ខេត្តព្រៃវែង ៖ ផ្សារ២កន្លែងនៅស្រុកពារាំង គឺផ្សារកំពង់ពពិល និងផ្សារស្នាយពល ដែលរដ្ឋបានផ្តល់សិទ្ធិឲ្យទៅក្រុមហ៊ុនឯកជនមួយ ទទួលម៉ៅការប្រមូលភាស៊ីរយៈពេល២០ឆ្នាំ ដោយជំនួសមកវិញ នូវការកសាង និងអភិវឌ្ឍផ្សារឱ្យមានការរីកចម្រើននោះ មកដល់ពេលនេះ គឺមានរយៈពេល៧ឆ្នាំហើយ ប៉ុន្តែការអភិវឌ្ឍន៍ គឺគ្មានទាល់តែសោះ ។
ខេត្តព្រៃវែង ៖ ផ្សារ២កន្លែងនៅស្រុកពារាំង គឺផ្សារកំពង់ពពិល និងផ្សារស្នាយពល ដែលរដ្ឋបានផ្តល់សិទ្ធិឲ្យទៅក្រុមហ៊ុនឯកជនមួយ ទទួលម៉ៅការប្រមូលភាស៊ីរយៈពេល២០ឆ្នាំ ដោយជំនួសមកវិញ នូវការកសាង និងអភិវឌ្ឍផ្សារឱ្យមានការរីកចម្រើននោះ មកដល់ពេលនេះ គឺមានរយៈពេល៧ឆ្នាំហើយ ប៉ុន្តែការអភិវឌ្ឍន៍ គឺគ្មានទាល់តែសោះ ។
ក្រុមអាជីវករដែលលក់ដូរក្នុងផ្សារទាំងពីរនេះឱ្យដឹងថា កាលពីមុនផ្សារទាំង២នេះ មានទំហំតូច និងមានអ្នកលក់ដូរតិចតួចប៉ុណ្ណោះ ប៉ុន្តែក្រោយមក ចំនួនអាជីវករបានកើនឡើងកាន់តែច្រើនទៅៗ ទើបអាជ្ញាធរយកផ្សារទាំង២នេះ ដាក់ឲ្យក្រុមហ៊ុនឯកជនដេញថ្លៃ ម៉ៅការប្រមូលភាស៊ីពីផ្សារទាំង២នេះ តាមរយៈមន្ទីរសេដ្ឋកិច្ចហិរញ្ញវត្ថុ ។
ហើយលទ្ធផលនៃការដេញថ្លៃ គឺបានទៅក្រុមហ៊ុនរបស់លោកយស ស៊ីណាត អភិបាលរងស្រុកពារាំង ជាអ្នកទទួលសិទ្ធិវិនិយោគក្នុងរយៈពេល២០ឆ្នាំ ដោយនៅក្នុងកិច្ចសន្យា ក្រុមហ៊ុនមានកាតព្វកិច្ចកសាង និងអភិវឌ្ឍផ្សារទាំង២នេះ ឱ្យមានការរីកចម្រើនថែមទៀត ។ ប៉ុន្តែពេលដែលដេញថ្លៃបានហើយ លោកយស ស៊ីណាត មិនបានធ្វើដោយខ្លួនឯងនោះទេ គឺបានលក់សិទ្ធិនេះបន្តឱ្យទៅឈ្មួញឯកជនផ្សេងទៀត ជាអ្នកដើរប្រមូលភាស៊ីជំនួន ហើយឈ្មួញដែលទិញបន្តនោះ ត្រូវបង់ក្នុងមួយឆ្នាំៗយ៉ាងតិច24000$ ទៅឱ្យលោកយស ស៊ីណាត ហើយការទិញលក់សិទ្ធិបន្តនេះ គេធ្វើកុងត្រារយៈពេល៥ឆ្នាំម្តង ។
ដោយឡែក ខាងអាជ្ញាធរវិញបានបង្ហើបឱ្យដឹងថា ដោយសារតែអ្នកម៉ៅការផ្ទាល់ទិញបន្តពីលោកយស ស៊ីណាត ក្នុងតម្លៃថ្លៃបែបនេះហើយ ទើបគេខំប្រឹងដើរប្រមូលយកលុយមកវិញ ហើយមិនព្រមធ្វើការអភិវឌ្ឍអ្វីទាល់តែសោះ បណ្តោយឱ្យផ្សារទាំង២នេះ មានភាពរញ៉េរញ៉ៃ អាជីវករសង់តូបលក់ដូរខ្លួនឯងស្រេចតែអំពើចិត្ត ខ្លះតូចខ្លះធំ ខ្លះទាបខ្លះខ្ពស់គ្មានសណ្តាប់ធ្នាប់ទេ ពិសេសគឺពេលមានភ្លៀងធ្លាក់់ម្តងៗ ក្នុងផ្សារបែកភក់ល្បាប់គ្រប់កន្លែង ព្រោះគ្មានប្រពន្ធ័លូរំដោះទឹក ហើយអ្វីដែលគួរអោយព្រួយបារម្មណ៌បំផុតនោះ គឺរឿងប្រពន្ធ័ខ្សែភ្លើងក្នុងផ្សារ ដែលតរញ៉េរញ៉ៃខ្វាត់ខ្វែងលើគ្នា គឺងាយនឹងបង្កអោយមានគ្រោះថ្នាក់ខ្លាំងណាស់។
ចែករំលែកព័តមាននេះ