រាជធានីភ្នំពេញ ៖ ឃា.តកម្មបា.ញ់សម្លា.ប់ជនជាតិចិនម្នាក់ស្លា.ប់ក្នុងបន្ទប់ផ្ទះជួល នៅឯខេត្តព្រះសីហនុ កាលពីដើមខែធ្នូ កន្លងទៅពេលនេះជនសង្ស័យចំនួន២នាក់ ពាក់ព័ន្ធនឹងការសម្លា.ប់ត្រូវបានកម្លាំងសមត្ថកិច្ចចម្រុះ បើកការស្រាវជ្រាវ រហូតឈានដល់ចាប់ឃាត់ខ្លួនបានហើយ កាលពីរសៀលថ្ងៃទី១៩ ខែធ្នូ ឆ្នាំ២០២១ នៅក្នុងបុរីប៉េងហួត ស្ថិតចំណុចផ្ទះលេខA-១៤ និងផ្ទះលេខN៧៧ ភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ ។
ប្រតិបត្តិការស្រាវជ្រាវតាមចាប់ខ្លួននេះធ្វើឡើង ដោយកម្លាំងនគរបាលនៃនាយកដ្ឋាននគរបាលព្រហ្មទណ្ឌក្រសួងមហាផ្ទៃ សហការជាមួយនគរបាលខេត្តព្រះសីហនុ នគរបាលការិយាល័យព្រហ្មទណ្ឌនៃស្នងការដ្ឋាននគរបាលរាជធានីភ្នំពេញ និងកម្លាំងនគរបាលខណ្ឌច្បារអំពៅផងដែរ ដោយក្នុងនោះមានការសម្របសម្រួលនីតិវិធីច្បាប់ ដោយស៊ិត វណ្ណៈ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ ។
ជនសង្ស័យទាំង២នាក់ ដែលសមត្ថកិច្ចឃាត់ខ្លួនបានមានឈ្មោះ ទី១ LI HONGBO ហៅប៉ូប៉ូ ភេទប្រុស ជនជាតិចិន និងឈ្មោះ មី ពៅ ភេទស្រី ជនជាតិវៀតណាម ។
ក្រោយការឃាត់ខ្លួនបានជនទាំង២ ត្រូវបញ្ចូនខ្លួនទៅកាន់នាយកដ្ឋាននគរបាលព្រហ្មទណ្ឌក្រសួងមហាផ្ទៃ ដើម្បីសាកសួរនាំ និងធ្វើការបញ្ចូនបន្តទៅកាន់ស្នងការដ្ឋាននគរបាលខេត្តព្រះសីហនុ ដើម្បីចាត់ការបន្តនីតិវិធីច្បាប់ ។
គួររំលឹកផងដែរថា បុរសជនជាតិចិនម្នាក់ ត្រូវបានគេបា.ញ់ជាច្រើនគ្រាប់សម្លា.ប់នៅក្នុងបន្ទប់ផ្ទះជួលមួយកន្លែង នៅចំណុចក្នុងបុរី BLUE SKY ផ្ទះលេខA252 ជាន់ផ្ទាល់ដី ស្ថិតក្នុងក្រុមទី២២ ភូមិ៥ សង្កាត់៤ ក្រុង-ខេត្តព្រះសីហនុ កាលពីម៉ោង១៣ និង៣០នាទីថ្ងៃទី០៤ ខែធ្នូ ឆ្នាំ២០២១ ។ ជនរងគ្រោះមានឈ្មោះ JIKE MUNAI ភេទប្រុស ជនជាតិចិន ។
ក្រោយកើតមាន អំពើឃា.តកម្មហើយនោះ សមត្ថកិច្ចជំនាញនៃស្នងការដ្ឋាននគរបាលខេត្ត ក៏បានបើកប្រតិបត្តិការសហការគ្នាជាមួយសមត្ថកិច្ចពាក់ព័ន្ធស្រាវជ្រាវ តាមចាប់ខ្លួន ក្រុមជនសង្ស័យ បាននៅរាជធានីភ្នំពេញ នាររសៀលថ្ងៃទី១៩ ខែឆ្នាំខាងលើតែម្តងទៅ ។
តាមប្រភពសមត្ថកិច្ចបានបញ្ជាក់ថា ជនរងគ្រោះមានឈ្មោះ JIKE MUNAI (ស្លា.ប់) មិនមែនជាអ្នកជួលផ្ទះកើតហេតុនោះទេ ។ ដោយឡែកភាគីជួលផ្ទះកើតហេតុមាន ឈ្មោះ មី ពៅ ភេទស្រី មានស្រុកកំណើតឃុំឡាបានសៀក ក្រុងបានលុង ខេត្តរតនគិរី និងមិត្តប្រុសជាជនជាតិចិន (មិនស្គាល់អត្តសញ្ញាណ) ក្រោយពីកើតហេតុរួចបានរត់គេចខ្លួន ៕
ចែករំលែកព័តមាននេះ