អ្នកវិទ្យាសាស្ត្របានអះអាងថា ការទទួលអាហារពេលព្រឹកចៀនឬឆានឹងមិនបង្កើតអត្រាគ្រោះថ្នាក់ដល់ជំងឺបេះដូងឬក៏ឆាប់ស្លាប់នោះទេ ដរាបណាយើងចេះជ្រើសរើសប្រភេទប្រេងឆា។ គេរកឃើញថា ប្រេងអូលីវនិងប្រេងឈូករ័ត្នគឺជាជម្រើសដែលផ្តល់ផលល្អដល់សុខភាពមិនថាអាហារនោះត្រូវបានចម្អិននៅផ្ទះឬនៅទីណាទេ ។
តាមរបាយការណ៍នៃការសិក្សាថ្មីមួយបង្ហាញពីការយល់ដឹងដូចក្នុងរឿងនិទានថា ទទួលទានអាហារឆាឬចៀនផ្តល់ផលអាក្រក់ដល់បេះដូងដែលនោះគឺជារឿងមិនពិត ។
តាមក្រុមអ្នកស្រាវជ្រាវរបស់សាកលវិទ្យាល័យ Autonomous University of Madrid របស់ប្រទេសអេស្ប៉ាញដែលបានតាមដាននិងពិសោធន៍លើមនុស្សជាង៤ម៉ឺននាក់បញ្ជាក់ថា គ្មានការជាប់ទាក់ទងគ្នារវាងការទទួលអាហារឆាឬចៀនដោយប្រើប្រេងអូលីវ និងប្រេងឈូករ័ត្នទៅនឹងជំងឺបេះដូងនោះទេ ។ នៅក្នុងព្រឹត្តិបត្រ British Medical Journal (BMJ) ពួកគេបានរៀបរាប់ថា នៅពេលអាហារត្រូវបានចៀនឬឆាសមាសធាតុចិញ្ចឹមរបស់វាក៏ផ្លាស់ប្តូរ ដូច្នេះអាហារបាត់បង់ជាតិទឹកនិងបង្កើនជាតិខ្លាញ់ហើយបរិមាណកាឡូរីក៏កើនឡើងដែរ ។
ដូច្នេះតាមលោក Michael Leitzmannសាស្ត្រាចារ្យនៅសាកលវិទ្យាល័យ University of Regensburg ប្រទេសអាល្លឺម៉ង់បានសន្និដ្ឋានសរុបថា ការនិយាយតៗគ្នាដែលថា អាហារចៀនឬឆាផ្តល់ផលអាក្រក់ដល់បេះដូងមិនមានការគាទ្រពីភស្តុតាងជាក់ច្បាស់នោះទេ ៕
ចែករំលែកព័តមាននេះ