រាជធានីភ្នំពេញ ថ្ងៃទី៥ ខែឧសភា ឆ្នាំ២០១៦ ៖ ក្រុមហ៊ុន កូកា-កូឡា កម្ពុជា បានចាប់ផ្តើមយុទ្ធនាការរូបភាពថ្មីបំផុតរបស់ខ្លួននៅក្នុងប្រទេសកម្ពុជា ដែលជាផ្នែកមួយនៃយុទ្ធសាស្ត្រសកលនៃ «ស្លាកសញ្ញាតែមួយ» ក្នុងការបង្រួបបង្រួមស្លាកសញ្ញាក្រុមគ្រួសារកូកា-កូឡា ក្រោមស្លាកសញ្ញាតែមួយ ។ យុទ្ធសាស្ត្រថ្មីនេះ នឹងផ្សព្វផ្សាយផលិតផល កូកា-កូឡា ទាំងអស់ក្នុងពេលតែមួយ ហើយជាព្រឹត្តិការណ៍ដំបូង និងដ៏ធំបំផុតប្រចាំទសវត្សរ៍ ដែលសម្ព័ន្ធស្លាកសញ្ញាទាំងបួនរបស់ខ្លួន បានរួមគ្នាមានវត្តមានក្រោមយុទ្ធនាការទីផ្សារតែមួយ ។
យុទ្ធសាស្ដ្រទីផ្សារសកលនៃ «ស្លាកសញ្ញាតែមួយ» មានគោលបំណងបង្រួបបង្រួមសម្ព័ន្ធពាណិជ្ជ កូកា-កូឡា ក្រោមស្លាកសញ្ញាតែមួយ និងផ្តល់ភាពច្បាស់ដល់អតិថិជន ដើម្បីឱ្យពួកគេធ្វើការសម្រេចចិត្តជ្រើសរើសផលិតផលតាមតម្រូវការរបស់ពួកគេ ។ យុទ្ធសាស្ត្រនេះ បាននាំមកជូនអតិថិជននូវយុទ្ធនាការ«រសជាតិនៃអារម្មណ៍ស្រស់ស្រាយ» តាមរយៈរឿងរ៉ាវជាសកល និងសកម្មភាពប្រចាំថ្ងៃ ដើម្បីផ្សារភ្ជាប់ទំនាក់ទំនងជាមួយអតិថិជននៅជុំវិញពិភពលោក ដែលទទួលបាននូវបទពិសោធន៍ និងអារម្មណ៍រីករាយជាមួយនឹងការញ៉ាំ កូកា កូឡា ។
ផ្តោតទៅលើមូលដ្ឋានគ្រឹះនៃស្លាកសញ្ញាកូកា-កូឡា យុទ្ធនាការដ៏អស្ចារ្យមួយនេះ បានពាំនាំនូវបទពិសោធន៍ជាសំឡេង ក៏ដូចជារូបភាពដ៍ថ្មីសន្លាងសម្រាប់អតិថិជន ដោយរួមផ្សំជាមួយនឹងសកម្មភាពពិត និងអារម្មណ៍ពិតដែលបង្ហាញនូវនិរន្តរភាពនៃភាពរឹងមាំដែលស្លាកសញ្ញា កូកា-កូឡា មានជាយូរមកហើយ ។
ក្រុមហ៊ុន កូកា-កូឡា បានប្រមូលផ្តុំនូវគំនិតច្នៃប្រឌិតថ្មីរួមជាសកល ពីភ្នាក់ងារចំនួន១០ផ្សេងគ្នា ក្នុងការរៀបចំផលិត និងថតស្ពតទូរទស្សន៍ចំនួន១០ដែលជាផ្នែកមួយនៃយុទ្ធសាស្ត្រថ្មីនៃ«ស្លាកសញ្ញាតែមួយ»ជាមួយពាក្យស្លោកថ្មីគឺ«រសជាតិនៃអារម្មណ៍ស្រស់ស្រាយ»។ ស្ពតពាណិជ្ជកម្មទាំងអស់នេះ មានរយៈពេលខ្លី ប៉ុន្តែវាពិតជាបង្កប់ និងឆ្លុះបញ្ចាំងនូវរឿងរ៉ាវប្រចាំថ្ងៃ អារម្មណ៍ និងបទពិសោធន៍មនុស្សកំពុងរីករាយជាមួយផលិតផលកូកា-កូឡា ដ៏ត្រជាក់ ។ នៅចុងបញ្ចប់នៃស្ពតពាណិជ្ជកម្មនីមួយៗ ក្រុមគ្រួសារស្លាកសញ្ញាកូកា-កូឡា បានរួមគ្នាក្រោមរូបរង្វង់ កូកា-កូឡា ក្រហមតែមួយ ។ ស្ពតពាណិជ្ជកម្មទាំងអស់ បានបញ្ចូលនូវបទភ្លេងដ៏ថ្មីសន្លាងគឺ«រសជាតិនៃអារម្មណ៍ស្រស់ស្រាយ» ដែលបទភ្លេងថ្មីនេះ បានផលិតឡើងដោយឌីជេ Avicii ដែលជាជនជាតិស៊ុយអែដ ជាសិល្បករ និងជាបេក្ខភាពពានរង្វាន់ Grammy ហើយបទនេះ ត្រូវបានច្រៀងដោយ លោក Conrad Sewell ជាតារាចម្រៀង ក៏ដូចជាអ្នកនិពន្ធបទចម្រៀងដែលមានដើមកំណើតនៅអង់គ្លេស រស់នៅទីក្រុងឡូសអែនជឺលេស ។
លោក Marcos de Quinto នាយកផ្នែកទីផ្សារបានឲ្យដឹងថា៖«យើងកំពុងធ្វើការពង្រឹងទៅលើទស្សនៈដែលថា កូកា-កូឡា គឺសម្រាប់អ្នកទាំងអស់គ្នា ។ កូកា-កូឡា គឺជាស្លាកសញ្ញាមួយដែលមានជម្រើសច្រើនខុសៗគ្នា ប្រកបដោយគុណតម្លៃ និងស្ថិតក្រោមរូបភាពតែមួយ ។ ប្រជាជនមានតម្រូវការផលិតផលកូកា-កូឡា ផ្សេងៗគ្នា ប៉ុន្តែមិនថាពួកគេចង់បាន កូកា-កូឡា ណាមួយទេ ពួកគេចង់បានកូកា-កូឡា ដែលប្រកបដោយរសជាតិ និងអារម្មណ៍ស្រស់ស្រាយ» ។
លោក Mercado-McCann ជាអ្នកផលិតស្ពតពាណិជ្ជកម្មទីមួយហៅថា Anthem(ស្ថិតនៅទីក្រុង Buenos Airesប្រទេសអាហ្សង់ទីន) ដែលបានចាប់ផ្តើមចាក់ផ្សាយនៅក្នុងប្រទេសកម្ពុជា នៅព្រឹកថ្ងៃសុក្រ ទី៦ ខែឧសភា ឆ្នាំ២០១៦ ។ ស្ពតពាណិជ្ជកម្ម៣០វិនាទីដែលបង្ហាញនូវសកម្មភាពជាច្រើនដូចជាការជិះស្គីលើទឹកកក ការសើចសប្បាយរីករាយជាមួយមិត្តភក្តិ ការណាត់ជួបគ្នាលើកដំបូង ការណាត់ទទួលទានកាហ្វេ ការថើបគ្រាដំបូង និងស្នេហ៍គ្រាដំបូង ដោយភ្ជាប់ទៅនឹងកូកា-កូឡា ជាមួយពាក្យស្លោកថ្មីគឺ «រសជាតិនៃអារម្មណ៍ស្រស់ស្រាយ» ។
លើសពីនេះ«រសជាតិនៃអារម្មណ៍ស្រស់ស្រាយ» បានផ្តោតទៅលើរូបភាពដែលនិទានរឿងយ៉ាងទាក់ទាញក្រោមរូបភាពជាង១០០សន្លឹក ដែលថតដោយអ្នកជំនាញថតរូបគឺ លោក Guy Aroch ដែលមកពីទីក្រុងញូវយ៉ក និងលោក Nacho Ricci មកពីទីក្រុង Buenos Aires ។
