រ៉ូលីន និងស្រីតុ បន្តចាប់គូឡើងវិញក្នុងការសម្តែង ក្រោយផ្អាកដោយកូវីដ
- ភ្នំពេញ
អ្នកនាង សុខ ច័ន្ទធីតា និង រ៉ូលីន បានក្លាយជាដៃគូចម្រៀង និងសម្តែងកំប្លែងរួមគ្នា ដោយទទួលបានការពេញនិយមពីសំណាក់ហ្វេនៗ។ អ្នកទាំង២ជាកំពូល
រាជធានីភ្នំពេញ ៖ អ្នកនាង សុខ ច័ន្ទធីតា និង រ៉ូលីន បានក្លាយជាដៃគូចម្រៀង និងសម្តែងកំប្លែងរួមគ្នា ដោយទទួលបានការពេញនិយមពីសំណាក់ហ្វេនៗ។ អ្នកទាំង២ជាកំពូល អ្នកបានសំដី បោះទៅបោះមកប្រកបដោយសំណើច ទៅដល់ណា ឡើងឆាកណាដឹងតែអ្នកមើល ទ្រាំសើចមិនបាន។
ក្រោយពីអាក់ខានរួមគ្នាផ្តល់សំណើចដល់មហាជនច្រើនខែ តារាកំប្លែង១គូនេះ ផ្តើមរីកមុខឡើងវិញហើយ ដោយបានចាប់គូគ្នាសម្តែង ស្របពេលវិបត្តិកូវីដបានខ្សោយចុះជាបន្តបន្ទាប់។ រ៉ូលីន និយមតុបតែងជាមនុស្សស្រីលេងទឹកមុខ កំប្លែងលើឆាក ត្រូវបានអ្នកទស្សនាសរសើរថា មានដុង ទោះជាប្រុសមែន ដែលអាចច្រៀងតុងសំឡេងស្រី បានដោយគ្មានឧបសគ្គ។ ជាពិសេសអ្នកណាក៏ថា រ៉ូ លីន មានតុងសំឡេង កាច់ស្ទីលទៅរកប៉ែន រ៉ន ម៉ៅ ស៊ីណាត ត្រាប់បានដោយគ្មានអ្វីធ្វើមិនបាន។
លើសពីនេះ បទបែបមរតកដើម របស់ ប៉ែន រ៉ន រស់ សេរីសុទ្ឋា រ៉ូលីន ចេះស្ទាត់ច្រើនស៊ីផុយ។ គ្រប់ការសម្តែងរបស់តារាជំនាញរូបនេះ ធ្វើអោយកម្មវិធីសប្បាយ និងផ្តល់ដោយអនុស្សាវរីយ៍ ល្អៗក្នុងឱកាសពិសេសៗកើតឡើង។ បែបនេះហើយទើបអ្នកនាងកាតុ ដែលក្លាយជាថៅកែហ្វឺ បានសហការរួមគ្នា ដើម្បីសម្តែង។
ការសម្តែងរវាងអ្នកទាំង២សមគ្នា ទោះលើសលួសខ្វះខាតបែបណា នោះជាការសម្តែង។ អ្នកនាងកាតុ ចាត់ទុករ៉ូលីន ជាដៃគូល្អ ដែលយល់សាច់ការពេលឡើងឆាក ហើយអាចបំបែកការទាក់ទាញបាន។ ទើបកន្លងមក គ្រប់ការសម្តែងតាមឆាកតន្ត្រី អ្នកដឹកនាំរមែងយកអ្នកទាំង២ច្រៀងរួមគ្នា ដោយខ្វះមិនបាន។
ភាពល្អនេះហើយ ទើបធ្វើអោយមានការនឹករលឹក តារា១គូនេះ ក្រោយខកខានជាយូរខែ ដោយសារការរក្សាគម្លាតកូវីដ ទើបមិនអាចបំពេញសំណូមពរបាន។ ចាប់ពីពេលនេះទៅជាឱកាសថ្មី បានមកដល់ហើយ ទស្សនិកជនអាចបន្តការផ្ទុះសំណើចឡើងវិញសាជាថ្មី។
ចែករំលែកព័តមាននេះ