ខេត្តស្វាយរៀង ៖ លោកនាយឧត្តមសេនីយ៍ ម៉ឹង សំផន រដ្ឋលេខាធិការក្រសួងការពារជាតិ និងជាប្រធានក្រុមការងារចុះជួយមូលដ្ឋានស្រុកចន្ទ្រា និងក្រុងបាវិត នៅថ្ងៃទី២៨/២៩ ខែឧសភានេះ
ខេត្តស្វាយរៀង ៖ លោកនាយឧត្តមសេនីយ៍ ម៉ឹង សំផន រដ្ឋលេខាធិការក្រសួងការពារជាតិ និងជាប្រធានក្រុមការងារចុះជួយមូលដ្ឋានស្រុកចន្ទ្រា និងក្រុងបាវិត នៅថ្ងៃទី២៨/២៩ ខែឧសភានេះ បាននាំយកថវិកា សម្ភារៈ ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជូនដល់អនុសាខាកាកបាទក្រហមកម្ពុជា ស្រុកចន្ទ្រា និងក្រុងបាវិត ទុកសម្រាប់ឆ្លើយតប និងចែកជូនគ្រួសាររងគ្រោះនៅពេលមានគ្រោះមហន្តរាយ និងបញ្ហាផ្សេងៗដែលកើតឡើងក្នុងមូលដ្ឋាន។
មានប្រសាសន៍សំណេះសំណាល នៅក្នុងពិធីនោះ នាយឧត្តមសេនីយ៍ ម៉ឹង សំផន បានបញ្ជាក់ថា ទីណាមានទុក្ខលំបាកទីនោះ ពិតជាមានវត្តមានកាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែនជាប្រធាន ហើយអំណោយទាំងនេះពិតជាបានឆ្លើយតបទៅនឹងគ្រោះមហន្តរាយផ្សេងៗ ដើម្បីជួយសង្គ្រោះបានទាន់ពេលវេលា និងភាពចាំបាច់របស់បងប្អូនប្រជាពលរដ្ឋ។ អំណោយដែលបានប្រគល់ដល់អនុសាខាកាកបាទក្រហមកម្ពុជា ក្រុងបាវិត មាន អង្ករ៥ តោន កៅស៊ូតង់៥០ សារុង១០០ ក្រមា១០០ មី១០០កេះ ទឹកត្រី២៥យួរ ទឹកស៊ីអ៊ីវ២៥យួរ ត្រីខ ៥កេសធំ ប្រេងសាំង៤០០លីត្រ និងថវិកា ១៣លានរៀល ។ ជាមួយគ្នានោះដែរ នាយឧត្តមសេនីយ៍ ម៉ឹង សំផន ក៏បានឧបត្ថម្ភដល់អ្នកចូលរួមទាំង ១៥០នាក់ ក្នុងម្នាក់ៗថវិកា ៣០.០០០ រៀល ៕
ចែករំលែកព័តមាននេះ