ខេត្តឧត្តរមានជ័យ ៖ បុរសម្នាក់បានរងរបួសស្រាលដោយសារបើកត្រាក់ទ័រជាន់មីនតោនបណ្តាលឲ្យផ្ទុះកក្រើក បង្កការភ្ញាក់ផ្អើលកាលពីម៉ោង៩ព្រឹកថ្ងៃទី២៧ ឧសភា ២០១៦ នៅចំណុចវាលស្រែខាងលិចភូមិបាក់នឹង សង្កាត់-ក្រុងសំរោង ។
ជនរងគ្រោះឈ្មោះ ស៊ឹម សឺត អាយុ៥៦ឆ្នាំ រស់នៅក្នុងភូមិ-សង្កាត់ខាងលើ ។
បើតាមជនរងគ្រោះបានឲ្យដឹងថា មុនពេលកើតហេតុ រូបគាត់បានបើកត្រាក់ទ័រទៅភ្ជួរដីស្រែរបស់ខ្លួនដែលធ្លាប់អាស្រ័យផលជារៀងរាល់ឆ្នាំ ប៉ុន្តែគ្រោះអកុសលបានជាន់មីនតោនសល់ពីសម័យសង្គ្រាម តែសំណាងល្អគ្រាប់មីនផ្ទុះត្រូវផ្នែកខាងក្រោយនៃត្រាក់ទ័រ និងត្រូវរបួសស្រាល ៕
ចែករំលែកព័តមាននេះ