ញាក់សាច់ ! បុកឡានដឹកកម្មករលាន់ដូចរន្ទះ
ខេត្តស្វាយរៀង ៖ កាលពីវេលាម៉ោង៥ និង៤០នាទីល្ងាច ថ្ងៃទី២៥ ខែឧសភា ឆ្នាំ២០១៦ មានគ្រោះថ្នាក់ចរាចរណ៍ដ៏អាក្រក់មួយ ដោយកម្មករសំណង់២នាក់ជិះម៉ូតូ១គ្រឿងយ៉ាងលឿន
ខេត្តស្វាយរៀង ៖ កាលពីវេលាម៉ោង៥ និង៤០នាទីល្ងាច ថ្ងៃទី២៥ ខែឧសភា ឆ្នាំ២០១៦ មានគ្រោះថ្នាក់ចរាចរណ៍ដ៏អាក្រក់មួយ ដោយកម្មករសំណង់២នាក់ជិះម៉ូតូ១គ្រឿងយ៉ាងលឿន
ខេត្តស្វាយរៀង ៖ កាលពីវេលាម៉ោង៥ និង៤០នាទីល្ងាច ថ្ងៃទី២៥ ខែឧសភា ឆ្នាំ២០១៦ មានគ្រោះថ្នាក់ចរាចរណ៍ដ៏អាក្រក់មួយ ដោយកម្មករសំណង់២នាក់ជិះម៉ូតូ១គ្រឿងយ៉ាងលឿនវ៉ារថយន្តជ្រុលទៅបុកជាមួយរថយន្តដឹកកម្មករចំពីមុខពេញទំហឹងលាន់ដូចរន្ទះ បណ្តាលឲ្យបុរស២នាក់ដែលជិះម៉ូតូដួលបោកក្បាលស្លាប់ភ្លាមៗនៅនឹងកន្លែង រីឯថយន្តដឹកកម្មករកម្មការនីជាន់ហ្វ្រាំងរេចង្កូតក្រឡាប់ផ្ងាជើងឡើងលើបណ្តាលឲ្យមនុស្សជិះលើរថយន្ត៧១នាក់ខ្ទាតចេញពីរថយន្តរបួសធ្ងន់២៨នាក់ របួសស្រាល៤៣នាក់ ដេកគរលើគ្នារដូករណែលគួរឲ្យសង្វេកនៅលើកំណាត់ផ្លូវជាតិលេខ១ ត្រង់ចំណុផ្លូវកូនសិស្ស ស្ថិតនៅភូមិលៀប ឃុំកណ្តៀងរាយ ស្រុកស្វាយទាប ។
សមត្ថកិច្ចបានឲ្យដឹងថា ជនរងគ្រោះចំនួន៥២នាក់(ប្រុស៥នាក់)ក្នុងនោះរបួសធ្ងន់៩នាក់ត្រូវសមត្ថកិច្ចដឹកបញ្ជូនទៅមន្ទីរពេទ្យបង្អែកស្រុកប្រតិបត្តិជីភូ ក្រុងបាវិត ដើម្បីសង្គ្រោះ, បញ្ជូនទៅដេកនៅមណ្ឌលសុខភាពឃុំកណ្តៀងរាយ៥នាក់របួសធ្ងន់ និងបញ្ជូនទៅមន្ទីរពេទ្យខេត្តស្វាយរៀង១៤នាក់របួសធ្ងន់ ។ រីឯសពអ្នកជិះម៉ូតូ២នាក់ត្រូវសាច់ញាតិដឹកយកទៅធ្វើបុណ្យតាមប្រពៃណីនៅភូមិគោកព្រីង ឃុំគោកព្រីង ស្រុកស្វាយជ្រំ ។ សមត្ថកិច្ចបញ្ជាក់ថា អ្នកបើកបរម៉ូតូឈ្មោះ ញឹម ណយ ភេទប្រុស អាយុ៣៩ឆ្នាំ ជាកម្មករសំណង់ ឯអ្នករួមដំណើរឈ្មោះ ផាត់ ម៉ុនភេទប្រុស អាយុ៤៩ឆ្នាំ ជាកម្មករសំណង់ ទាំង២នាក់មានទីលំនៅភូមិលាចឈូក ឃុំគោកព្រីង ស្រុកស្វាយជ្រំ ។ ចំណែកអ្នកបើកបររថយន្តបានរត់គេចខ្លួនបាត់ភ្លាមៗ ។
