រាជធានីភ្នំពេញ ៖ លោកយាយចំណាស់ម្នាក់មានជំងឺស្លា.ប់មួយចំហៀងខ្លួន ត្រូវកូនស្រីបង្កើតបណ្តេញចេញពីផ្ទះ ដែលហេតុការណ៍នេះ បង្កឱ្យភ្ញាក់ផ្អើលកាលពីវេលាម៉ោង៥ល្ងាចថ្ងៃទី២៥ ឧសភា ២០១៦ ស្ថិតនៅមុខផ្ទុះលេខ១១ ផ្លូវបេតុងលេខ៨៩BT ក្នុងភូមិត្នោតជ្រំ សង្កាត់បឹងទំពុន ខណ្ឌមានជ័យ ។
រាជធានីភ្នំពេញ ៖ លោកយាយចំណាស់ម្នាក់មានជំងឺស្លាប់មួយចំហៀងខ្លួន ត្រូវកូនស្រីបង្កើតបណ្តេញចេញពីផ្ទះ ដែលហេតុការណ៍នេះ បង្កឱ្យភ្ញាក់ផ្អើលកាលពីវេលាម៉ោង៥ល្ងាចថ្ងៃទី២៥ ឧសភា ២០១៦ ស្ថិតនៅមុខផ្ទុះលេខ១១ ផ្លូវបេតុងលេខ៨៩BT ក្នុងភូមិត្នោតជ្រំ សង្កាត់បឹងទំពុន ខណ្ឌមានជ័យ ។
លោកយាយខាងលើមានឈ្មោះវ៉ា គឹមឃន អាយុ៧៣ឆ្នាំ ។ ចំណែកកូនស្រីដែលដេញម្តាយចេញពីផ្ទះឈ្មោះសុខ រត្ន័ពិសី អាយុ៥២ឆ្នាំ ជាបុគ្គលិកអង្គការ ស្នាក់នៅជាមួយម្ដាយនៅផ្ទះខាងលើ ។
បើតាមសម្ដីកូនប្រុសពៅលោកយាយ សុំមិនបញ្ចេញឈ្មោះស្នាក់នៅក្នុងសង្កាត់ដង្កោបានឱ្យដឹងថា គាត់មានបងប្អូន៤នាក់ (ស្រី៣នាក់) និងមានប្តីប្រពន្ធរៀងៗខ្លួនអស់ ។ នៅសល់តែបងស្រីម្នាក់ឈ្មោះសុខ សោម៉ាវត្តី អាយុ៥៣ឆ្នាំម្នាក់រស់នៅជាមួយម្ដាយ និងមានសតិមិនប្រក្រតី (ព្រោះអត់គ្រួសារនឹងគេ) ។
នៅថ្ងៃកើតហេតុនោះ គាត់ជិះម៉ូតូតាមផ្លូវ ស្រាប់តែប្រទះឃើញរ៉ឺម៉កម៉ូតូមួយគ្រឿងបានដឹកម្តាយគាត់ ព្រមទាំងបង្វិចខោអាវមួយចំនួនទៀត បម្រុងយកទៅទម្លាក់ចោលទីណាទេ ។ ឃើញដូច្នោះ គាត់ទៅសួរអ្នកបើករ៉ឺម៉ក និងឱ្យដឹកម្ដាយគាត់យកផ្ទះវិញ ។ តែពេលមកដល់ផ្ទះ ស្រាប់តែបងស្រីឈ្មោះសុខ រ័ត្នពិសី មិនព្រមបើកទ្វារឱ្យម្តាយរបស់គាត់ចូលក្នុងផ្ទះទេ គឺបានចាក់សោពីក្នុងផ្ទះ មិនព្រមចេញមកមើលម្តាយ ។
ប្រភពដដែលថា នៅពេលព្រឹក គាត់បាននិយាយជាមួយបងស្រីរូបនោះដែរ គឺនិយាយពីរឿងម្តាយឈឺ តែស្ត្រីជាបងបានតបមកវិញថា គឺទុកឱ្យម្តាយរបស់គាត់ស្លាប់ទៅ ដោយថាមិនឱ្យអ្វីហូបទាល់តែសោះ ។ និយាយរួច គាត់ជិះម៉ូតូចេញទៅធ្វើការបាត់ទៅ លុះដល់ល្ងាចថ្ងៃកើត ស្រាប់តែឃើញម្តាយរបស់គាត់ ត្រូវគេដឹកតាមម៉ូតូរ៉ឺម៉កម៉ូតូទៅវិញ ។
រហូតមកដល់ពេលនេះ ម្តាយរបស់គាត់ ត្រូវអ្នកជិតខាងបានជូនចំណីអាហារហូប ជួយចងមុងនៅលើគ្រែឱ្យគាត់សម្រាន្តនៅមុខផ្ទះគាត់ រង់ចាំមើលតើកូនស្រីរូបនោះ បើកទ្វារចេញមកមើលម្តាយ ដែរឬអត់ ។
ចំណែកខាងកូនស្រីដែលដេញម្តាយចេញពីផ្ទះមិនចេញមកបំភ្លឺរឿងនេះទេ គឺបានបិទទ្វារចាក់សោពីក្នុងផ្ទះយ៉ាងស្ងាត់ឈឹងតែ
ម្តង ។ ហើយរឿងនេះ គាត់ក៏ទៅប្តឹងសមត្ថកិច្ចដែរ តែសមត្ថកិច្ចបានប្រាប់ថា ឱ្យនិយាយគ្នាទៅរឿងម្តាយកូនរបស់យើង ។
ទាក់ទិននឹងករណីខាងលើនេះ អ្នកជិតខាងសង្ស័យថា កើតឡើងដោយសារតែរឿងចែកកេរ្តិ៍មិនស្មើ ឬយ៉ាងណា? បានជាកូនស្រីដាច់ចិត្តបណ្តេញម្តាយចេញពីផ្ទះ ហើយទុកឱ្យម្តាយចាស់មានជំងឺស្លាប់មួយចំហៀងខ្លួន នៅសម្រាកក្រៅផ្ទះតែម្នាក់ឯង ដោយមិនព្រមបើកទ្វារឱ្យម្តាយចូលទៅក្នុងផ្ទះបែបនេះ ។
លើសពីនេះទៀត ក្រុមគ្រួសារខាងលើ មានស្ថានភាពគ្រួសារសុទ្ធតែធូរធា មិនមែនខ្វះមុខខ្វះក្រោយទេ ចំណែកកូនប្រុសពៅនោះក៏មិនព្រមទទួលម្តាយ ទៅរស់នៅជាមួយម្តាយដែរ បានត្រឹមតែមកមើលម្តាយ ហើយត្រឡប់ទៅផ្ទះវិញតែប៉ុណ្ណោះ ៕
ចែករំលែកព័តមាននេះ