ខុនដូ D’Seaview ទទួលបានភាពទាក់ទាញ និងការកោតសរសើរពីអតិថិជន
រាជធានីភ្នំពេញ ៖ ការសាងសង់អគារ D’Seaview ជាងប៉ុន្មានខែមកនេះ បានដំណើរការទៅយ៉ាងលឿនទៅតាមគម្រោង ព្រោះសន្ទុះនៃចំណាប់អារម្មណ៍នៅក្នុងវិស័យអចលនទ្រព្យមានការកើនឡើង ។
រាជធានីភ្នំពេញ ៖ ការសាងសង់អគារ D’Seaview ជាងប៉ុន្មានខែមកនេះ បានដំណើរការទៅយ៉ាងលឿនទៅតាមគម្រោង ព្រោះសន្ទុះនៃចំណាប់អារម្មណ៍នៅក្នុងវិស័យអចលនទ្រព្យមានការកើនឡើង ។
រាជធានីភ្នំពេញ ៖ ការសាងសង់អគារ D’Seaview ជាងប៉ុន្មានខែមកនេះ បានដំណើរការទៅយ៉ាងលឿនទៅតាមគម្រោង ព្រោះសន្ទុះនៃចំណាប់អារម្មណ៍នៅក្នុងវិស័យអចលនទ្រព្យមានការកើនឡើង ។ តាមរបាយការណ៍សារព័ត៌មានបានបង្ហាញនូវអត្ថប្រយោជន៍នៃការរស់នៅដែលមានភាពទាក់ទាញ ការប្រកួតប្រជែងតម្លៃ ហើយអ្វីដែលសំខាន់ជាងនេះទៅទៀតនោះ គឺគម្រោងអភិវឌ្ឍន៍D’Seaview នេះសាងសង់ដោយក្រុមសិង្ហបុរីដែលមានប្រវត្តិ និងបទពិសោធន៍ជាច្រើនឆ្នាំនៅក្នុងវិស័យសាងសង់ ហើយគម្រោងនេះនឹងក្លាយជាការវិនិយោគដ៏ទាក់ទាញ ។
អ្នកស្រី បួ ចន្ធូ ទើបតែត្រឡប់មកពីសហរដ្ឋអាមេរិក បន្ទាប់ពីរស់នៅទីនោះអស់រយៈពេលជាច្រើនឆ្នាំ បានសម្រេចចិត្តទិញខុនដូ D’Seaview បន្ទាប់ពីអ្នកស្រីទទួលបានការណែនាំពីមិត្តភកិ្ត និងសហគមន៍ជំនួញ ។
អ្នកស្រីបានមានប្រសាសន៍ថា៖ «វាគឺជារឿងដ៏ល្អបំផុតដែលខ្ញុំមានឱកាសមានផ្ទះផ្ទាល់ខ្លួន បែរមុខទៅមាត់សមុទ្រ និងអាចរីករាយជាមួយនឹងទេសភាពដ៏ស្រស់ត្រកាលនៃសមុទ្រ។ លើសពីនេះទៅទៀត ខ្ញុំចូលចិត្តការរចនាខុនដូនេះ ទីធ្លា និងសេវាកម្មផ្សេងៗដែលមាននៅក្នុង D’Seaview តែម្តង»។
D’Seaview ត្រូវបានសាងសង់នៅលើផ្ទៃដី៩.៨១៨ម៉ែត្រការ៉េ មានខុនដូសរុបចំនួន ៧៣៧ និងកន្លែងធ្វើពាណិជ្ជកម្ម៧០កន្លែងដែលស័ក្តិសមសម្រាប់ជំនួញរួមមាន សណ្ឋាគារ ហាង មណ្ឌលសុខភាព ហាងកែសម្ផស្ស ក្លិបហាត់ប្រាណ ការិយាល័យពាណិជ្ជកម្ម និងជំនួញជាច្រើនទៀត ។
អ្នកស្រីចន្ធូបានបន្ថែមថា៖ « បរិក្ខារនិងសេវាកម្មដែលនឹងមាននៅ D’Seaview មាន ភោជនីយដ្ឋាន ផ្សារទំនើប និងមណ្ឌលសុខភាព។ វាមានភាពទាក់ទាញណាស់ គ្រប់យ៉ាងដែលខ្លួនខ្ញុំផ្ទាល់ និងគ្រួសារត្រូវការ និងចង់បាន គឺត្រូវបានរួមបញ្ចូលនៅកន្លែងតែមួយប្រកបដោយផាសុកភាពនិងទំនុកចិត្ត។ គ្រួសាររបស់ខ្ញុំចូលចិត្តគំនិតនិងការរៀបចំបែបនេះណាស់ ដូច្នេះហើយទើបខ្ញុំសម្រេចចិត្តទិញខុនដូ នៅទីនោះ»។
លោក ថៃ ដារឹទ្ធ ជាអ្នកជំនួញម្នាក់បាននិយាយថា៖ «ខ្ញុំទិញខុនដូមួយនៅ D’Seaview ពីព្រោះ វាគឺជាគម្រោងខុនដូដែលធំនិងទំនើបតែមួយនៅខេត្តព្រះសីហនុ ។ អ្វីដែលទាក់ទាញខ្ញុំទៀតនោះ គឺវានៅជិតសណ្ឋាគារសុខា និងឆ្នេរសមុទ្រជាកន្លែងដែលមានអ្វីៗគ្រប់យ៉ាង។ វាជាការល្អដែលទិញខុនដូស្នាក់នៅផ្ទាល់ខ្លួន ឬ សម្រាប់វិនិយោគនៅពេលក្រោយ» ៕
ចែករំលែកព័តមាននេះ