ហេតុអ្វីបុរសស្ទើរគ្រប់រូបចូលចិត្តសម្លក់សម្លឹងមើលស្ត្រីដែលមានការរៀបចំខ្លួនស្អាតបាត។ នេះពីព្រោះ នៅលើរាងកាយមនុស្សស្រីមានចំណុចជាច្រើនដែលទាក់ទាញភ្នែករបស់ពួកគេ។ តើចំណុចពិសេសទាំងនោះមានអ្វីខ្លះ ?
១-ស្នាមញញឹមដ៏ស្រស់ស្អាត ៖ គឺជាចំណុចមួយក្នុងចំណោមចំណុចផ្សេងទៀតដែលបុរសសម្លឹងមើលមុនគេ ។ ពិតណាស់ នេះមិនមែនជារឿងថ្មីឡើយ ដ្បិតមនុស្សគ្រប់គ្នាចូលចិត្តសម្លឹងមើលបុគ្គលដែលមានស្នាមញញឹម ។ រីឯស្ត្រីចំពោះបុរសវិញគឺរឹតតែពិសេសទៅទៀត ដ្បិតស្នាមញញឹមគួបផ្សំនឹងសម្តីទន់ភ្លន់ជាមន្តស្នេហ៍បន្ទន់ចិត្តបុរស ។
២-ភ្នែក ៖ ក្រៅពីភាពស្រស់ស្អាតលើផ្ទៃមុខដែលប្រកបទៅដោយស្នាមញញឹម បុរសក៏ចូលចិត្តមើលភ្នែកស្ត្រីផងដែរ ។ តើជឿទេថា ភ្នែកគឺជាបង្អួចចូលទៅដល់ចិត្តមនុស្សម្នាក់ ។ ភ្នែកអាចប្រាប់រឿងរ៉ាវបានច្រើនជាពិសេស តើស្ត្រីនោះកំពុងកុហកឬនិយាយពិត ។
៣- សក់ ៖ សក់រលើបរលោងគឺជាមន្តស្នេហ៍មួយរបស់មនុស្សស្រី ។ ដូច្នេះ ការចំណាយពេលច្រើនម៉ោងរបស់ស្ត្រីក្នុងហាងធ្វើសក់គឺមិនអត់ប្រយោជន៍ឡើយ ។ ប៉ុន្តែ ស្ត្រីគួរដឹងផងដែរថា បុរសភាគច្រើនចូលចិត្តអ្វីដែលជាធម្មជាតិ មិនមែនជាវត្ថុកែច្នៃឡើយ ។
៤- ដើមទ្រូង ៖ ស្ត្រីមួយចំនួនប្រហែលគិតថា ដើមទ្រូងជាចំណុចទី១ដែលបុរសសម្លឹងខ្លួនហើយ ។ យ៉ាងណាក៏ដោយ ការគិតនេះមិនត្រឹមត្រូវទាំងស្រុងឡើយ ។ នៅក្នុងការស្ទង់មតិមួយបានបង្ហាញថា បុរសភាគច្រើនបំផុតចូលចិត្តមើលមុខស្ត្រីមុននឹងរំលងភ្នែកមកដើមទ្រូង ។ ជាធម្មតា ដើមទ្រូងគឺជានិម្មិតសញ្ញាយុវវ័យភាពនិងសមត្ថភាពផ្តល់កំណើត ។ យ៉ាងណាក៏ដោយ គេមិនអាចទាត់ចោលនូវចំណែកទាក់ទាញរបស់វាចំពោះបុរសឡើយ ។
៥-ភាពស្មោះត្រង់ និងឫកពា ៖ បុរសចូលចិត្តសង្កេតបំផុតពីភាពស្មោះត្រង់របស់មនុស្សស្រី។ ពួកគេមួយចំនួនវាយតម្លៃថា ស្ត្រីដែលចូលចិត្តអ៊ុតសក់ត្រង់ លេងពណ៌ក្រហម ពាក់រោមភ្នែក ពាក់ក្រចកដៃក្លែងក្លាយ ដែលអាចចាត់ថាជាការចាយលុយខ្ជះខ្ជាយ ។ ថ្វៃដ្បិត ការតុបតែងខ្លួនបែបនេះអាចទាក់ភ្នែកបុរសមែន ប៉ុន្តែមិនស្ថិតស្ថេរឡើយ ។ បុរសមានគំនិតអភិរក្សខ្លាំងណាស់ចំពោះរាងកាយស្ត្រី ។
៦-ជើងទាំងគូ ៖ បុរសភាគច្រើនចូលចិត្តស្ត្រីមានជើងវែងសមនឹងដងខ្លួន ។ ទោះជាយ៉ាងនេះ សម្រាប់ស្ត្រីដែលមានជើងខ្លី ទាបកន្តឿក៏មិនត្រូវបារម្ភនោះដែរ ដ្បិតនៅមានចំណុចពិសេសច្រើនទៀតនៅលើដងខ្លួនដែលធ្វើឱ្យបុរសអត់សម្លឹងមិនបាន ។
៧-ស្បែក និងការស្លៀកពាក់ ៖ ពណ៌សម្បុរស្បែកក៏សំខាន់ណាស់ដែរ ។ ការស្ទង់មតិបង្ហាញថា បុរសគិតថា ស្បែកមានពណ៌សម្បុរស្អាតគឺជាសញ្ញានៃសុខភាពមាំមួន ។ ពួកគេគិតថា ស្ត្រីមានពណ៌សម្បុរស្រស់ថ្លាគឺមានសុខភាពល្អ និងអាចបង្កើតកូនដែលមានសុខភាព ។
ឯការស្លៀកពាក់ក៏ជាសោភ័ណភាពទាក់ទាញភ្នែកបុរសមួយដែរ ។ ការសិក្សាថ្មីមួយបានបង្ហាញថា បុរសភាគច្រើនពេញចិត្តឱ្យស្ត្រីស្លៀកពាក់ក្នុងរចនាបថសមសួនជាជាងស្លៀកលេចលើលេចក្រោម ខ្លីកប់ក្រលៀនខណៈគល់សុដន់នៅលើគោក ៕
ចែករំលែកព័តមាននេះ