ប្រទេសមីយ៉ាន់ម៉ា ៖ ឧស្សាហកម្មរថយន្តនិងម៉ាស៊ីនធន់ធ្ងន់ ដែលបានបង្កើតឡើងនៅតាមតំបន់ព្រំដែនមីយ៉ាន់ម៉ា-ថៃ និងចិន កាលពី៦ខែកន្លងទៅនោះ ត្រូវបានក្រសួងពាណិជ្ជកម្មប្រកាសកាលពីសប្ដាហ៍មុនថា
ប្រទេសមីយ៉ាន់ម៉ា ៖ ឧស្សាហកម្មរថយន្តនិងម៉ាស៊ីនធន់ធ្ងន់ ដែលបានបង្កើតឡើងនៅតាមតំបន់ព្រំដែនមីយ៉ាន់ម៉ា-ថៃ និងចិន កាលពី៦ខែកន្លងទៅនោះ ត្រូវបានក្រសួងពាណិជ្ជកម្មប្រកាសកាលពីសប្ដាហ៍មុនថា ច្បាប់រឹតបន្ដឹងការនាំចូលនានាត្រូវបានដកចេញ ។
ក្រសួងពាណិជ្ជកម្មបានប្រកាសថា បណ្តាក្រុមហ៊ុនទាំងឡាយអាចនាំចូលរថយន្តតាមព្រំប្រទល់ប្រទេសចិននៅតំបន់ពាណិជ្ជកម្ម Muse 105 និងTachileik ក៏ដូចជាតំបន់ពាណិជ្ជកម្ម Myawaddy តាមព្រំប្រទល់ប្រទេសថៃ ទោះបីជាការនាំចូលរថយន្តដឹកទំនិញនៅតែមិនទាន់មានកំណត់ក្តី ។
ប្រកាសដដែលបានបន្ដថា កាលពីមុន ក្រុមហ៊ុនបរទេសត្រូវបានអនុញ្ញាតឲ្យនាំចូលរថយន្តចំនួន១០គ្រឿងសម្រាប់ប្រើប្រាស់ក្នុង១ឆ្នាំៗ ប៉ុន្តែក្រសួងបានបន្ធូរបន្ថយច្បាប់ដែលអនុញ្ញាតឲ្យមានការនាំចូលចំនួន១០គ្រឿងឡើងទៅសម្រាប់អាជ្ញាប័ណ្ណមួយ ។ ក្រុមហ៊ុនអាចប្រើប្រាស់អាជ្ញាប័ណ្ណច្រើនជាងមួយដែលពឹងផ្អែកលើតម្រូវការ ។
អ្នកជំនួញក្នុងស្រុកនៅតាមតំបន់ព្រំដែន ក៏ដូចជាអ្នករកស៊ីឯកជន នឹងត្រូវអនុញ្ញាតឲ្យនាំចូលរថយន្តតម្លៃចាប់ពី៣លានខ្យាតក្នុងមួយថ្ងៃ ឬច្រើនជាងនេះក្នុងរយៈពេល៥ថ្ងៃ ។
ក្រសួងនឹងអនុញ្ញាតដល់រថយន្តទាំងអស់ដែលបាននាំចូលកាលពីខែធ្នូឆ្នាំមុន ឲ្យចូលក្នុងប្រទេស ។ ក្នុងនោះ អគ្គនាយកដ្ឋានពាណិជ្ជកម្ម រដ្ឋាករគយ និងដឹកជញ្ចូន នឹងសម្រូលដល់ការនាំចូលនេះ ។
រដ្ឋមន្ត្រីក្រសួងពាណិជ្ចកម្ម លោក ThanMyint បានអនុញ្ញាតរថយន្តចំនួន១៤.០០០គ្រឿងសម្រាប់នាំចូលក្នុងប្រទេសដែលរថយន្តទាំងនោះបានជាប់គាំងនៅតាមព្រំប្រទល់តាំងពីខែធ្នូមកម្ល៉េះ ៕
ចែករំលែកព័តមាននេះ