រន្ធត់ណាស់ ! ៣នាក់ឪពុកកូនស្លា.ប់ ម្ដាយរបួសធ្ងន់
រាជធានីភ្នំពេញ ៖ ឪពុកនិងកូន២នាក់បានស្លា.ប់ភ្លាមៗនៅកន្លែងកើតហេតុ ដោយឡែកស្ត្រីជាម្តាយរងរបួសធ្ងន់ក្នុងករណីគ្រោះថ្នាក់ចរាចរណ៍ដ៏រន្ធត់មួយរវាងរថយន្តសាំយ៉ុង១២កៅអី
រាជធានីភ្នំពេញ ៖ ឪពុកនិងកូន២នាក់បានស្លា.ប់ភ្លាមៗនៅកន្លែងកើតហេតុ ដោយឡែកស្ត្រីជាម្តាយរងរបួសធ្ងន់ក្នុងករណីគ្រោះថ្នាក់ចរាចរណ៍ដ៏រន្ធត់មួយរវាងរថយន្តសាំយ៉ុង១២កៅអី
រាជធានីភ្នំពេញ ៖ ឪពុកនិងកូន២នាក់បានស្លាប់ភ្លាមៗនៅកន្លែងកើតហេតុ ដោយឡែកស្ត្រីជាម្តាយរងរបួសធ្ងន់ក្នុងករណីគ្រោះថ្នាក់ចរាចរណ៍ដ៏រន្ធត់មួយរវាងរថយន្តសាំយ៉ុង១២កៅអីដឹកអ្នកដំណើរបុកគ្នាជាមួយអ្នកជិះម៉ូតូកាលពីវេលាម៉ោង៥ និង៥០នាទីព្រលឹមថ្ងៃទី២៧ ខែឧសភា ឆ្នាំ២០១៦ នៅលើកំណាត់ផ្លូវជាតិលេខ១ ក្បែរវត្តចប្ប៉ា ស្ថិតក្នុងភូមិជ្រោយអំពិល សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ ។
ប្រភពព័ត៌មានពីសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេឃើញជនរងគ្រោះទាំង៤នាក់ ជិះម៉ូតូ១គ្រឿងម៉ាកស្មាស់ ពណ៌ខ្មៅលាយផ្កាឈូក ពាក់ស្លាក លេខភ្នំពេញ 1BL-2278 ជិះឌុបគ្នាធ្វើដំណើរតាមបណ្តោយផ្លូវជាតិលេខ១ ទិសដៅពីកើតទៅលិច (ពីកៀនស្វាយមកភ្នំពេញ) ក្នុងល្បឿនលឿនល្មម ។ លុះមកដល់ចំណុះកើតហេតុម៉ូតូខាងលើបានវ៉ារថយន្តដែលនៅពីមុខខ្លួន ក៏បានជ្រុលទៅបុកគ្នាជាមួយរថយន្តសាំយ៉ុង១២កៅអី ពណ៌ស ពាក់ស្លាក លេខភ្នំពេញ 1AD-7122 បើកបរក្នុងទិសដៅបញ្ច្រាសទិសគ្នា ចំពីមុខបញ្ឆិតពេញទំហឹង បណ្តាលឲ្យអ្នកជិះម៉ូតូ៣នាក់ ក្នុងនោះមានក្មេងតូចម្នាក់បោកខ្លួនផ្ទប់នឹងរថយន្តបែកក្បាលហូរឈាមស្លាប់ភ្លាមៗ រីឯស្ត្រីម្នាក់ទៀតត្រូវរងរបួសធ្ងន់ធ្ងរបញ្ចូនទៅសង្គ្រោះនៅមន្ទីរពេទ្យ ។
បន្ទាប់ពីគ្រោះថ្នាក់ភ្លាមៗ បុរសជាអ្នកបើកបររថយន្តសាំយ៉ុងបានចុះពីលើរថយន្តរត់គេចខ្លួនបាត់ស្រមោល ដោយឡែករថយន្ត និងម៉ូតូត្រូវរងការខូចខាតដូចគ្នា ។
ក្រោយពេលកើតហេតុ សមត្ថកិច្ចមូលដ្ឋានសហការជាមួយនគរបាលជំនាញចុះអន្តរាគមន៍វាស់វែង អូសយកទាំងរថយន្ត និងម៉ូតូទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ រង់ចាំដោះស្រាយទៅតាមផ្លូវច្បាប់នៅពេលក្រោយ ។ ដោយឡែកសពជនរងគ្រោះសមត្ថកិច្ចកំពុងស្រាវជ្រាវទំនាក់ទំនងទៅសាច់ញាតិឲ្យមកទទួលយកទៅធ្វើបុណ្យតាមប្រពៃណី ប៉ុន្តែនៅពេលនេះសមត្ថកិច្ចនៅមិនទាន់ស្គាល់អត្តសញ្ញាណជនរងគ្រោះទាំង៤នាក់នៅឡើយទេ ៕
ចែករំលែកព័តមាននេះ