ប្រទេសវៀតណាម ៖ ឧស្សាហកម្មស្ករជាតិរបស់វៀតណាមប្រហែលជារងនូវការជះឥទ្ធិពលដោយកំណើននៃការនាំចូលស្ករ ប្រសិនបើការស្នើសុំនាំចូលស្ករបន្ថែមចំនួន២០ម៉ឺនតោនរបស់ក្រសួងឧស្សាហកម្ម និងពាណិជ្ជកម្ម
ប្រទេសវៀតណាម ៖ ឧស្សាហកម្មស្ករជាតិរបស់វៀតណាមប្រហែលជារងនូវការជះឥទ្ធិពលដោយកំណើននៃការនាំចូលស្ករ ប្រសិនបើការស្នើសុំនាំចូលស្ករបន្ថែមចំនួន២០ម៉ឺនតោនរបស់ក្រសួងឧស្សាហកម្ម និងពាណិជ្ជកម្ម ត្រូវបានអនុញ្ញាតនោះ ។
ក្រោមសេចក្តីស្នើសុំនេះ ចំនួនសរុបនៃការនាំចូលស្កររបស់វៀតណាមអាចនឹងកើនឡើងដល់៣៣,៥ម៉ឺនតោន បូកបញ្ចូលទាំង៨,៥ម៉ឺនតោនសម្រាប់គណៈកម្មាធិការពាណិជ្ជកម្មពិភពលោក និង៥ម៉ឺនតោនដោយ Hoang Anh Gia Lai ពីប្រទេសឡាវ និងការស្នើសុំចំនួន២០ម៉ឺនតោន ។ ជាងនេះទៀត មានស្កររាប់រយតោនដែលនាំចូលគេចពន្ធមកក្នុងប្រទេសជារៀងរាល់ឆ្នាំ ។
ក្នុងរបាយការណ៍បានបង្ហាញថា វៀតណាមត្រូវបានគេរំពឹងថា នឹងផលិតស្ករបានចំនួន១,២ លានតោន ដែលត្រូវបានកាត់បន្ថយដោយសារគ្រោះរាំងស្ងួត និងការកើនឡើងជាតិអំបិលនៃដីកសិកម្មផងនោះ ខណៈដែលតម្រូវការស្ករសរុបរបស់ជាតិត្រូវបានគេរំពឹងថា នឹងមាន១,៦លានតោន ។ ដូច្នេះវៀតណាមនឹងខ្វះខាតស្ករចំនួន ៤០ម៉ឺនតោន ។
លោក Le Van Banh អគ្គនាយកនៃអគ្គនាយកដ្ឋាន បានមានប្រសាសន៍ថា ៖ « នេះហើយជាមូលហេតុដែលធ្វើឲ្យវៀតណាមត្រូវស្នើសុំនាំចូលស្ករចំនួន២០ម៉ឺនតោនបន្ថែមទៀត » ។
តម្លៃស្ករក្នុងស្រុកបានកើនឡើង២០% ដែលមានតម្លៃខ្ពស់ជាងស្ករនាំចូល ដូច្នេះកំណើននៃការនាំចូលស្ករនឹងដាក់សម្ពាធទៅលើរោងចក្រផលិតស្ករអំពៅក្នុងស្រុក និងកសិករជាក់ជាមិនខាន ។
លោកបានដាស់តឿនថា ៖ « ក្រសួងគួរតែប្រុងប្រយ័ត្ន និងពិចារណាឡើងវិញក្នុងការនាំចូលស្ករចំនួន២០ម៉ឺនតោនបន្ថែមទៀតនោះ » ៕
ចែករំលែកព័តមាននេះ