រាជធានីភ្នំពេញ ៖ បន្ទាប់ពីបានរៀបចំកម្មវិធី Heineken Green Room នៅក្នុងរាជធានីភ្នំពេញ និងខេត្តព្រះសីហនុ ឆ្នាំនេះហើយ ស្រាបៀរ Heineken បានបន្តរៀបចំកម្មវិធីតន្ត្រីសកលថ្មីរបស់ខ្លួនដែលមានឈ្មោះថា #LiveYourMusic នៅក្លិប Pontoon កាលពីរាត្រីថ្ងៃទី២៨ ឧសភា ២០១៦ ដោយទទួលបានជោគជ័យយ៉ាងគគ្រឹកគគ្រេង ។
កម្មវិធីនេះ បានបើកឆាកដំបូងដោយតារាចម្រៀងហ៊ីបហប់ខ្មែរ លោក Bross La ក្រោមចំណងជើងបទល្បីរបស់គាត់ «នារីសក់ខ្លី» មុនពេលដែលបង្ហាញណែនាំឌីជេ Melissa-Jo មកពីទីក្រុងគូឡាឡាំពួរ នៃប្រទេសម៉ាឡេស៊ី រួមជាមួយឌីជេដ៏ឆ្នើមបំផុតប្រចាំក្លិប Pontoon ដើម្បីផ្តល់ជូនការកម្សាន្តសប្បាយរីករាយពេញមួយរាត្រីសម្រាប់អ្នកគាំទ្រច្រើនកុះករដែលនិយមទទួលទានស្រាបៀរ Heineken ។
អមជាមួយឌីជេលំដាប់អន្ដរជាតិ និងក្រុមតារាផ្តល់ជូនការកម្សាន្តសប្បាយរីករាយ គឺក្រុមមនុស្សយន្ត Universo Robot Team of Pyrotechnics ដែលបានអញ្ជើញមកទស្សនាប្រទេសកម្ពុជាជាថ្មីម្តងទៀត ដើម្បីធ្វើការសម្តែងពិសេសជាមួយនឹងបច្ចេកវិទ្យាភ្លើង LED កម្រិតខ្ពស់ និងពន្លឺរូបភាពដែលបានញ៉ាំងឲ្យរាត្រីនោះជារាត្រីពិសេសអស្ចារ្យនៃចំណីចក្ខុប្លែកអារម្មណ៍សម្រាប់ទស្សនិកជន ។
បន្ទាប់ពីកម្មវិធីរាប់ថយក្រោយ ដើម្បីបើកកម្មវិធី Live Your Music មានការបង្ហាញជូនកម្មវិធីថ្មីទទួលបានការចាប់អារម្មណ៍ច្រើនបំផុត ដែលមានឈ្មោះថា «Takeover» ឬបន្តវេន ដែលអនុញ្ញាតឱ្យអ្នកចូលរួមកម្មវិធី «បន្តវេន» គ្រប់គ្រងតន្ត្រីពីឌីជេ ដោយប្រើខ្សែកងដៃពិសេស Heineken ដែលអាចបំភ្លឺភ្លើងពណ៌ក្រហម ឬបៃតង ដែលអ្នកចូលរួមកម្មវិធីអាច vote ឬបោះឆ្នោតបទចម្រៀងបន្ទាប់ តើបទមួយណាដែលគេចង់ស្តាប់។
កម្មវិធីតន្ត្រី Live Your Music ជាកម្មវិធីថ្មីដ៏ល្អឯកតែមួយគត់តាមបណ្តាក្លិបនានាក្នុងរាជធានីភ្នំពេញ ខេត្តព្រះសីហនុ និងខេត្តសៀមរាប ចាប់ពីខែឧសភាដល់ខែកក្កដា នៅតាមបណ្តាក្លិបល្បីៗក្នុងខេត្ត-ក្រុងទាំងនេះ ដែលជាផ្នែកមួយនៃយុទ្ធសាស្ត្រនៃកម្មវិធីតន្ត្រីសកលថ្មីរបស់ ស្រាបៀរ Heineken ក្នុងគោលបំណងពង្រឹងខ្លួននៅក្នុងវិស័យតន្ត្រីផ្ទាល់នេះ ឲ្យទទួលបានការចាប់អារម្មណ៍ខ្លាំងបំផុតក្នុងព្រះរាជាណាចក្រកម្ពុជា ៕
ចែករំលែកព័តមាននេះ