រាជធានីភ្នំពេញ ៖ បើទោះបីជាកញ្ញាសិចស៊ីដេនី ខ្វាន់ បានសន្យាកែប្រែភាពឆ្គាំឆ្គងរបស់នាងនៅក្រសួងវប្បធម៌ និងវិចិត្រសិល្បៈរួចហើយក្តី តារាចម្រៀងម៉េង កែវពេជ្ជតា សម្តែងការមិនពេញចិត្ត ដោយយល់ថាក្រសួងវប្បធម៌
រាជធានីភ្នំពេញ ៖ បើទោះបីជាកញ្ញាសិចស៊ីដេនី ខ្វាន់ បានសន្យាកែប្រែភាពឆ្គាំឆ្គងរបស់នាងនៅក្រសួងវប្បធម៌ និងវិចិត្រសិល្បៈរួចហើយក្តី តារាចម្រៀងម៉េង កែវពេជ្ជតា សម្តែងការមិនពេញចិត្ត ដោយយល់ថាក្រសួងវប្បធម៌គួរតែមានវិធានការអ្វីមួយល្អជាងនេះ មិនគួរត្រឹមតែណែនាំ ថ្នមៗ ប្រហើរៗបែបនេះទេ ។
តារាចម្រៀងមនោសញ្ចេតនាម៉េង កែវពេជ្ជតា អន់ចិត្តចំពោះចំណាត់ការរបស់ក្រសួងវប្បធម៌ និងវិចិត្រសិល្បៈទៅលើនាងដេនី ក្វាន់។ ក្រសួងវប្បធម៌គ្មានចំណាត់ការល្អជាងនេះមើលទៅហាក់នៅស្រាលពេក ។ ការមិនពេញចិត្តមកពីគ្រាទៅទទួលការណែនាំពីក្រសួងវប្បធម៌នោះ ដេនី ខ្វាន់ គ្រងសម្លៀកបំពាក់សិចស៊ីបញ្ចេញក្បាលពោះហាក់មានចេតនាផ្គើនក្រសួង ។ ម្យ៉ាងការណែនាំពន្យល់ដេនី ខ្វាន់ ហាក់ស្រាលពេកមិនធ្វើឱ្យនាងរាងចាលទេ ។ ក្រសួងគួរមានវិធានការតឹងរ៉ឹងណាមួយ ឧទាហរណ៍មិនឱ្យចេញមុខប៉ុន្មានខែដើម្បីជាគំរូដល់តារាផ្សេងក្នុងន័យលើកតម្លៃវប្បធម៌ ។
តារាចម្រៀង«សំនៀងដក់ជាប់អនុស្សាវរីយ៍» ម៉េង កែវពេជ្ជតា បានសរសេរនៅលើហ្វេសប៊ុកផ្ទាល់ខ្លួនកាលពីពេល ថ្មីៗកន្លងមកថា «មុនហ្នឹងប្រកាសដាច់ខាតមិនសុំទោសខ្ញុំទេ ។ ហុឺ! ខ្ញុំអន់ចិត្តនឹងក្រសួងយើងណាស់ ស្លៀកពាក់បែបហ្នឹងក៏អាចទទួលជួបបានដែរ វាខុសពីពួកខ្ញុំបើហ៊ានតែខុសបន្តិចម៉ែអើយអត់មើលមុខឥឡូវហេហេ!»។
សារនេះបង្ហាញថា អ្នកនាងម៉េង កែវពេជ្ជតា នៅតែអន់ចិត្តមិនទាន់ស្ងប់ប៉ុន្មានទេ ចំពោះក្រសួងវប្បធម៌ និងវិចិត្រសិល្បៈដែលគ្មានចំណាត់ការអ្វីលើដេនី ខ្វាន់ ក្រៅពីអប់រំ ។ លើសពីនេះអ្នកនាងពេជ្ជតានៅតែមិនស្ងប់ចំពោះការប្រមាថរបស់ដេនី ក្វាន់ លើនាង ទោះបីជាដេនី ខ្វាន់ បានបង្ហោះសារសុំទោសជាសាធារណៈហើយក្តី។
