១-ក្តីរំពឹង៖ បែលហ្ស៊ិកត្រូវបាន FIFA ដាក់ងារថាជាក្រុមជម្រើសជាតិដែលល្អផ្តាច់គេក្នុងពិភពលោកនាពេលប្រកួត World Cup កន្លងមក ដូច្នេះហើយបែលហ្ស៊ិកនឹងបញ្ចេញថ្វីដៃឱ្យអន្តរជាតិបានស្គាល់ធាតុពិតក្នុងការប្រកួត
១-ក្តីរំពឹង៖ បែលហ្ស៊ិកត្រូវបាន FIFA ដាក់ងារថាជាក្រុមជម្រើសជាតិដែលល្អផ្តាច់គេក្នុងពិភពលោកនាពេលប្រកួត World Cup កន្លងមក ដូច្នេះហើយបែលហ្ស៊ិកនឹងបញ្ចេញថ្វីដៃឱ្យអន្តរជាតិបានស្គាល់ធាតុពិតក្នុងការប្រកួត Euro 2016 នេះ ។
បែលហ្ស៊ិកធ្លាប់បានឈានដល់វគ្គជម្រុះ១៦ក្រុមចុងក្រោយក្នុងព្រឹត្តិការណ៍ World Cup 2014 ដោយបានចាញ់ប្រទេសអាហ្សង់ទីនក្នុងលទ្ធផល 1-0 ។
ប្រសិនបើក្រុមជម្រើសជាតិបែលហ្ស៊ិកសហការគ្នាលេងឱ្យបានល្អដោយមិនចាំបាច់ពឹងផ្អែកតែលើកីឡាករ Eden Hazard និង Kevin De Bruyne នោះ គូប្រកួតច្បាស់ជាមិនអាចបំបែករនាំងការពារដ៏រឹងមាំនេះបានឡើយ។
២-លទ្ធផលល្អ៖ បែលហ្ស៊ិកបានបង្ហាញខ្លួន ៥ដងមកហើយក្នុងព្រឹត្តិការណ៍ European Championship ដែលលើកដំបូងក្នុងឆ្នាំ១៩៧២។ បែលហ្ស៊ិកបានយកឈ្នះប្រទេសសំប៊ីក្នុងការប្រកួតលក្ខណៈអន្តរជាតិឆ្នាំ១៩៩៤ ក្នុងលទ្ធផល 9-0 និងនៅឆ្នាំ២០០១ ក៏បានបំបាក់ប្រទេសសាំងម៉ារ៉ាំង ក្នុងលទ្ធផល 10-1 ។
៣-កីឡាករក្នុងចំណាប់អារម្មណ៍៖ គឺខ្សែបម្រើកីឡាករ Kevin De Bruyne មានអាយុ២៤ឆ្នាំ ដែលបច្ចុប្បន្នលេងឱ្យក្លិប Man City ។ កីឡាកររូបនេះត្រូវបានចាត់គេទុកជាកីឡាករម្នាក់ក្នុងចំណោមកីឡាករឆ្នើមដទៃទៀតដែលអាចរកគ្រាប់បាល់បានច្រើនទៀតផង ។
៤-គ្រូបង្វឹក៖ លោក Marc Wilmots អាយុ៤៦ឆ្នាំនឹងប្រារព្ធពិធីអបអរសាទរខួប៤ឆ្នាំរបស់ខ្លួនដែលបានធ្វើជាគ្រូបង្វឹកក្រុមជម្រើសជាតិបែលហ្ស៊ិកនៅខែមិថុនាខាងមុខនេះ។ លោក Marc Wilmots ធ្លាប់ជាអតីតកីឡាករបែលហ្ស៊ិកមួយរូបដែលបានចូលរួមប្រកួត World Cup ចំនួន៤លើកមុនពេលលោកធ្វើជាគ្រូបង្វឹក ។
៥-បញ្ជីឈ្មោះសមាសភាពកីឡាករសរុប
(បណ្តោះអាសន្ន)៖
-អ្នកចាំទី៖ Thibaut Courtois (Chelsea), Simon Mignolet (Liverpool), Jean-François Gillet (Mechelen) ។
-ខ្សែការពារ៖ Jan Vertonghen (Captain) (Tottenham), Toby Alderweireld (Tottenham), Thomas Vermaelen (Barcelona), Nicolas Lombaerts (Zenit), Jason Denayer (Galatasaray), Thomas Meunier (Club Brugge), Dedryck Boyata (Celtic), Jordan Lukaku (Oostende), Björn Engels (Club Brugge) ។
-ខ្សែបម្រើ៖ Marouane Fellaini (Man Utd), Axel Witsel (Zenit ), Mousa Dembélé (Tottenham), Radja Nainggolan (Roma) ។
-ខ្សែប្រយុទ្ធ៖ Eden Hazard (Chelsea), Dries Mertens (Napoli), Romelu Lukaku (Everton), Kevin De Bruyne (Man City), Christian Benteke (Liverpool), Divock Origi (Liverpool), Yannick Carrasco (Atlético), Michy Batshuayi (Marseille) ៕
ចែករំលែកព័តមាននេះ