សមត្ថកិច្ចបានឲ្យដឹងថា កម្មករកម្មការិនីរងគ្រោះគឺអ្នកទៅធ្វើការម៉ោងពេលយប់(រោងចក្រផលិតនាឡិកាក្នុងតំបន់សេដ្ឋកិច្ចពិសេសនាគរាជ្យ ស្ថិតនៅភូមិព្រៃទប់ខាងត្បូង សង្កាត់ព្រៃអង្គុញ ក្រុងបាវិត) មានទៅលំនៅក្នុងស្រុកស្វាយជ្រំ ។ បើតាមស្ត្រីរងគ្រោះឈ្មោះ អ៊ូ សូរិយា អាយុ២៣ឆ្នាំ ជាកម្មការនីផលិតនាឡិកាដៃនៅតំបន់សេដ្ឋកិច្ចនាគរាជ្យ បានឲ្យដឹងថា នាងមានទីលំនៅភូមិឃ្មត់ ឃុំស្វាយជ្រំ ស្រុកស្វាយជ្រំ ហើយបានធ្វើការនៅពេលយប់ គឺចូលម៉ោង៧យប់ ចេញនៅម៉ោង៤ទៀបភ្លឺ ហើយការធ្វើការពេលយប់នេះគឺធ្វើការប្តូរវេនគ្នា ក្នុងមួយខែធ្វើការពេលយប់មួយខែធ្វើការពេលថ្ងៃ ហើយធ្វើការពេលយប់ គឺក្រុមហ៊ុនផ្តល់អាហារឲ្យមួយពេលក្នុងម៉ោង១១យប់ និងបន្តធ្វើការរហូតដល់ម៉ោង៤ទៀបភ្លឺ ។ នៅយប់កើតហេតុ ពេលកំពុងជិះរថយន្តទៅធ្វើការក៏ជួបគ្រោះថ្នាក់ចរាចរណ៍ដោយរថយន្តក្រឡាប់សង្កត់ចំចង្កេះរបួសធ្ងន់សន្លប់នៅនឹងកន្លែង ។
ចំពោះម៉ូតូបង្កម៉ាកហុងដា សេ១២៥ ពណ៌ខ្មៅ ពាក់ស្លាកលេខ កំពង់ចាម 1F-8001 និងរថយន្តដឹកកម្មករម៉ាកហ៊ីយ៉ាន់ដាយ ចំណុះ៣តោន ពាក់ស្លាកលេខ ភ្នំពេញ 3A-4585 ត្រូវសមត្ថកិច្ចយកទៅរក្សាទុកនៅអធិការដ្ឋាននគបាលស្រុកស្វាយទាបរង់ចាំដោះស្រាយតាមច្បាប់ ។
នៅព្រឹកថ្ងៃទី២៦ ឧសភា ២០១៦ វេលាម៉ោង១០ និង១០នាទីព្រឹក លោក ម៉ែន វិប៉ុល អភិបាលខេត្ត បានដឹកនាំប្រតិភូមកសួរសុខទុក្ខកម្មករកម្មការនីរងគ្រោះថ្នាក់ចរាចរណ៍មកសម្រាកព្យាបាលនៅមន្ទីរពេទ្យខេត្ត១៤នាក់ និងនាំអំណោយជូនជនរងគ្រោះក្នុងម្នាក់ទទួលបានថវិកា៣៤ម៉ឺនរៀល (សាលាខេត្ត២០ម៉ឺនរៀល កាកបាទក្រហមកម្ពុជាសាខាខេត្តស្វាយរៀង១០ម៉ឺនរៀល តំណាងរាស្ត្រមណ្ឌលស្វាយរៀង៤ម៉ឺនរៀល) ជនរងគ្រោះនៅមណ្ឌលសុខភាពកណ្តៀងរាយ៥នាក់ ក្នុងម្នាក់ទទួលបាន៣០ម៉ឺនរៀល (ខេត្ត២០ម៉ឺនរៀល កាកបាទក្រហម១០ម៉ឺន) និងទៅសួរសុខទុក្ខកម្មករកម្មការនីរងគ្រោះនៅមន្ទីរពេទ្យបង្អែកស្រុកប្រតិបត្តិជីភូ និងយកអំណោយចែកជូនជនរងគ្រោះ៥២នាក់ក្នុងម្នាក់ទទួលបានថវិកា១០ម៉ឺនរៀល (សាលាខេត្ត៥ម៉ឺនរៀល កាកបាទក្រហម៥ម៉ឺនរៀល) ផងដែរ ៕
ចែករំលែកព័តមាននេះ