រាជធានីភ្នំពេញ ៖ បុរសម្នាក់បាក់.ក និងបាក់ដៃបាក់ជើងស្លាប់នៅកណ្តាលថ្នល់ ដោយគេឃើញខ្ទាតចេញពីម៉ូតូប្រមាណ១០ម៉ែត្រ ដែលហេតុការណ៍នេះសង្ស័យថា ជិះម៉ូតូបុកជាមួយរថយន្តដឹកទឹកកក ប៉ុន្តែរថយន្តបើកចេញទៅបាត់ហើយ កាលវេលាម៉ោង០២និង៥៥ព្រឹកថ្ងៃទី២៦ ឧសភា ស្ថិតតាមបណ្ដោយផ្លូវ៥៩៨ ក្រុម៦ ក្នុងសង្កាត់បឹងកក់១ ខណ្ឌទួលគោក ។
សពជនរងគ្រោះត្រូវគេស្គាល់ឈ្មោះប៊ី ជីម ភេទប្រុស អាយុ២៤ឆ្នាំ មានទីលំនៅភូមិដើមពពេល ឃុំថ្មឥដ្ឋ ស្រុកកំពង់ត្រឡាច ខេត្តកំពង់ឆ្នាំង ជិះម៉ូតូម៉ាកហុងដាឌ្រីម ពណ៌.ខ្មៅ ពាក់ស្លាកលេខភ្នំពេញ 1CJ-2379 បើកក្នុងទិសដៅពីជើងទៅត្បូង សង្ស័យក្នុងល្បឿនលឿន ។
តាមប្រភពមិនច្បាស់លាស់ពីអ្នកលក់ទឹកកកនៅមុខកន្លែងកើតហេតុថា គេឮសូរសំឡេងបុកលាន់ដូចគ្រាប់បែកផ្ទុះ ហើយពេលនោះ មានរថយន្តទឹកកកកំពុងដាក់ទឹកកកឱ្យម៉ូយបានចតនៅខាងស្ដាំចិញ្ចើមផ្លូវ ។ បន្តិចក្រោយមក ស្រាប់តែឃើញរថយន្តនោះបើកចេញទៅបាត់គាត់ ក៏ប្រទះឃើញជនរងគ្រោះដេកស្លាប់នៅកណ្តាលថ្នល់ ដោយមានរបួសបាក់ជើងខាងស្ដាំចេញខួរឆ្អឹងក្បាលជង្គង់ចេញមក ហើយមានស្នាមហើមនៅនិងកញ្ចឹង.ក និងបាក់ដៃកស្ដាំផងដែរ ។
ហើយពួកគាត់បានសន្និដ្ឋានថា សង្ស័យតែជនរងគ្រោះជិះម៉ូតូទៅបុកគូទរថយន្តដឹកទឹកកកនោះហើយ បានដួលបោកបាក់.កស្លាប់តែម្តង ។
ចែករំលែកព័តមាននេះ