មកពីល្បងធំ ?
សម័យសង្គមរាស្ត្រនិយម ដែលមានសម្តេចព្រះនរោត្តម សីហនុ ជាព្រះប្រមុខរដ្ឋ…ជាសម័យពោរពេញទៅដោយនយោបាយច្រើនពណ៌…មាននិន្នាការអព្យាក្រឹត…និន្នាការកុំមុយនិស្ត…និន្នាការសេរី…កញ្ជ្រោលបោកបក់…
សម័យសង្គមរាស្ត្រនិយម ដែលមានសម្តេចព្រះនរោត្តម សីហនុ ជាព្រះប្រមុខរដ្ឋ…ជាសម័យពោរពេញទៅដោយនយោបាយច្រើនពណ៌…មាននិន្នាការអព្យាក្រឹត…និន្នាការកុំមុយនិស្ត…និន្នាការសេរី…កញ្ជ្រោលបោកបក់…
សម័យសង្គមរាស្ត្រនិយម ដែលមានសម្តេចព្រះនរោត្តម សីហនុ ជាព្រះប្រមុខរដ្ឋ…ជាសម័យពោរពេញទៅដោយនយោបាយច្រើនពណ៌…មាននិន្នាការអព្យាក្រឹត…និន្នាការកុំមុយនិស្ត…និន្នាការសេរី…កញ្ជ្រោលបោកបក់…មានក្តៅមានត្រជាក់ ។ល។
ប្រជាជាតិខ្មែរដិតដាមជាងគេស្ទើរពេញមួយជីវិតមកហើយ…គឺកុំមុយនិស្តម៉ៅ សេទុង និងសេរីអាមេរិក ។
សម័យសង្គមរាស្ត្រនិយម…អាមេរិកអត់ត្រូវការសម្តេចព្រះនរោត្តម សីហនុ ទេ…គឺមេរិកត្រូវការ លន់ នល់-សិរីមតៈ ។ អាមេរិកនៅពីក្រោយ លន់ នល់-សិរីមតៈ រហូតដល់មានរដ្ឋប្រហារឆ្នាំ១៩៧០ និងរហូតដល់ចាញ់សង្គ្រាមក៏រត់ចោលស្រុកខ្មែរ…ទុកឱ្យប្រជាជាតិខ្មែរស្លាប់ដោយសេរីទៅហោង…។
មកដល់សម័យរាជាណាចក្រទី២នេះ…នយោបាយនៅកម្ពុជាយើង ទោះបីគ្រប់គ្នាស្រែកថា សន្តិភាព…សេចក្តីសុខសាន្តទូទាំងប្រទេសក្តី…កំពុងអភិវឌ្ឍក្តី…ប៉ុន្តែកំដៅនយោបាយនៅតែមាន«ក្តៅនិងត្រជាក់»ដដែល ។
ក្តៅនិងត្រជាក់នេះមើលឱ្យគ្រប់ជ្រុងជ្រោយទៅ…វាកើតចេញមកពីការជ្រៀតជ្រែកពីមេខ្លោងមហាអំណាចមកពីក្រៅ…ជាពិសេសអាមេរិក…ប្រទេសមាននីតិរដ្ឋត្រូវតែគោរពច្បាប់…ទាំងអស់គ្នាស្ថិតនៅក្រោមច្បាប់…ទុកឱ្យច្បាប់ជាអ្នកសម្រេច…នោះទើបសង្គមរក្សាបាននូវសុខសន្តិភាព…គ្មានការភ័យខ្លាច…។
ជាផ្លូវការ…កម្ពុជាគ្មានទេគុកនយោបាយ…គុកនយោបាយមានតែក្នុងសម័យអាណានិគមបារាំង…ដែលអ្នកនយោបាយត្រូវជាប់គុកនៅកោះត្រឡាចកណ្តាលសមុទ្រ ។ល។
កម្ពុជាគួរទទួលស្គាល់ដែរ…គ្មានគុកនយោបាយទេ…រាប់ទាំងគុកខ្មែរក្រហមឡើងទៅ…គុកខ្មែរក្រហមគឺជាគុកព្រហ្មទណ្ឌដាក់ឧក្រិដ្ឋជនប្រល័យពូជសាសន៍…គ្មានទេគុកនយោបាយ មានតែអ្នកនយោបាយជាប់គុក ។
ខៀវ សំផន-នួន ជា ។ល។ ដែលកំពុងមានជីវិត ជាកំពូលអ្នកនយោបាយដឹកនាំប្រទេស…ពេលនេះជាប់គុកព្រហ្មទណ្ឌ…ពិតជាត្រឹមត្រូវ…។ ម៉េចអាមេរិកមិននិយាយថា គុកនយោបាយផង ?
