ភ្លៀងធ្លាក់យ៉ាងខ្លាំងកាលពីថ្ងៃទី២៩ មក៣០ឧសភា បណ្តាលឱ្យមានទឹកជំនន់យ៉ាងអាក្រក់បង្កការបំផ្លិចបំផ្លាញក្នុងមូលដ្ឋានជាច្រើននាភាគនិរតីអាល្លឺម៉ង់ ។
ការខូចខាតធ្ងន់ធ្ងរមានជាពិសេសនៅរដ្ឋ BADE WURTEMBERG ជាប់ព្រំដែនជាមួយបារាំង ។ មនុស្ស៤នាក់បានត្រូវស្លាប់ ហើយប្រមាណជា១០នាក់រងរបួស ។ រូបភាពវីដេអូថតដោយប្រជាជនបង្ហាញបាតុភូតដ៏សាហាវនោះពិសេសនៅទីក្រុងBRAUNSBACH ដែលនៅទីនោះទឹកស្ទឹងមួួយបានជន់ ទឹកហូរកួចបំផ្លាញអ្វីៗទាំងអស់នៅកាត់ពីមុខ ។ ទឹកជំនន់ក្នុងទីក្រុងនោះបានបំផ្លាញនិងធ្វើ ឱ្យខូចខាតផ្ទះជាច្រើនខ្នង ។ រូបភាពទាំងនោះក៏បង្ហាញរថយន្តជាច្រើនគ្រឿងត្រូវទឹកនាំយកទៅ ៕
ចែករំលែកព័តមាននេះ