ឃាត់ខ្លួនជននសង្ស័យ៨នាក់ ពីបទប្រើប្រាស់គ្រឿងញៀ.ន
រាជធានីភ្នំពេញ ៖ ជនសង្ស័យ០៨នាក់ ត្រូវបានកម្លាំងនគរបាលខណ្ឌជ្រោយចង្វា ឃាត់ខ្លួនជាបន្តបន្ទាប់កាលពីវេលាម៉ោង១១និង០០នាទីយប់ ថ្ងៃទី២៦ ខែឧសភា ឆ្នាំ២០១៦
រាជធានីភ្នំពេញ ៖ ជនសង្ស័យ០៨នាក់ ត្រូវបានកម្លាំងនគរបាលខណ្ឌជ្រោយចង្វារ ឃាត់ខ្លួនជាបន្តបន្ទាប់កាលពីវេលាម៉ោង១១និង០០នាទីយប់ ថ្ងៃទី២៦ ខែឧសភា ឆ្នាំ២០១៦ នៅតាមបណ្តោយផ្លូវជាតិលេខ៦ ភូមិព្រែកលៀប សង្កាត់ព្រែកលៀប ខណ្ឌជ្រោយចង្វារ ខណៈពេលធ្វើដំណើរមកពីទិញគ្រឿងញៀន។នៅពេលឃាត់ខ្លួនសមត្ថកិច្ចដកហូតបានគ្រឿងញៀនចំនួន៣កញ្ចប់ និងម៉ូតូចំនួន៣គ្រឿងផងដែរ។
ជនសង្ស័យដែលសមត្ថកិច្ចឃាត់ខ្លួននោះ១.ឈ្មោះ គង់ កឿន ភេទប្រុស អាយុ២៣ឆ្នាំ មុខរបរកម្មករសំណង់ ២.ឈ្មោះ ចាក់ ប៊ុនថន ភេទប្រុស អាយុ២០ឆ្នាំ មុខរបរកម្មកររោងចក្រ ៣.ឈ្មោះ ម៉ៅ ម៉ាប់ ភេទប្រុស អាយុ ២៧ឆ្នាំ មុខរបរកម្មករសំណង់ ៤.ឈ្មោះ លឹម កូលីន ភេទ ប្រុស អាយុ១៨ឆ្នាំ ៥.ឈ្មោះ វឿន វីដ ភេទប្រុស អាយុ១៨ឆ្នាំ មុខរបរកម្មករ ៦.ឈ្មោះ ហ៊ុល រដ្ឋា ភេទប្រុស អាយុ២១ឆ្នាំ មុខរបរកម្មករ ៧.ឈ្មោះ យិន ចិត្ត ភេទប្រុស អាយុ២៤ឆ្នាំ មុខរបរ កម្មករសំណង់ និង៨. ឈ្មោះ គង់ ចន្ទ ភេទប្រុស អាយុ២៣ឆ្នាំ។
តាមលោកវរៈសេនីយ៍ត្រី ឯក សេរីវុធ អធិការរងទទួលផ្នែកព្រហ្មទណ្ឌ បានឲ្យដឹងថា នៅយប់ថ្ងៃទី២៦ ខែឧសភា ឆ្នាំ២០១៦នេះ កម្លាំងសមត្ថកិច្ចជិះល្បាតនៅក្នុងមូលដ្ឋានតាមផ្លូវជាតិលេខ៦ ក្នុងភូមិព្រែកលៀប សង្កាត់ព្រែកលៀប ខណ្ឌជ្រោយចង្វារ ប្រទះឃើញជនសង្ស័យ ហើយបានឆែកឆេរឃើញគ្រឿងញៀន ក៏ឃាត់ខ្លួនតែម្ដង។ ជនសង្ស័យបានសារភាពថា នៅមុនពេលកើតហេតុខ្លួនបានធ្វើដំណើរមកពីទិញគ្រឿងញៀនយកទៅប្រើប្រាស់ ពេលធ្វើដំណើរត្រឡប់ទៅផ្ទះ ត្រូវនគរបាលឃាត់ខ្លួនតែម្តង៕
ចែករំលែកព័តមាននេះ