ខេត្តព្រះសីហនុ ៖ រថយន្តធុនធំ២គ្រឿងបើកបរក្នុងទិសដៅបញ្ច្រាសបានបុកគ្នាទាំងកំរោល បណ្តាលឱ្យផ្ទុះឆេះយ៉ាងសន្ធោសន្ធៅ ។ តែទោះបីយ៉ាងណា មិនបណ្តាលឱ្យមនុស្សរងរបួស ឬបាត់បង់ជីវិតឡើយ រួមទាំងអ្នកបើកបរសងខាង ។
ហេការណ៍នេះ បានកើតមានឡើងកាលពីវេលាម៉ោង១០ និង២៥នាទីព្រឺកថ្ងៃទី២៦ ឧសភា ២០១៦ ស្ថិតតាមបណ្តោយផ្លូវជាតិលេង៤ ចន្លោះគីឡូម៉ែត្រលេខ១៣៨-១៣៩ ចំណុចស្ពានត្អោង ស្ថិតក្នុងភូមិចំការហ្លួង ឃុំចំការហ្លួង ស្រុកកំពង់សិលា ខេត្តព្រះសីហនុ ។
បើតាមប្រភពពីសមត្ថកិច្ចឱ្យដឹងថា គ្រោះថ្នាក់នេះ គឺកើតឡើងរវាងរថយន្តមួយគ្រឿងដឹកប្រេងកម្ពុជាតេលា(ស្លាកលេខឆេះអស់)បើកក្នុងទិសដៅពីខេត្តព្រះសីហនុ ទៅភ្នំពេញ (លិច-កើត) លុះដល់ចំណុចកើតហេតុ ក៏បានបុកជាមួយរថយន្តមួយគ្រឿងទៀតក្នុងទិដៅបញ្ច្រាសគ្នា ម៉ាកហ្វុយហ្សូ ពាក់ស្លាក់លេខភ្នំពេញ3D-4669 បណ្តាលឱ្យឆេះយ៉ាងសន្ធោសន្ធៅ ។
ប្រភពដដែលបន្តថា មុនកើតហេតុ រថយន្តដឹកប្រេងកម្ពុជាតេលា ពេលទៅដល់ចំណុចកើតហេតុ បានបើកវ៉ាជែងជាមួយរថយន្តមួយគ្រឿងទៀតដែលកំពុងបើកបរពីមុខខ្លួន ហើយស្របពេលជាមួយគ្នានោះ រថយន្តកុងតឺន័រមកដល់ ទាំងរថយន្តដឹកសាំងមិនទាន់វ៉ាផុតផង ក៏បុកគ្នាតែម្តង ។ ធ្វើឱ្យរថយន្តដឹកប្រេងតេលា ដេកលើរថយន្តកុងទីន័ របណ្តាលឱ្យឆេះយ៉ាងសន្ធោសន្ធៅតែម្តង ចំណែកឯអ្នកបើកបរទាំងសងខាងបានគេចខ្លួនបាត់ ទុករថយន្តទាំង២គ្រឿងឆេះយ៉ាងពេញទំហឹង ។
ចែករំលែកព័តមាននេះ