ប្រទេសចិន ៖ ចិនបានបន្ធូរបន្ថយភាពតឹងរ៉ឹងលើការនាំចូលអាហារពីកូរ៉េ ដែលមានគោលបំណងការពារឧស្សាហកម្មនៅក្នុងស្រុក។ មានន័យថា ចាប់ពីខែក្រោយទៅ ក្រុមហ៊ុនកូរ៉េនឹងស្វែងរកការលក់ផលិតផលអាហារកែច្នៃកាន់តែស្រួល ដូចជា cookies និង samgyetang ឬស៊ុបម៉ាន់ជាមួយយិនស៊ិន ។
យោងតាមក្រសួងអាហារ និងសុវត្ថិភាពឱសថ បានឲ្យដឹងថា មន្ត្រីមកពីពីរប្រទេសដែលបានជួបសំណេះសំណាលនៅទីក្រុងប៉េកាំង និងរដ្ឋាភិបាលចិនផងនោះ បានសម្រេចបន្ធូរបន្ថយស្តង់ដាមីក្រូជីវសាស្ត្រសម្រាប់អាហារដែលមានរសជាតិផ្អែម ។
យោងតាមមន្ត្រីក្រសួងបានមានប្រសាសន៍ថា ៖ « អ្នកផលិតនំ Cookie បានរអ៊ូរទាំពីផលវិបាកនៃការនាំចេញទៅកាន់ប្រទេសចិន ដោយសារតែស្តង់ដាដ៏តឹងរ៉ឹងរបស់ចិន ទោះបីជាមានការធ្វេសប្រហែសលើសារធាតុមីក្រូក្តី ។ ដូច្នេះ ពួកយើងបានព្យាយាមតាំងពីឆ្នាំ២០០៩មកម្ល៉េះ ដើម្បីបញ្ចុះបញ្ចូលឲ្យចិនកែតម្រូវនូវស្តង់ដាឡើងវិញ » ។
ទន្ទឹមនឹងនេះ រដ្ឋាភិបាលត្រូវបានគេរំពឹងថា នឹងអនុញ្ញាតឱ្យមានការនាំចេញស៊ុបមាន់ជាលើកដំបូងទៅកាន់ប្រទេសចិន នៅក្នុងខែមិថុនា បន្ទាប់ពីប្រទេសទាំងពីរបានបញ្ចប់ការសន្ទនា លើអនាម័យ និងការចម្លង ។
ចាប់តាំងពីការចរចាទ្វេភាគីកាលពីខែតុលាឆ្នាំមុនមក ក្រុងសេអ៊ូលបានលើកទឹកចិត្តអ្នកនាំចេញឲ្យចុះឈ្មោះជាមួយរដ្ឋាភិបាលចិន និងទាញយកអត្ថប្រយោជន៍តម្រូវការ ដោយការសម្តែងល្ខោនអូប៉េរ៉ារបស់កូរ៉េខាងត្បូងដ៏ល្បីល្បាញនៅទីនោះ ៕
ចែករំលែកព័តមាននេះ