ខេត្តបាត់ដំបង ៖ សេចក្តីរាយការណ៍ឱ្យដឹងថា បុរសម្នាក់បានរងរបួសស្ទើរសុសសាច់ ដោយសាររងនូវកម្ទេចគ្រាប់មីនដែលផ្ទុះ ខណៈគាត់កំពុងកាប់ដីដំបូកខាងក្រោយផ្ទះ ដែលហេតុការណ៍នេះ កើតឡើងកាលពីវេលាម៉ោង០៨ និង៣០នាទីព្រឹកថ្ងៃទី២៦ ឧសភា ២០១៦ ស្ថិតនៅចំណុចភូមិតាសែន ឃុំត្រាង ស្រុកកំរៀង ខេត្តបាត់ដំបង ។
បើតាមសមត្ថកិច្ចឱ្យដឹងថា ជនរងគ្រោះមានឈ្មោះសួង ឈៀត អាយុ៥២ឆ្នាំ រងរបួសដោយសារគ្រាប់មីនប្រភេទស្គរ ឬមីនសញ្ញាលេខបូក ដែលកប់ក្បែរដំបូកមួយកន្លែងខាងក្រោយផ្ទះគាត់ ។
ប្រភពដដែលបន្តថា ជនរងគ្រោះបានប្រើចប់កាប់កាប់ដីដំបូកយកទៅចាក់ក្នុងរោងគោ ស្រាប់តែប៉ះចំគ្រាប់មីន បណ្ដាលឱ្យផ្ទុះឡើងធ្វើឱ្យគាត់រងរបួសសុសពេញខ្លួនតែមិនធ្ងន់ដល់ស្លាប់ទេ ។ បច្ចុប្បន្ន ជនរងគ្រោះកំពុងព្យាបាលនៅមណ្ឌលសុខភាពក្នុងមូល
ដ្ឋាន ៕
ចែករំលែកព័តមាននេះ