សូមសប្បុរសជនមេត្តាជួយឧបត្ថម្ភផង
ខេត្តបន្ទាយមានជ័យ ៖ លោកយាយ ប៉ោ យឿង អាយុ៧៦ឆ្នាំ សព្វថ្ងៃគាត់រស់នៅតែម្នាក់ គ្មានកូន គ្មានចៅជួយទេ ដោយរស់នៅក្នុងខ្ទមដែលអ្នកជិតបានសាងសង់នៅលើប្រឡាយ
ខេត្តបន្ទាយមានជ័យ ៖ លោកយាយ ប៉ោ យឿង អាយុ៧៦ឆ្នាំ សព្វថ្ងៃគាត់រស់នៅតែម្នាក់ គ្មានកូន គ្មានចៅជួយទេ ដោយរស់នៅក្នុងខ្ទមដែលអ្នកជិតបានសាងសង់នៅលើប្រឡាយ
ខេត្តបន្ទាយមានជ័យ ៖ លោកយាយ ប៉ោ យឿង អាយុ៧៦ឆ្នាំ សព្វថ្ងៃគាត់រស់នៅតែម្នាក់ គ្មានកូន គ្មានចៅជួយទេ ដោយរស់នៅក្នុងខ្ទមដែលអ្នកជិតបានសាងសង់នៅលើប្រឡាយក្បែរផ្លូវ ស្ថិតក្នុងភូមិដីឡូត៍សែសិន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ។
ខណៈពេលដែលបានជួបជាមួយអ្នកយកព័ត៌មាន«កោះសន្តិភាព»នៅល្ងាចថ្ងៃទី០២ ខែមិថុនា ឆ្នាំ២០១៦នេះ លោកយាយ ប៉ោ យឿង បានរៀបរាប់យ៉ាងខ្លីថា គាត់មានប្តី តែប្តីគាត់បានស្លាប់យូរហើយ ចំពោះកូនចៅគាត់មានដែរ ប៉ុន្តែមិនដែលមកក្បែរគាត់សោះឡើយ គាត់សព្វថ្ងៃរស់ដោយសារអ្នកជិតខាងគេជួយផ្តល់បាយទឹក រស់គ្រាន់កំដរថ្ងៃស្លាប់ប៉ុណ្ណោះ ។
ប្រជាពលរដ្ឋរស់នៅជិតខាងគឺអ៊ុំប្រុស មុត ម៉ូរ៉ា, អ្នកស្រី ចាប រុំ និង អ្នកស្រី សេក សុផុន ក៏បាននិយាយផងដែរ លោកយាយ ប៉ោ យឿង រស់នៅសព្វថ្ងៃគឺបានពួកគាត់ជាអ្នកផ្តល់បាយ ទឹកជូនគាត់ពិសារ ។ លោកយាយគ្មានទីពឹង គ្មានកូនចៅមកថែទាំទេ បានពួកគាត់ជាអ្នកជួយមើលថែទាំពេលមានជំងឺឈឺស្កាត់ ថ្ងៃ យប់ គឺមានតែពួកគាត់ទេមើលថែរក្សា ។ ទន្ទឹមនឹងនោះ ពួកគាត់បានសំណូមពរសប្បុរសជនទាំងក្នុង និងក្រៅប្រទេសមេត្តាជួយផ្តល់អំណោយជាស្បៀង និងថវិកាដល់លោកយាយ ប៉ោ យឿង នេះផង ។
លោកយាយមករស់នៅក្នុងភូមិនេះក្នុងអំឡុងឆ្នាំ១៩៨៦ ពីមុនគាត់មានប្តី តែមិនដែលឃើញមានកូនណាមកនៅជាមួយឡើយ ក្រោយពីប្តីគាត់ស្លាប់ទៅគាត់រស់នៅតែលតោលតែម្នាក់ឯង គ្មានដីធ្លីទេ សព្វថ្ងៃរស់នៅក្នុងខ្ទមដែលអ្នកជិតខាងបានសាងសង់ឲ្យនៅលើប្រឡាយចញ្ចើមផ្លូវ ៕
ចែករំលែកព័តមាននេះ