«CCTV» របស់ចិនផ្សាយថា ចិនបានអភិវឌ្ឍន៍ «រថយន្តក្រុងសម្រាប់អនាគត ដើរដោយចរន្តអគ្គិសនី» (Transit Elevated Bus) ដោយបានបង្ហាញក្នុងពិពរ័ណ៍ផលិតផលបច្ចេកវិទ្យានៅលើពិភពលោក លើកទី១៩ ក្នុងក្រុងប៉េកាំង កាលពីពេល ថ្មីៗកន្លងមក ។
«CCTV» របស់ចិនផ្សាយថា ចិនបានអភិវឌ្ឍន៍ «រថយន្តក្រុងសម្រាប់អនាគត ដើរដោយចរន្តអគ្គិសនី» (Transit Elevated Bus) ដោយបានបង្ហាញក្នុងពិពរ័ណ៍ផលិតផលបច្ចេកវិទ្យានៅលើពិភពលោកលើកទី១៩ ក្នុងក្រុងប៉េកាំង កាលពីពេលថ្មីៗកន្លងមក ។
រថយន្តក្រុងប្រភេទនោះ ជាផលិតផលថ្មី ផលិតឡើងដើម្បីដោះស្រាយបញ្ហាកកស្ទះចរាចរណ៍ ដោយរត់នៅលើផ្លូវដែក ផ្ទុកអ្នកដំណើរបាន១២០០នាក់ បន្ទប់អ្នកដំណើរស្ថិតនៅជាន់ទី២ ឯនៅជាន់ខាងក្រោមបើកចំហទូលាយសម្រាប់ឱ្យរថយន្តធុនតូចបើកបរពីក្រោម ។
លោកប៉ៃ ជឺមីង វិស្វករគម្រោងការរថយន្តក្រុងប្រភេទនោះឱ្យដឹងថា វាដំណើរការស្រដៀងរថភ្លើងក្រោមដីដែរ ។ តាមគម្រោងរថយន្តក្រុងប្រភេទនោះ ផលិតរួចរាល់នៅក្នុងរយៈពេល១ឆ្នាំ និងដាក់ឱ្យសាកល្បងប្រើនៅក្រុងឈីនហួងតៅ ភាគខាងជើងខេត្តហ៊ឺប៉ើយ ។ បន្ទាប់មកនឹងបើកឱ្យប្រើប្រាស់ក្នុងអំឡុងចុងឆ្នាំ២០១៧ ៕
ចែករំលែកព័តមាននេះ