អ្នកនាំពាក្យប៉ូលិសមូលដ្ឋានម្នាក់រាយការណ៍កាលពីថ្ងៃទី២៨ ឧសភា ប្រាប់ AFP ថា រន្ទះបានបា.ញ់លើរថភ្លើងដឹកកីឡាករបាល់ទាត់ក្រុមកុមារនៅភាគខាងលិចអាល្លឺម៉ង់ ក្រោយការប្រកួតរវាងក្រុមបាល់ទាត់កុមារ
អ្នកនាំពាក្យប៉ូលិសមូលដ្ឋានម្នាក់រាយការណ៍កាលពីថ្ងៃទី២៨ ឧសភា ប្រាប់ AFP ថា រន្ទះបានបាញ់លើរថភ្លើងដឹកកីឡាករបាល់ទាត់ក្រុមកុមារនៅភាគខាងលិចអាល្លឺម៉ង់ ក្រោយការប្រកួតរវាងក្រុមបាល់ទាត់កុមារ បណ្តាលឱ្យមនុស្ស៣នាក់របួសធ្ងន់ក្នុងចំណោមមនុស្សពេញវ័យជិះក្នុងរថភ្លើងនេះដែរ ។
ទីភ្នាក់ងារព័ត៌មានអាល្លឺម៉ង់ DPA អះអាងថា គ្រោះថ្នាក់នេះកើតមាននៅ HOPPTADTEN រដ្ឋសហព័ន្ធ RHENANIE-PALATINAT ។ រន្ទះបានបាញ់ត្រូវចំអាជ្ញាកណ្តាលនៃការប្រកួតអាយុ៤៥ឆ្នាំ ដែលត្រូវដឹកជាបន្ទាន់តាមឧទ្ធម្ភាគចក្រទៅកាន់មន្ទីរពេទ្យ ។ អ្នករបួសធ្ងន់២នាក់ទៀតជាអ្នកអមដំណើរក៏បញ្ជូនទៅមន្ទីរពេទ្យដែរ ។
យោងតាមអ្នកនាំពាក្យប៉ូលិសថា កុមារ២៩នាក់ មានអាយុចាប់ពី៩ទៅ១១ឆ្នាំ ត្រូវបានបញ្ជូនទៅមន្ទីរពេទ្យត្រួតពិនិត្យសុខភាព ទោះបីពួកគេពុំមានរបួសក្តី ។ DPA គូសបញ្ជាក់នាពេលមុននេះថា មនុស្សដល់៣២នាក់ ក្នុងនោះមានកុមារ៣០នាក់ និងមនុស្សពេញវ័យ២នាក់រងរបួសស្រាលដោយសាររន្ទះបាញ់រថភ្លើងនេះ ។ សាក្សីទាំងឡាយរៀបរាប់ថា ពេលរន្ទះបាញ់ពុំមានភ្លៀងធ្លាក់ ឬក៏មេឃងងឹតរកភ្លៀងឡើយ ។
កាលពីថ្ងៃទី២៧ ឧសភា ភាគខាងលិចអាល្លឺម៉ង់រងការវាយប្រហារដោយខ្យល់ព្យុះមួយមានឈ្មោះថា ELVIRA បណ្តាលឱ្យដងវិថីទាំងឡាយនៃទីក្រុង WIESBADEN ត្រូវទឹកជន់លិច ។ នៅ RHENANIE-PALATINAT រថភ្លើងមួយក៏ធ្លាក់ពីផ្លូវដែកដែរ តែពុំបណ្តាលឱ្យមានជនរងគ្រោះឡើយ ។
នៅទីក្រុងប៉ារីសប្រទេសបារាំងឯណោះវិញ មនុស្ស១១នាក់ ក្នុងនោះមានកុមារ៨នាក់ ដែលចូលរួមក្នុងពិធីបុណ្យខួបមួយឯឧទ្យាន MONCEAU រងរបួសកាលពីថ្ងៃទី២៨ ឧសភា ដោយសាររន្ទះបាញ់ ក្នុងនោះច្រើននាក់របួសធ្ងន់ ។
នៅប្រទេសប៉ូឡូញ ព្យុះភ្លៀងអមដោយរន្ទះបាញ់ បណ្តាលឱ្យមនុស្សស្លាប់២នាក់ និងរបួស៣នាក់ ក្នុងតំបន់ភ្នំនាភាគខាងត្បូងប្រទេស ៕
ចែករំលែកព័តមាននេះ