រាជធានីភ្នំពេញ ៖ អ្នកគាំទ្រទូរស័ព្ទដៃសាមសុងជាច្រើននាក់បានមកទិញទូរស័ព្ទសាមសុង Galaxy S7 edge Pink Gold ដែលជាស៊េរីថ្មី ទើបចេញលក់នៅលើទីផ្សារកម្ពុជា។ ដោយទទួលបានការគាំទ្រពីអតិថិជនចំពោះ Galaxy S7 edge និង S7 លើសពីការរំពឹងទុក បន្ទាប់ពីដាក់លក់ជាផ្លូវការកាលពីចុងខែមីនា កន្លងមក ក្រុមហ៊ុនសាមសុងបាននាំមកនូវជម្រើសទាន់សម័យមួយទៀត គឺ Galaxy S7 edge Pink Gold ។
លោក ឆែ សុខឡេង ប្រធានផ្នែកផ្សព្វផ្សាយរបស់សាមសុងថៃ អេឡិចត្រូនិច ប្រចាំកម្ពុជា បានឲ្យដឹងថា «ចំនួនអតិថិជនដែលមកទិញ គឺមានចំនួនច្រើនជាងការរំពឹងទុក ហើយយើងក៏ទទួលបានមតិវិជ្ជមានពីអតិថិជនជាច្រើន ចំពោះទូរស័ព្ទពណ៌ផ្កាឈូក មាសនេះ។ យើងជឿជាក់ថា ប្រណីតភាព និងសម្រស់ទ្វេដងរបស់ទូរស័ព្ទ Galaxy S7 edge Pink Gold នឹងនាំមកនូវភាពស៊ីវីល័យដល់អ្នកប្រើប្រាស់ និងរឹតតែទទួលបានការគាំទ្រពីអតិថិជនកម្ពុជាមិនខាន»។
ទូរស័ព្ទ Galaxy S7 edge Pink Gold នេះក៏ដូចជាទូរស័ព្ទ Galaxy S7 edge និង S7 សុទ្ធតែអាចការពារជ្រាបទឹកដោយប្រព័ន្ធការពារនៅខាងក្នុងទូរស័ព្ទ ហើយ Galaxy S7 edge មានដាក់នូវ Shortcut ដែលអតិថិជនអាចប្រើកម្មវិធីសំខាន់ៗ ដូចជាអ៊ីម៉ែល ថតselfie ថត panorama នឹងប្រើកម្មវិធីផ្សេងៗបានយ៉ាងសាមញ្ញ។
អតិថិជនទិញទូរស័ព្ទសាមសុង Galaxy S7 edge Pink Gold នឹងទទួលបានអង្គចងចាំ៦៤GB ដែលចែកជួនរហូតដល់អស់ពីស្តុកមិនតែប៉ុណ្ណោះ ក៏មានការថែមជួននូវស៊ី cellcard រហូតដល់ថ្ងៃទី៣០ មិថុនា ដែលមានទឹកប្រាក់៣៦០ដុល្លារសម្រាប់ប្រើប្រាស់ក្នុងប្រព័ន្ធ និងអ៊ិនធើរណេត។ ម្យ៉ាងទៀតអតិថិជនក៏អាចទិញទូរស័ព្ទនេះតាមរយៈការបង់រំលស់ជាមួយធនាគារឯកទេស ដោយអត្រាការប្រាក់០% រហូតដល់ចុងខែកក្កដា ឆ្នាំ២០១៦ផងដែរ៕
ចែករំលែកព័តមាននេះ