ទីភ្នាក់ងារសន្តិសុខនុយក្លេអ៊ែរជប៉ុនអះអាងថា ការផ្ទុះមួយត្រូវបានស្តាប់ឮកាលពីព្រឹកថ្ងៃទី១៥ មីនា ក្នុងរេអាក់ទ័រទី២នៃមជ្ឈមណ្ឌលនុយក្លេអ៊ែរហ្វូគូស៊ីម៉ា-ដាយអ៊ីជី ដែលនៅទីនោះប្រតិបត្តិការបាញ់ទឹកសមុទ្របានធ្វើជាថ្មីដើម្បីប៉ុនប៉ងធ្វើឱ្យរេអាក់ទ័រនោះត្រជាក់ ។ ទីភ្នាក់ងារនោះបញ្ជាក់ថា ពុំទាន់ មាន ព័ត៌ មានណាមួយអំពីការខូចខាតជាយថាហេតុនៅ ឡើយក្នុងពេលភ្លាមៗ។ គេមានការព្រួយបារម្ភ ខ្លាំងណាស់ព្រោះបន្ទប់រេអាក់ទ័រនោះរងការខូចខាត ហើយមានការបញ្ចេញវិទ្យុសកម្ម ។ ការផ្ទុះនោះជាការផ្ទុះអ៊ីដ្រូហ្សែន ហើយគេកំពុងតែកំណត់ពីមូលហេតុ ហើយយើងជឿជាក់ថា ការផ្ទុះនេះអាចបណ្តាលមកពីការខូចខាតផ្សេងៗក្រោយការរញ្ជួយដី ។
ក្រុមហ៊ុន TOKYO ELECTRIC POWER (TEPCOL) ដែលធ្វើអាជីវកម្មលើមជ្ឈមណ្ឌលនុយក្លេអ៊ែរនោះនិយាយថា កំរិតនៃវិទ្យសកម្មនៅជុំវិញមជ្ឈមណ្ឌលកើនឡើងដល់៤ដងក្រោយការផ្ទុះថ្មី ។ វិទ្យុសកម្មដែលវាស់ត្រឹមម៉ោង៨ និង៣១នាទីព្រឹកម៉ោងក្នុងស្រុកឡើងដល់ ៨.២១៧ MICROSIEVERTS ក្នុងមួយម៉ោងទល់នឹង១.៩៤១ ដែលឃើញ៤០នាទីមុននេះ ។
យោងតាមអាជ្ញាធរជប៉ុនថា ក្រោមកំរិត១លាន MICROSIEVERTS ក្នុងមួយម៉ោងកំរិតវិទ្យុសកម្មពុំបង្កគ្រោះថ្នាក់មួយដល់សុខភាព ឡើយ ។
៤ថ្ងៃក្រោយការរញ្ជួយដីដ៏ខ្លាំងជាប្រវត្តិសាស្ត្រដែលកើតមាននៅជប៉ុនជាមួយនឹងស៊ូណាមី តុល្យការផ្លូវការនាថ្ងៃទី១៤ មីនា នៅតែរៀបរាប់ពីមនុស្សស្លាប់ថា មានយ៉ាងតិច១០.០០០នាក់ ។ លើសពីការលំបាកក្នុងការ
ស្វែងរកអ្នកដែលនៅរស់រានមានជីវិតក្នុងគំនរបាក់បែក គឺគ្រោះមហន្តរាយនុយក្លេអ៊ែរ ដែលធ្វើឱ្យអាជ្ញាធរមានការព្រួយបារម្ភ ។
តុល្យការនៃអ្នកស្លាប់យោងតាមទីភ្នាក់ងារប៉ូលិសជាតិជប៉ុនថា គិតមកដល់ថ្ងៃទី១៥ មីនា វេលាម៉ោង៨ព្រឹកម៉ោងក្នុងស្រុកអ្នកស្លាប់ដែលបញ្ជាក់ច្បាស់មាន២.៤១៤នាក់ ក្រោយការរញ្ជួយដី និងស៊ូណាមី ៕
ចែករំលែកព័តមាននេះ