លោក James Sommerville នាយករងផ្នែករចនារបស់ក្រុមហ៊ុន កូកា-កូឡា បានប្រាប់ឲ្យដឹងថា ៖«អ្នកជំនាញថតរូបទាំងពីរនាក់នេះ បានទទួលការបណ្តុះបណ្តាលទៅលើការបង្កើតរូបភាពតាមអារម្មណ៍របស់អតិថិជន ក៏ដូចជាការទាក់ទាញមនុស្សឲ្យចាប់អារម្មណ៍ទៅលើផលិតផល ឬរចនាបថនៃការថតរូបដ៏អស្ចារ្យ។ យើងគិតថា នេះជាបទពិសោធន៍មួយដ៏គួរឲ្យចាប់អារម្មណ៍ ក្នុងការចូលរួមការសាកល្បងនេះ នៅក្នុងការផ្សព្វផ្សាយស្លាកសញ្ញា កូកា-កូឡា» ។
លោក Ricci បានផ្តិតយករូបភាពនៅរដ្ឋកាលីហ្វ័រនីញ៉ា រីឯលោក Aroch បានថតទិដ្ឋភាពនៅទីក្រុងញូវយ៉ក ដោយប្រើទីតាំងរស់នៅប្រចាំថ្ងៃក្នុងទីក្រុងដូចជា ដំបូលផ្ទះ និងអ្នកញ៉ាំអាហារ ដើម្បីផ្តិតយកនូវអារម្មណ៍ដ៏ពិតប្រាកដ ។
លោក Rodolfo Echeverria នាយករងផ្នែកច្នៃប្រឌិតការទំនាក់ទំនង និងឌីជីថលក្រុមហ៊ុន កូកា-កូឡា បានពន្យល់ថា ៖«រូបថតទាំងនេះបានផ្តិតចេញមកដើម្បីផ្សព្វផ្សាយតាមទីសាធារណៈ នៅក្នុងហាង និងការផ្សាយឌីជីថលនានា ដោយប្រើរចនាបថរូបភាពក្នុងការពិពណ៌នានូវសកម្មភាពក្នុងបរិបទសម័យទំនើប ដែលឆ្លុះបញ្ចាំងពីទិដ្ឋភាពសាមញ្ញ តែមានលក្ខណៈពិសេស ដោយផលិតផល គឺជាតួអង្គសំខាន់ ។
គ្រប់រូបភាពដែលយើងថត តែងរាប់បញ្ចូលនូវរូបតំណាង កូកា-កូឡា មានដូចជា ដប អក្សរ Spenserian និងរង្វង់ក្រហមនៅចំកណ្តាលយ៉ាងច្បាស់ អមដោយការប្រើពណ៌អក្សរ និងអារម្មណ៍ ។
ការកត់សម្គាល់មួយផ្សេងទៀតនៃរូបភាព«រសជាតិនៃអារម្មណ៍ស្រស់ស្រាយ» គឺភាពស្និទ្ធស្នាលក្នុងរូបភាព ដែលបង្កប់ដោយអត្ថន័យដ៏ជ្រាលជ្រៅ ។ រូបភាពត្រូវបានកែសម្រួលដើម្បីអាចឲ្យអ្នកទស្សនាមើលឃើញដប Coke ច្បាស់ ប៉ុន្តែអត្ថន័យផ្សេងទៀត គឺអាចបកស្រាយតាមការយល់ឃើញរបស់អ្នកមើល ដោយសារតែមិនមែនគ្រប់ធាតុទាំងអស់នៅក្នុងរូបដែលបានថត សុទ្ធតែផ្តោតទៅលើការបង្កើតឡើងថ្មីទាំងអស់នោះទេ ប៉ុន្តែផ្តោតសំខាន់ទៅលើអារម្មណ៍ និងសកម្មភាពនៃការញុំា កូកា-កូឡា ។ កូកា-កូឡា គឺជាតួអង្គសំខាន់នៅក្នុងរូបភាព ។ រូបភាពឆ្លុះបញ្ចាំងពីសកម្មភាពប្រជាជនពហុជាតិសាសន៍ និងរសនិយមផ្សេងៗគ្នា ជាមួយផលិតផលពិត សកម្មភាពពិត និងអត្ថន័យពិត ។
រូបថតទាំងអស់ បានបង្ហាញពីម៉ាកសញ្ញា កូកា-កូឡា នៅក្នុងវិធីថ្មីមួយ ទាំងរូបតំណាង និងតួអក្សរ ។ លោក Aroch បានអភិវឌ្ឍបច្ចេកវិជ្ជាដ៏ល្អឯក ក្នុងការប្រើពណ៌ដែលមានឈ្មោះថា «Contemporary Nostalgia» ដើម្បីបង្កើតរចនាបថរូបភាពថ្មី ។
លោក Aroch បានឲ្យដឹងថា ៖«រូបថតទាំងអស់នេះ មានគុណភាពដូចភាពយន្តអ៊ីចឹង។ បច្ចុប្បន្ននេះ រូបភាពផ្សាយពាណិជ្ជកម្មភាគច្រើន គឺមុតពេក និងរឹងពេកដែលធ្វើឲ្យបាត់បង់លក្ខណសម្បត្តិរបស់មនុស្សពិតៗ ។ រូបភាពនៃការងារសិល្បៈ មានភាពស្រស់ស្អាតច្រើន ខុសប្លែកគ្នាធៀបនឹងរូបភាពបែបធម្មតា ។ រូបភាពទាំងពីរប្រភេទនេះមានលក្ខណៈពិសេសរៀងខ្លួន ប៉ុន្តែនៅក្នុងករណីនេះ យើងចង់បានអ្វីដែលសាមញ្ញ គឺមិនល្អឥតខ្ចោះពេកនោះទេ… ដោយសារតែនេះគឺជាសកម្មភាពពិត» ។
ផ្ទាំងប៉ាណូក្រុមហ៊ុន កូកា-កូឡា ថ្មី បានដាក់បង្ហាញនៅទូទាំងប្រទេសនៅថ្ងៃសុក្រ ទី៦ ខែឧសភា ឆ្នាំ២០១៦ ។
យុទ្ធនាការរូបភាពថ្មីនេះ សង្ឃឹមថា អតិថិជនចាស់ និងអតិថិជនជាច្រើន អាចចូលរួមផ្សារភ្ជាប់ដោយខ្លួនឯងផ្ទាល់ អំពីសកម្មភាពផ្ទាល់របស់ពួកគេជាមួយ កូកា-កូឡា ។ យុទ្ធនាការនេះ បានទទួលស្គាល់ដោយលោក ចែម សុវិន អ្នកជំនាញថតរូបកម្ពុជាដ៏ល្បី ដែលគាត់បានឲ្យដឹងថា ៖«យុទ្ធនាការបានថតយកនូវសកម្មភាពធម្មជាតិប្រចាំថ្ងៃដែលប្រជាជនកម្ពុជា អាចគិតស្រមៃពីសកម្មភាពប្រចាំថ្ងៃ រួមទាំងសម្លៀកបំពាក់ដែលពួកគេស្លៀកពាក់ ។ ការផ្តោតលើការប្រើពណ៌ដែលបង្ហាញពីអារម្មណ៍ដ៏កក់ក្ដៅ រូបភាពគួរឲ្យទាក់ទាញពិតប្រាកដ ធ្វើឲ្យយុទ្ធនាការនេះ ជួយជំរុញដល់ម៉ាកសញ្ញាទទួលបានការនិយមមួយកម្រិតទៀត» ។
ចែករំលែកព័តមាននេះ