ចង់ស្ទាបមិនអី ទៅម្តងទៀតស្ទាប ចប់តែម្តង
រាជធានីភ្នំពេញ ៖ សមត្ថកិច្ចនគរបាលខណ្ឌឫស្សីកែវបានឃាត់ខ្លួនយុវជនម្នាក់កាលពីវេលាម៉ោង៧យប់ថ្ងៃទី០១ ខែមិថុនា ឆ្នាំ២០១៦ បន្ទាប់ពីទទួលបានពាក្យបណ្ដឹង
រាជធានីភ្នំពេញ ៖ សមត្ថកិច្ចនគរបាលខណ្ឌឫស្សីកែវបានឃាត់ខ្លួនយុវជនម្នាក់កាលពីវេលាម៉ោង៧យប់ថ្ងៃទី០១ ខែមិថុនា ឆ្នាំ២០១៦ បន្ទាប់ពីទទួលបានពាក្យបណ្ដឹងរបស់ឪពុក-ម្តាយក្មេងស្រីអាយុ៦ឆ្នាំម្នាក់ចោទប្រកាន់ថា យុវជនរូបនោះបានប្រទូសកេរ្តិ៍កូនស្រីរបស់គាត់ ។
សមត្ថកិច្ចនគរបាលខណ្ឌឫស្សីកែវបានឲ្យដឹងថា ជនសង្ស័យ ឈ្មោះ គីម រដ្ឋា ហៅពៅ ភេទប្រុស អាយុ២០ឆ្នាំ មុខរបរជាងភ្លើង ស្នាក់នៅផ្ទះជួលក្នុងសង្កាត់ឫស្សីកែវ ខណ្ឌឫស្សីកែវ ចំណែកក្មេងស្រីរងគ្រោះទើបតែមានអាយុ៦ឆ្នាំ នៅផ្ទះជិតគ្នា .
សមត្ថកិច្ចនគរបាលខណ្ឌឫស្សីកែវបានឲ្យដឹងទៀតថា កាលពីវេលាម៉ោង៣ និង៣០នាទីទៀបភ្លឺ ថ្ងៃទី០១ ខែមិថុនា ឆ្នាំ២០១៦ ជនសង្ស័យចេញក្លិបកំសាន្ត នាគមាស ទៅផ្ទះវិញ ពេលនោះជនសង្ស័យបានដើរឆ្លងកាត់ផ្ទះក្មេងស្រីរងគ្រោះ ហើយក៏សុំម្តាយក្មេងស្រីរងគ្រោះចូលបន្ទប់ទឹក ពេលនោះឃើញក្មេងស្រីកំពុងដេកលក់នៅលើគ្រែក៏មានចិត្តចង់ស្ទាបអង្អែលលេង តែខ្លាចគេដឹងក៏ត្រឡប់ទៅផ្ទះវិញ ។ មួយសន្ទុះក្រោយមកក៏ត្រឡប់មកម្តងទៀតហើយអង្គុយស្ទាបអង្អែលលេងត្រង់ប្រដាប់ភេទកុមារីរងគ្រោះ មិនយូរប៉ុន្មាននាងក៏ភ្ញាក់ដឹងខ្លួន ធ្វើឲ្យជនសង្ស័យភ័យក៏ឆ្លៀតឱកាសចេញទៅផ្ទះសម្ងំដេកធ្វើដូចគ្មានរឿងអ្វីកើតឡើងអ៊ីចឹង ។ លុះព្រឹកឡើងម្តាយក្មេងស្រីរងគ្រោះក៏បានមកដាក់ពាក្យបណ្ដឹងនៅប៉ុស្តិ៍រហូតឈានដល់ការឃាត់ខ្លួនជនសង្ស័យតែម្តង ។
សមត្ថកិច្ចបញ្ជាក់ថា នៅចំពោះមុខសមត្ថកិច្ចជនសង្ស័យបានសារភាពថាខ្លួនពិតជាបានចូលទៅស្ទាបអង្អែលប្រដាប់ភេទកុមារីរងគ្រោះពិតប្រាកដមែន ម្យ៉ាងទៀតខ្លួនក៏ធ្លាប់បានប្រើប្រាស់គ្រឿងញៀន៣ឆ្នាំហើយដែរ ៕
ចែករំលែកព័តមាននេះ