក្នុងឆ្នាំនេះ គឺនៅក្នុងតំបន់ឧស្សាហកម្មទីក្រុងបាងកក ដែលជាគម្រោងកាន់កាប់ដោយក្រុមហ៊ុនអចលនទ្រព្យធំៗ » ។
កំណើននៃការទិញលំនៅឋាន គឺដោយសារតែវិធានការរបស់រដ្ឋាភិបាលថៃ (ចាប់ពីខែវិច្ឆិកា ដល់ខែមេសា) ។ ក្នុងអំឡុងពេលនោះ អ្នកទិញ និងលក់លំនៅឋានបានបង្កើនការផ្ទេរកម្មសិទ្ធិរបស់ពួកគេ ។ ប៉ុន្តែបច្ចុប្បន្ន វិធានការនេះបានផុតកំណត់ទៅហើយ ហើយពលរដ្ឋប្រហែលជាពន្យារពេលក្នុងការផ្ទេរអចលនទ្រព្យរបស់ពួកគេ ។
គួរបញ្ជាក់ថា ការផ្ទេរលំនៅឋានក្នុងអំឡុងពេលវិធានការរបស់រដ្ឋាភិបាលថៃ បានកើនឡើង២៣% ស្មើនឹង៦៨.៥០០ខ្នង ។ ចំណែកការផ្ទេរអគារខុនដូមានអត្រា១០៦% ស្មើនឹង៦៣.០០០យូនីត ។
« គម្រោងអគារខុនដូជាច្រើនកំពុងតែមានសភាពយ៉ាងត្រដាបត្រដួស ដោយសារតែការផ្គត់ផ្គង់លើសតម្រូវការ ហើយភាពត្រដាបត្រួសនេះយ៉ាងហោចណាស់ក៏មួយឆ្នាំដែរ»។ នេះបើតាមប្រសាសន៍របស់លោក Athip Peechanon ។
ទោះជាយ៉ាងណា ក៏មានតម្រូវការលំនៅឋាននៅតាមខេត្តផ្សេងៗផងដែរ ខណៈដែល គេទទួលស្គាល់ថា វាជាទ្រព្យសកម្មដ៏ចាំបាច់សម្រាប់អ្នករស់នៅ ។
លោក Prasert Taedullayasatit ប្រធានសមាគមអគារខុនដូថៃ បានមានប្រសាសន៍ថា ៖ « ក្នុងរយៈពេល៤ខែដំបូងនៃឆ្នាំនេះ មានគម្រោងចំនួន១៣%ប៉ុណ្ណោះដែលត្រូវបានសម្ពោធ ស្មើនឹង៨៣ប៊ីលានបាត បើធៀបនឹងរយៈពេលដូចគ្នាកាលពីឆ្នាំមុន » ។
ទោះជាយ៉ាងណា ក្នុងរយៈពេល៨ខែចុងក្រោយនេះ មានអ្នកអភិវឌ្ឍចម្បងចំនួន១០ នឹងសម្ពោធគម្រោងដែលមានទឹកប្រាក់២២០ប៊ីលានបាត ជាពិសេស នៅតំបន់សេដ្ឋកិច្ចក្នុងទីក្រុងបាងកក ក្នុងនោះមានគម្រោងខុនដូចំនួន៦៧គម្រោង, លំនៅឋានក្នុងក្រុង៩២គម្រោង និងគម្រោងផ្ទះជាប់ដី៧៤គម្រោង ។
លោក Wiwat Laohaphunrangsi អគ្គនាយកនៃក្រុមហ៊ុនអចលនទ្រព្យ Areeya បានថ្លែងថា ៖ « ក្រុមហ៊ុនអភិវឌ្ឍន៍អចលនទ្រព្យបានបង្កើតតម្រូវការ ប៉ុន្តែក្រុមហ៊ុនភាគច្រើនមានគម្រោងនៅក្នុងដីដែលមិនទាន់បានសម្ពោធជាផ្លូវការនៅឡើយ » ។
រដ្ឋមន្ត្រីក្រសួងហិរញ្ញវត្ថុ លោក Visut Srisuphan បង្ហាញថា ៖ « ២០១៦ គឺជាឆ្នាំដែល មានការប្រកួតប្រជែងសម្រាប់អាជីវកម្មទាំងអស់ រួមទាំងវិស័យអចលនទ្រព្យផងដែរ។ គ្រោះរាំងស្ងួតនឹងធ្វើឲ្យវិស័យកសិកម្មរងនូវផលប៉ះពាល់ ហើយបំណុលលំនៅឋានកាន់តែមានកម្រិតខ្ពស់ ដែលនេះជាស្ថានការណ៍ដ៏រសើបមួយ និងចាំបាច់ត្រូវគ្រប់គ្រងយ៉ាងប្រុងប្រយ័ត្ន » ៕
ចែករំលែកព័តមាននេះ