យុវជន២នាក់ចង.កសម្លា.ប់ខ្លួនក្នុងពេលតែមួយ
រាជធានីភ្នំពេញ ៖ យុវជន២នាក់ត្រូវបានប្រជាពលរដ្ឋប្រទះឃើញធ្វើអត្តឃា.តដោយចង.កសម្លា.ប់ខ្លួនក្នុងពេលដំណាលគ្នាដែលការចង.កសម្លា.ប់ខ្លួននោះហាក់បីដូចជាការណាត់គ្នាអ៊ីចឹង
រាជធានីភ្នំពេញ ៖ យុវជន២នាក់ត្រូវបានប្រជាពលរដ្ឋប្រទះឃើញធ្វើអត្តឃាតដោយចង.កសម្លាប់ខ្លួនក្នុងពេលដំណាលគ្នាដែលការចង.កសម្លាប់ខ្លួននោះហាក់បីដូចជាការណាត់គ្នាអ៊ីចឹង ប៉ុន្តែនៅទីកន្លែងផ្សេងគ្នា ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៤ និង៣៥នាទីល្ងាច ថ្ងៃទី២៨ ខែឧសភា ឆ្នាំ២០១៦ ដែលទីតាំងកើតហេតុទី១ ស្ថិតនៅក្នុងភូមិព្រៃសាលា សង្កាត់កាកាប និងទីតាំងទី២ ស្ថិតក្នុងភូមិត្រពាំងពោធិ៍ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។
ប៉ូលិសបានឲ្យដឹងថា នៅវេលាម៉ោងកើតហេតុខាងលើ មានប្រជាពលរដ្ឋបានទូរស័ព្ទរាយកាណ៍ថា មានមនុស្សប្រុស២នាក់ធ្វើអត្តឃាតដោយចងកសម្លាប់ខ្លួនជាបន្តបន្ទាប់ ខណៈនោះកម្លាំងបានចុះទៅពិនិត្យមើលភ្លាមៗ ហើយបានឃើញដូចសេចក្ដីរាយការណ៍នោះមែន ។ ដោយក្នុងនោះយុវជនម្នាក់បានយកខ្សែនីឡុងចងកជាប់ទៅនិងរបងរោងចក្រកាត់ដេរមួយកន្លែងស្ថិតនៅក្នុងភូមិព្រៃសាលា សង្កាត់កាកាប ហើយយុវជនម្នាក់នោះមិនត្រូវបានស្គាល់អត្តសញ្ញាណនៅឡើយទេ មានអាយុប្រហែល២០ឆ្នាំ ស្លៀកខោខូវប៊យជើងវែង ពណ៌ប្រផេះ និងពាក់អាវពណ៌លឿងដៃវែង ។ ប៉ូលិសបានបន្តថាយុវជននោះបានចងកស្លាប់ដោយជើងដល់ដី និងបែរមុខផ្ទប់របង ។ នៅមុនពេលមានការភ្ញាក់ផ្អើលដំបូងមិនមាននរណាម្នាក់ចាប់អរម្មណ៍ថា យុវជនរូបនោះចងកសម្លាប់ខ្លួននោះទេ មុនដំបូងនឹកស្មានថា រូបគេកំពុងឈរនោម ។ លុះមើលយូរទៅមិនឃើញដើរចេញទៅណាបានធ្វើឲ្យមានការសង្ស័យ ក៏បាននាំគ្នាទៅមើលជិត ទើបដឹងថា យុវជនខាងលើមិនមែនកំពុងនោមទេ គឺចងកសម្លាប់ខ្លួន ក៏បានបង្កឲ្យមានការភ្ញាក់ផ្អើល ហើយរាយការណ៍ប្រាប់ប៉ូលិសឲ្យចុះទៅពិនិត្យមើល ។ ក្រោយពេលពិនិត្យកោសល្យវិច័យរួចរាល់ សាកសពត្រូវបានប៉ូលិសនាំយកទៅតម្កល់ទុកនៅឈាបនដ្ឋានវត្តតាំងកសាងខាងត្បូង ដើម្បីរង់ចាំស្រាវជ្រាវរកក្រុមគ្រួសារ ។
ប្រភពដដែលបានបន្តថា ដោយឡែកយុវជនម្នាក់ទៀតបានយកខ្សែគោចងកជាប់នឹងផ្ទះបាក់បែកមួយស្ថិតក្នុងភូមិត្រពាំងពោធិ៍ សង្កាត់ចោមចៅ ហើយត្រូវបានគេស្គាល់ឈ្មោះ រើន រាជ អាយុ២១ឆ្នាំ មានស្រុកកំណើតនៅក្នុង ស្រុកឧដុង្គ ខេត្តកំពុងស្ពឺ និងស្នាក់នៅម្ដុំកន្លែងកើតហេតុ ។ នៅមុនពេលមានការភ្ញាក់ផ្អើល ប្រជាពលរដ្ឋដែលធ្វើដំណើរឆ្លងកាត់ទីនោះបានប្រទះឃើញ ហើយបានរាយការណ៍ប្រាប់ឲ្យកម្លាំងប៉ូលិសចុះទៅមើល និងបានទាក់ទងទៅក្រុមគ្រួសារឲ្យនាំយកសពទៅធ្វើបុណ្យតាមប្រពៃណី ហើយមិនមាននរណាម្នាក់បានដឹងថា យុវជនរូបនេះមានវិបត្តអ្វីទើបចងសម្លាប់ខ្លួនបែបនេះឡើយ ៕
ចែករំលែកព័តមាននេះ