តារាចម្រៀងម៉េង កែវពេជ្ជតា បង្ហាញពីអារម្មណ៍មួយទទួលយកមិនបាន តែបែរជាក្រសួងវប្បធម៌ និងវិចិត្រសិល្បៈទទួលយកបានទៅលើដេនី ខ្វាន់ ចំពោះការស្លៀកពាក់ខើចបញ្ចេញក្បាលពោះទៅទទួលការណែនាំបង្កឱ្យមានការរិះគន់ច្រើន ។ ការបង្ហាញទស្សនៈរបស់អ្នកនាងម៉េង កែវពេជ្ជតា បែបនេះ អ្នកលេងហ្វេសប៊ុកជាច្រើនយល់ស្របតាម និងបញ្ជាក់ថា ឈុតដែលគ្រងរបស់ដេនី ខ្វាន់ ស្លៀកពាក់ទៅជួបលោកថៃ នរៈសត្យា រដ្ឋលេខាធិការក្រសួងវប្បធម៌នោះមិនសមរម្យទាល់តែសោះ ។
ប្អូនប្រុសរបស់ដេនី ខ្វាន់ លោកគីម សាន ធ្លាប់បានបកស្រាយថាឈុតដែលដេនី ខ្វាន់ស្លៀកពាក់ទៅក្រសួងវប្បធម៌ និងវិចិត្រសិល្បៈដើម្បីទទួលការណែនាំនោះមិនហួសហេតុពេកទេ គ្រាន់តែរាងស៊ីវិល័យបន្តិចប៉ុណ្ណោះ ។ ឈុតនោះជាឈុតរបស់តារាល្បីនៅប្រទេសថៃ ហើយមិនត្រូវចាត់ទុកថាជាសម្លៀកបំពាក់មិនសមភ្នែកគេទេ និងរឹតតែមិនមានន័យមើលស្រាលក្រសួងទៅទៀត ។ លោកគីម សាន សុំឱ្យមហាជនមើលឃើញពីចំណុចវិជ្ជមានលើបងស្រីរបស់ខ្លួនខ្លះផង ដោយសារតែនាងបានទទួលខុសត្រូវលើភាពសិចស៊ីរបស់ខ្លួនរួចហើយ ។
មានមតិមួយចំនួនលើកឡើងថា ក្រសួងវប្បធម៌ និងវិចិត្រសិល្បៈកោះហៅដេនី ខ្វាន់ ទៅអប់រំនោះហាក់ដូចជាគ្មានបានផ្លែផ្កាអ្វីជាដុំកំភួនទេ ព្រោះពុំមានការដាក់លក្ខខណ្ឌ ឬឱ្យធ្វើកិច្ចសន្យាអ្វីមួយ ។ មិនត្រឹមតែអ្នកនាងម៉េង កែវពេជ្ជតាទេ នៅមានតារាជាច្រើនទៀតសម្តែងការមិនពេញចិត្តដែរចំពោះរឿងនោះ ។
មតិរិះគន់មួយចំនួនលើកឡើងថា ក្នុងពេលកោះហៅដេនី ខ្វាន់ ទៅណែនាំនោះ មន្ត្រីក្រសួងវប្បធម៌ និងវិចិត្រសិល្បៈលើកឡើងថា គ្មានច្បាប់ហាម ឬកំណត់ពីការស្លៀកពាក់ទេ ។ ទោះជាគ្មានច្បាប់ ប៉ុន្តែប្រទេសមួយមានប្រពៃណីវប្បធម៌របស់ខ្លួន ដូច្នេះមិនត្រូវបណ្តោយឱ្យអ្នកសិល្បៈដែលស្ថិតក្រោមក្រសែភ្នែកមហាជននៅក្រៅរង្វង់ប្រពៃណី វប្បធម៌ទេ ៕
ចែករំលែកព័តមាននេះ