ខ្មែរឈ្លោះគ្នាសព្វថ្ងៃនេះ…បើអ្នកនយោបាយទាំងអស់គោរព«នីតិរដ្ឋ»ពិតជាមិនអាចកាប់ចាក់…ដោត ឆ្កឹះឆ្កៀល…ដើរផ្លូវខុសបានឡើយ…ព្រោះច្បាប់ជាអ្នកតម្រង់ទិសផ្លូវឱ្យដើរ…ប៉ុន្តែវាមកពីមានមហាអំណាចជើងកាងនៅពីក្រោយ…មហាអំណាចដែលរត់ចោលសង្គ្រាមស្រុកខ្មែរកន្លងមកនេះ មិនដែលនៅជាមួយអ្នកដឹកនាំប្រទេសទេ…ច្រើនតែនៅកាងពីក្រោយឱ្យប្រឆាំងអ្នកណាដែលកាន់អំណាច…ទីបំផុតធ្វើឱ្យអ្នកនយោបាយខ្លះនោះភ្លើតភ្លើន…ទុច្ចរិត…ត្រូវជាប់គុកដោយសារតែ«ច្បាប់នីតិរដ្ឋ» ។
អ្នកនយោបាយច្រើននាក់ហើយជាប់គុកព្រហ្មទណ្ឌ…គ្មានគុកនយោបាយទេ…មានតែអ្នកនយោបាយទេដែលជាប់គុក…។ បើអ្នកនយោបាយប្រព្រឹត្តបទព្រហ្មទណ្ឌមិនអាចជាប់គុក…គេគ្រប់គ្នារួមទាំងចោរផង នាំគ្នាបង្កើតបក្សនយោបាយគ្រប់គ្នាទៅហើយ ។
នយោបាយឈ្លោះគ្នានៅកម្ពុជាយើង…មហាជនគ្រប់មជ្ឈដ្ឋានទទួលស្គាល់ច្បាស់ណាស់…ជាពិសេសអ្នកនយោបាយតាមតុកាហ្វេជាដើម…គឺអាមេរិកនៅពីក្រោយបក្សប្រឆាំង !? អាមេរិកជាល្បងធំ ?
ចំណែកចិនត្រូវគេមើលឃើញថា នៅពីក្រោយបក្សកាន់អំណាច !?
ចំណែកបក្សកាន់អំណាចបានប្រកាសថា ជាបក្សមានគោលយោបាយអព្យាក្រិត្យ !?
យ៉ាងណាក៏ដោយ…ប្រជានុរាស្ត្រទាំងឡាយកុំភ័យ កុំខ្លាច…ទាស់គ្នាក្តៅត្រជាក់សព្វថ្ងៃនេះវាគ្រាន់តែជា«សំរាម»ប៉ុណ្ណោះទេ…វាឆេះតែមួយឆាបប៉ុណ្ណោះ…វាមិនរាលដាល…វាមិនមែនជាភ្លើងឆេះព្រៃទេ…មុនដាច់ខ្យល់ស្លាប់…ដកចង្កាមាន់អីចឹងហើយ…សង្ស័យណាស់ ប្រកាច់មុនដាច់ខ្យល់ !
អាឡេវ
ចែករំលែកព័តមាននេះ