ការប្រកួតកម្មវិធី Miss World ដែលកំពុងប្រារព្ធឡើងនៅក្នុងប្រទេសព័រតូរីកូ បានផ្ទុះនូវរឿងរ៉ាវក៏កក្រើកពិភព លោក ព្រោះមានករណីអ្នកឆ្លងកូវីដបន្តគ្នា ក្នុងពេលដំណើរការប្រកួតនេះ
រាជធានីភ្នំពេញ ៖ ការប្រកួតកម្មវិធី Miss World ដែលកំពុងប្រារព្ធឡើងនៅក្នុងប្រទេសព័រតូរីកូ បានផ្ទុះនូវរឿងរ៉ាវក៏កក្រើកពិភពលោក ព្រោះមានករណីអ្នកឆ្លងកូវីដបន្តគ្នា ក្នុងពេលដំណើរការប្រកួតនេះ។
យ៉ាងណាមិញ ម្ចាស់កម្មវិធីបានសម្រេចប្រកាសលើកពេល៩០ថ្ងៃ ដើម្បីស្ទង់មើលស្ថានការ រីឯបេក្ខភាពនីមួយៗ ក៏ត្រូវរៀបចំអីវ៉ាន់ដាក់វ៉ាលីសឡើងយន្តហោះត្រឡប់មកប្រទេសរៀងៗខ្លួនវិញផងដែរ រាប់ទាំងកញ្ញា ភុំ សោភ័ណ្ឌ ដែលជាបេក្ខភាពតំណាងប្រទេសកម្ពុជាម្នាក់ដែរ។
បុគ្គលច្រើនរូប ទាំងក្រុមការងារ និងបវរកញ្ញាមួយចំនួន ត្រូវបានតេស្តទៅមានវិជ្ជមានកូវីដ១៩ មុនពេលប្រកួតមកដល់ ក្នុងដំណាក់កាលផ្តាច់ព្រ័ត្រដែលខ្វះតែ២ថ្ងៃទៀតតែប៉ុណ្ណោះ។ ភាពចលាចលបានកើតឡើង ក្រោយពេលរកឃើញពីម្នាក់ទៅម្នាក់បាចសាយពេញកម្មវិធីទាំងមិននឹកស្មានដល់ ។ ទំនងទប់លែងជាប់ ទើបម្ចាស់កម្មវិធី ឬអ្នកគ្រប់គ្រងកម្មវិធី សម្រេចផ្អឹបទុកមួយអន្លើ ដោយសារតែស្ថានការកាន់តែប្រថុយផ្ទុះរីករាលដាល ប្រសិនបើនៅបន្តបើកការប្រឡងទៀត។
អ្វីដែលកើតឡើងទៀតនោះ ក៏ផ្ទុះនូវភាពចម្រូងចម្រាស់ប្តឹងទៅអ្នករៀបចំ ធ្វើអោយខូចខាតការចំណាយច្រើនក្នុងការប្រកួតមិនដល់គោលដៅនេះ។ ហើយប្រជាជន ឬអ្នកតាមដានពីព្រឹត្តិការណ៍ប្រកួតនេះ មានការសោកស្តាយជាខ្លាំងនូវហេតុការណ៍ដែលបានកើតឡើងយ៉ាងប្រថុចញុចនេះ ដោយសាកម្មវិធីខាងលើ ជាកម្មវិធីទាក់ទាញមួយដែរ នៅក្នុងវិស័យបវរកញ្ញា។
កម្មវិធីប្រកួត Miss World 2021 ដែលធ្វើឡើងនៅប្រទសព័រតូរីកូ បានពន្យារពេលកម្មវិធីប្រកួតវគ្គផ្តាច់ព្រ័ត្រ ដោយមិនកំណត់មូលហេតុ ។ ហើយមានបេក្ខនារីចូលរួមប្រកួតមកពីប្រទេសមួយចំនួន និងក្រុមការងារ Miss World 2021 មួយចំនួន បានឆ្លងជំងឺកូវីដ១៩ ។ នេះជារឿងល្អចំពោះបេក្ខភាពកម្ពុជាយើងកញ្ញា ភុំ សោភ័ណ្ឌ មានសុវត្ថិភាពល្អ និងបានធ្វើតេស្តពិនិត្យ CPR Covid-19 test លើកចុងក្រោយរួចហើយ លទ្ធផលគឺពុំមានមេរោគកូវីដនោះទេ។
កញ្ញានឹងធ្វើដំណើរមកដល់ប្រទេសកម្ពុជាវិញ នៅថ្ងៃទី២០ ខែធ្នូ ឆ្នាំ២០២១ខាងលើមុខ ។ ហើយអ្នកតាមដានរង់ចាំមើលថា តើស្ថានការបានធូរស្បើយនឹងត្រឡប់មកប្រសើរវិញ ភុំ សោភ័ណ្ឌ មានការចាត់តាំងអោយបន្តចូលរួមទៀត ដើម្បីបញ្ចប់ការងារឬយ៉ាងណា? ព្រោះការចំណាយក៏ច្រើន ស្របពេលការប្រឡងវគ្គមុនៗ សោភ័ណ្ឌ បានខិតខំយ៉ាងខ្លាំង ពេលប៉ះជាមួយប្រទេសផ្សេងមុនផ្ទុះជំងឺដ៏គួរអោយខ្លាចនេះ។
ចែករំលែកព័តមាននេះ