តារាសិច និងជាតារាចម្រៀងជប៉ុននាង Mayu Tomita រងរបួសធ្ងន់ដោយត្រូវអ្នកគាំទ្រម្នាក់ចាក់នឹងកាំបិត ខណៈពេលនាងរង់ចាំសម្តែងនៅក្នុងកម្មវិធីប្រគំតន្ត្រីមួយនៅក្រុងតូក្យូប្រទេសជប៉ុន ។ នាង Mayu Tomia របួសជិត
តារាសិច និងជាតារាចម្រៀងជប៉ុននាង Mayu Tomita រងរបួសធ្ងន់ដោយត្រូវអ្នកគាំទ្រម្នាក់ចាក់នឹងកាំបិត ខណៈពេលនាងរង់ចាំសម្តែងនៅក្នុងកម្មវិធីប្រគំតន្ត្រីមួយនៅក្រុងតូក្យូប្រទេសជប៉ុន ។ នាង Mayu Tomia របួសជិត ២៤ កន្លែងជុំវិញក និងដើមទ្រូងរបស់នាង ។
ប៉ូលិសបានចាប់ខ្លួនបុរសឈ្មោះ Tomohiro Iwazaki វ័យ២៧ឆ្នាំ នៅកន្លែងកើតហេតុ ។ ជនដៃដល់រូបនេះផ្ទុះកំហឹង ភ្លាមៗក្រោយពេលនាង Mayu Tomita ជូនកាដូដែលលោកទិញឱ្យនាងវិញ ។ តារាចម្រៀងវ័យ២០ Mayu Tomita ធ្លាប់រាយការណ៍ដល់ប៉ូលិសដែរពីការរំខានរបស់អ្នកគាំទ្រម្នាក់នេះកាលពីខែមុន ។
ប្រព័ន្ធផ្សព្វផ្សាយជប៉ុនឱ្យដឹងថា នាង Mayu Tomita បានទាក់ទងប៉ូលិសក្រោយពេល Tomohiro Iwazaki បង្ហោះរូបភាពនាងជាមួយការប្រើពាក្យជ្រុលហួសហេតុចង់បាននាងធ្វើជាគូស្នេហ៍លើបណ្តាញកម្សាន្តទ្វីទ័រ និងបណ្តាញកម្សាន្តផ្សេងទៀត ។ នៅពេលចាប់ខ្លួន Tomohiro Iwazaki និយាយថា រូបគេបានស្ទាក់នាង Mayu Tomita នៅស្ថានីយរថភ្លើង ហើយសាកសួរពីរឿងកាដូដែលនាងប្រគល់ឱ្យវិញ ។
កាលពីឆ្នាំ២០១៤ ធ្លាប់មានហេតុការណ៍កើតឡើងស្រដៀងនេះដែរ ពោលគឺសមាជិកក្រុមចម្រៀងនារីជប៉ុន AKB48 ត្រូវវាយប្រហារដោយបុរសម្នាក់ដោយដំបងក្នុងព្រឹតិ្តការណ៍ជួបជុំអ្នកគាំទ្ររបស់ក្រុម ៕
ចែករំលែកព័តមាននេះ