ខេត្តព្រះសីហនុ ៖ នៅព្រឹកថ្ងៃទី២៨ ឧសភា ឆ្នាំ២០១៦ លោកម៉ឹង ពន្លក ប្រធានចលនាយុវជនកម្ពុជា (ក្រុម១៥៧) តំណាងដ៏ខ្ពង់ខ្ពស់របស់លោកបណ្ឌិតហ៊ុន ម៉ាណែត ដែលជាស្ថាបនិក និងលោកយន្ត មីន អភិបាលនៃគណៈអភិបាលខេត្តព្រះសីហនុ បានដឹកនាំសមាជិក សមាជិកា មកសម្ពោធផ្លូវបេតុងមួយខ្សែដែលមានទទឹង៤ម៉ែត្រ និងបណ្តោយ១១៣.៥ម៉ែត្រ ស្ថិតក្នុងបរិវេណវិទ្យាល័យ ហ៊ុន សែនស្មាច់ដែង ក្នុងភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ ។
នៅក្នុងពិធីនេះ ក៏មានការចូលរួមពីសំណាក់ លោកគ្រូ អ្នកគ្រូចំនួន៥១នាក់ សិស្សានុសិស្សចំនួន២១០នាក់ និងប្រជាពលរដ្ឋចំនួន៦០គ្រួសារ ព្រមទាំងមន្ត្រីរាជការ ប្រធានមន្ទីស្ថាប័ននានាជុំវិញខេត្តមួយចំនួនផងដែរ។
បន្ទាប់ពីកម្មវិធីសម្ពោធផ្លូវបេតុងបានបញ្ចប់ ក៏មានការចែកជូនអំណោយទៅដល់លោកគ្រូ អ្នកគ្រូ សិស្សានុសិស្ស និងប្រជាពលរដ្ឋដែលបានចូលរួមក្នុងកម្មវិធីនេះផងដែរ ដោយអំណោយមានដូចជា៖
-ចំពោះលោកគ្រូ អ្នកគ្រូ៥១នាក់ ក្នុងម្នាក់ៗទទួលបានថវិកា ៥០,០០០រៀល
-ចំពោះសិស្សានុសិស្ស២១០នាក់ ក្នុងម្នាក់ៗទទួលបានថវិកា ៥,០០០រៀល
-ចំពោះប្រជាពលរដ្ឋចំនួន៦០គ្រួសារ ក្នុងមួយគ្រួសារទទួលបានៈ អង្ករ១បាវ(២៥គីឡូក្រាម), មី១កេស, ត្រីខ១យួរ, ប្រេងឆា១ដប, ទឹកត្រី១យួរ, ទឹកស៊ីអ៊ីវ១យួរ, អំបិល១គីឡូក្រាម, ស្កសរ១គីឡូក្រាម, ប៊ីចេង០.៥គីឡូក្រាម, សិស្សានុសិស្សក្រុមបាល់ទាត់ បាល់ទាត់២ បាល់បោះ២ និងtថវិកា១០,០០០រៀល។
ចែករំលែកព័តមាននេះ