ប្រទេសសិង្ហបុរី ៖ សន្ទស្សន៍តម្លៃទំនិញប្រើប្រាស់ដែលជាការវាស់ស្ទង់នៃអតិផរណា បានធ្លាក់ចុះសាជាថ្មីនៅខែមេសា ដែលជាការធ្លាក់ចុះក្នុងរយៈពេល១៨ខែជាប់ៗគ្នាហើយនេះជាការអូសបន្លាយនៃការធ្លាក់ចុះតម្លៃគិតចាប់តាំងពីឆ្នាំ១៩៧៧ មក ។
តម្លៃអតិផរណាអ្នកប្រើប្រាស់បានធ្លាក់ចុះ ០,៥%កាលពីខែមេសា បើធៀបនឹងរយៈពេលដូចគ្នាកាលពីឆ្នាំមុន ពោលគឺដោយសារតែតម្លៃដឹកជញ្ជូនផ្លូវឯកជនបានបន្តធ្លាក់ចុះ។ នេះបើយោងតាមការចុះផ្សាយរួមដោយអាជ្ញាធររូបិយប័ណ្ណអន្តរជាតិ និងក្រសួងពាណិជ្ជកម្មនិងឧស្សាហកម្ម ។
ការធ្លាក់ចុះបន្តិចនេះ គឺមានអត្រាទាបជាង ការព្យាកររបស់សេដ្ឋវិទូ ដែលបានព្យាករអត្រា០,៧% និងពាក់កណ្តាលនៃការធ្លាក់ចុះកាលពីខែមីនា ពោលគឺដោយសារតែតម្លៃទាបនៃសេវាកម្ម កាលពីខែមេសា ឆ្នាំ២០១៥ ។
តម្លៃដឹកជញ្ជូនផ្លូវឯកជនបានធ្លាក់ចុះ៧,១%នៅខែមេសាឆ្នាំមុន ពោលគឺមានអត្រាលឿនជាងការធ្លាក់ចុះ៥,៩% កាលពីខែមេសា កន្លងមកនេះ ។ នេះដោយសារតែការធ្លាក់ចុះនៃតម្លៃរថយន្ត និងតម្លៃប្រេង ។
កម្រិតវាស់ស្ទង់នៃអតិផរណា បានធ្វើឲ្យកាត់បន្ថយការចំណាយដឹកជញ្ជូនឯកជន ដែលចំណាយប្រចាំថ្ងៃកើនឡើង០,៨%នៅខែមេសា បើធៀបនឹងខែមីនា មានអត្រា០,៦%។ ជាក់ស្តែង ការកើនឡើងនេះ គឺដោយសារតែអតិផរណាសេវាកម្មខ្ពស់ជាង ក៏ដូចជាការធ្លាក់ចុះលើពន្ធអគ្គិសនីផងដែរ ។
អាជ្ញាធររូបិយប័ណ្ណសិង្ហបុរីបានឲ្យដឹងថា ៖ « អតិផរណាចម្បងត្រូវបានគេរំពឹងថា នឹងកើនឡើងបន្តិចនៅឆ្នាំនេះ ដោយសារតែតម្លៃប្រេងត្រូវបានគេរំពឹងថា នឹងមានតម្លៃខ្ពស់ជាងពាក់កណ្តាលឆមាសទី២ បើធៀបនឹងឆមាសទី១ » ៕
ចែករំលែកព័តមាននេះ