បន្ទាប់ពីប្រទេសអាល្លឺម៉ង់ និងចក្រភពអង់គ្លេសឥឡូវនេះក្រុមហ៊ុនសាំស៊ុងសម្រេចចិត្តចាកចេញពីទីផ្សារកាមេរ៉ានៅក្នុងប្រទេសអូស្ត្រាលី ។ មូលហេតុពាក់ព័ន្ធនឹងការចាកចេញនេះ ដោយសារតែការផ្លាស់ប្តូរល័ក្ខខ័ណ្ឌទីផ្សារ។ ដោយឡែកក្រុមហ៊ុននឹងផ្តោតសំខាន់ក្នុងការកាត់បន្ថយការលក់ និងការធ្វើទីផ្សារលើផលិតផលរូបភាពឌីជីថលក្នុងប្រទេសអូស្ត្រាលី។ ការចាកចេញពីទីផ្សារនេះបានកើតឡើងបន្ទាប់ពីអ្នកគ្រប់គ្រងទូទៅទទួលបន្ទុកលើផលិតផលកាមេរ៉ាឌីជីថលប្រចាំក្រុមហ៊ុនសាំស៊ុងនៅអូស្ត្រាលីលោក Craig Gillespie ចេញពីក្រុមហ៊ុន ។
បណ្តាក្រុមហ៊ុនលក់រាយអូស្ត្រាលីភាគច្រើនបានបញ្ឈប់ការបញ្ជាទិញកាមេរ៉ារបស់ក្រុមហ៊ុនសាំស៊ុង តែយ៉ាងណាក៏ដោយការចាកចេញពីទីផ្សារកាមេរ៉ាក្នុងប្រទេសនេះនឹងមិនប៉ះពាល់ដល់ការផលិតកាមេរ៉ា Gear 360 ដឺក្រេនោះទេ ។ ផ្អែកលើព័ត៌មាននោះក្រុមហ៊ុនសាំស៊ុងអាចនឹងលែងផលិតកាមេរ៉ាឌីជីថលព្រោះទីផ្សារពិភពលោកធ្លាកចុះជាបន្តបន្ទាប់ ខណៈទីផ្សារស្មាតហ្វូនហក់ឡើង ៕
ចែករំលែកព័តមាននេះ